परकास 19:7 - मध्‍य पुरविया थारू

⁷ हमसब आनन्‍द मना आ खुसी हो! ओकर जयजयकार कर! कथिलेत थुमाके बियाहके दिन चैलएल छै आ ओकर कनिया आपनेके तैयार करने छै!

परकास 19:7 ပူးပေါင်းရင်းမြစ်များ

मतीके लिखल सुसमाचार 1:20

महज जब योसेफ एह्‍या बातके बिचार करतै रहै, तब सपनामे परमपरभुके स्‍वरगदुत एलै आ ओकरा अनङ कहल्‍कै, “हौ दाउदके खानदानके योसेफ, तु मरियमके आपन घरबालीके रुपमे अपनाबैले नै डरा, कथिलेत जे ओकर पेटमे छौ, उ पबितर आत्‍मासे चियौ।

मतीके लिखल सुसमाचार 22:2

“स्‍वरगके राज एकटा एहेन रजा सङे तुलना करेसकैचियै जे आपन बेटाके बियाह उत्‍सबमे भोज करल्‍कै।

लुका 12:36

तुसब ओइ नोकरसब जखा हो। मालिक बियाह भोजसे आइबके केबार ढकढकाइते मातर खोइल दैछै।

युहन्‍ना 3:29

जकरसङे कनिया छै वह्‍या बर चियै। बरसङे ठार हैबला बरेके अबाज सुइनके बहौत खुसी हैछै। अहैलेल हमर यि खुसी आब पुरा भेलछै।

२ कोरन्‍थी 11:2

परमेस्‍वर तोरासबके करल वास्‍ता जखा हम्‍हु तोरासबके वास्‍ता करैचियौ, कथिलेकी हम त एक मातरे बर खिरिस्‍टसङे तोरासबके बियाह कैरदैके परतिग्‍या करनेचियौ। ओहैसे तोरासबके ओकर पबितर कुमाइर कनियाके रुपमे कनियादान करैके बिचार करनेचियौ।

एफिसी 5:23

कथिलेत घरबला घरबालीके सिर चियै, जनङ खिरिस्‍ट मन्‍डलीके सिर चियै, जे मन्‍डली ओकर देह आ उ स्‍वयम मन्‍डलीके मुक्‍ती दैबला चियै।

एफिसी 5:32

यि बहौत बरका रहसके बात चियै। हम एह्‍या बात खिरिस्‍ट आ मन्‍डलीके समबन्‍धमे बोलैचियै।

फिलिप्‍पी 3:3

सत हिसाबसे खतना करैबला त हम्‍हीसब चियै कथिलेत पबितर आत्‍मासे परमेस्‍वरके आराधना करैचियै आ खिरिस्‍ट येसुमे हमसब गर्‌ब करैचियै। हमसब बाहरके कोनो रितिथितीमे भरोसा नै करैचियै।

परकास 11:13

तखुन्‍ते एकटा बरका भुमकौन गेलै आ सहरके दस भाग खैसपरलै। उ भुमकौनसे सात हजार लोक मरलै। बाकी बचलहासब डरसे स्‍वरगके परमेस्‍वरके महिमा करल्‍कै।

परकास 19:9

तब स्‍वरगदुत हमरा अनङ कहल्‍कै, “यि लिख, उसब धैनके चियै, जेसब थुमाके बियाहके नौता पाबल्‍कै।” उ हमरा फेनसे कहल्‍कै, “एह्‍या परमेस्‍वरके सत बचनसब चियै।”

परकास 21:2

तब हम परमेस्‍वरसे बरके लेल कनिया जखा सिङगार-पटार करल, अरथात पबितर सहर, लया यरुसलेम, स्‍वरगसे निचा आबैत देखलियै।

परकास 21:9

तब उ सात अन्‍तिम बिपतीसे भरल सातटा बाटी बोकैबला सातटा स्‍वरगदुतमेसे एक गोरे हमरा आइबके कहल्‍कै, “अते या, हम तोरा कनिया देखेबौ, जे थुमाके घरबाली चियै।”