परकास 18:3 - मध्‍य पुरविया थारू

³ कथिलेत सब जातीसबके लोकसब ओकर बेबिचारके मध पिके मातल छै आ सन्‍सारके रजासब ओकरसे बेबिचार करने छेलै आ सन्‍सारके बेपारियोसब ओकर बरका मोज-मज्‍जाके कारन धनिक भेल छेलै।”

परकास 18:3 ပူးပေါင်းရင်းမြစ်များ

लुका 7:25

तुसब कथी देखे गेल्‍छेली? कि सफा उजर जमा पिन्‍हल लोकसबके देखैले? नै, सफा उजर जमा आ ऐसमोजके जिन्‍गी बिताइबलासब त राज दरबारमे रहैछै।

१ तिमोथी 5:11

महज जबान उमरके मसोमातनीसबके नाम मसोमात सुचिमे नै लिख, कथिलेकी जब ओइसबके सारिरीक इक्‍छाके कारनसे खिरिस्‍टसे दुर ल्‍याजेतै, तै दुवारे उसब बियाह करैले ताक्‍तै।

परकास 14:8

तकरबाद दोसर स्‍वरगदुत आइबके अनङ कहल्‍कै, “ओकर सब नास भेलै! महान सहर बेबिलोन नास भेलै। कथिलेत उ सहर आपन बेबिचारके मधसे जाती जातीके लोकसबके पियैले लगेल्‍कै।”

परकास 17:2

ओकरसङे सन्‍सारके रजासब बेबिचार करने छेलै आ सन्‍सारके लोकसब ओकर बेबिचारके नसासे मातल छेलै।”

परकास 18:19

तब उसब आपन-आपन मुरीमे गरदा राख्‍तै आ कानैत कहतै, “धिक्‍कार, धिक्‍कार, उ महानगरीके धन-सम्‍पतीसे पानी जहादके मालिकसब धनिक भेल छेलै। एके छनमे उ सहर नास भेलै।”

परकास 18:23

आबसे तोहरमे चिरखाके इजोत कहियो नै चमकतौ आ तोहरमे बर-कनियाके सोर कहियो सुनैले नै पाबतै। कथिलेत तोहर बेपारीसब सन्‍सारके धनिक-धनिक लोकसब छेलै आ तोहर जादु-टोनासे सब जातिके लोकसब ठगलगेल छेलै!”

परकास 18:7

उ जतहेक मान-सम्‍मान आ भोग-बिलास करने छै, ओतबेहेक ओकरा दुख आ सोक दहै। कथिलेत उ मनमने कहैछै, ‘हम त महरानी चियै, हम बिधुवा नै चियै, हमरा कहियो सोक करैले नै परतै।’

परकास 18:9

ओकरसे बेबिचार करैबला आ सुख-बिलास करैबला सन्‍सारके रजासब जब उ जरैत सहरके धुवाँ देखतै तब ओकरलेल कान्‍तै आ सोक करतै।