परकास 19:20 - मध्‍य पुरविया थारू

²⁰ महज उ जानबर आ ओकर अगा अचमके चेन्‍हा देखाइबला झुठा अगमबक्‍ता दुनु पकराउमे परलै। एहैन अचमके कामसे झुठा अगमबक्‍ता ओइ जानबरके छाप लगाइबला आ मुरती पुजा करैबलासबके बहकाइने छेलै। दुनुके जिबिते आइगके धिधरामे फेक देल्‍कै।

परकास 19:20 ပူးပေါင်းရင်းမြစ်များ

मतीके लिखल सुसमाचार 7:15

“झुठा अगमबक्‍तासबसे होसियार रह, जे तोरासबके बिचमे भेंराके भेसमे आबैछौ, महज भितरसे उसब भुख्‍याल नरहिया जखा हैछै।

परकास 14:10

तकरा परमेस्‍वरके करोधके बाटीमे बिना मिलाबटके तयार करल परमेस्‍वरके करोधके करा दाखमध पियैले परतै। उसब पबितर स्‍वरगदुतसब आ थुमाके अगा आइग आ गन्‍धकमे कस्‍ट भोग्‍तै।

परकास 17:12

तु जे दस सिङ देखलिही, से दस रजासब चियै, उसब अखुनतक राज नै करने छै। महज उसब कुछ समयके लेल उ जानबर सङे राज करैके अधिकार पाबतै।

परकास 19:19

तब हम उ जानबर आ सन्‍सारके रजासबके आपन-आपन सिपाहीसब ल्‍याके, घोरामे सबार भेल आ ओकर सेनासबके बिरोधमे लराइ करैले एक ठाम जम्‍मा भेल देखलियै।

परकास 20:10

तब जाती-जातीके लोकसबके बहकाबैबला दुस्‍टके रजा सैतानके आइग आ गन्‍धकके खाइदमे फेकदेल्‍कै, जते जानबर आ झुठा अगमबक्‍तासबके फेकने छेलै। ओते उसब दिन-रात सबदिन दुख-कस्‍ट भोगैतरहतै।

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

परकास 22:15

महज कुतासब जखा खराब लोकसब, जादु-टोना करैबलासब, बेबिचारीसब, हतियारासब, मुरती पुजा करैबलासब, झुठ मन पराइबला आ तै अनुसार जिबन बिताइबलासब सहरसे बाहरे रहतै।

परकास 9:17

हमर दरसनमे देखापरल घोरा आ घोरसबारसब एहेन छेलै, ओकरासबके छातिके कबच आइग जखा लाल, निल आ हरदी रङके छेलै। घोरासबके मुरी सिंहसबके मुरी जखा छेलै आ ओइसबके मुहसे आइग, धुवाँ आ गन्‍धक निकलैछेलै।