परकास 18:21 - मध्‍य पुरविया थारू

²¹ तकरबाद एकटा सक्‍तिसाली स्‍वरगदुत बरका जाँत जखा पथल उठाके एहेन कहैत समुन्‍दरमे फेकल्‍कै, “अहिनङके महानगरी बेबिलोन जोरसे फेकल जेतै आ उ फेरसे कहियो नै भेटतै।

परकास 18:21 ပူးပေါင်းရင်းမြစ်များ

परकास 10:1

तकरबाद हम दोसर सक्‍तिसाली स्‍वरगदुतके स्‍वरगसे निचा उतरैत देखलियै। ओकर देह बादलसे झापल छेलै आ मुरी उपर पैनसोका छेलै। ओकर चेहरा सुरुजके जखा आ ओकर टाङसब आइगके खम्‍हा जखा छेलै।

परकास 12:8

अजेगर आ ओकर दुतसब हारलै आ स्‍वरगमे अकरासबके रहैले नै देल्‍कै।

परकास 16:20

सब टापुसब बिलागेलै आ पहारसब बेपता भेगेलै।

परकास 18:10

ओकर दन्‍डके यातनाके डरसे उसब दुरेसे ठार भ्‍याके एहेन कहतै, “धिक्‍कार! धिक्‍कार! हे महानगरी, सक्‍तिसाली बेबिलोन! एके छनमे तोरा दन्‍ड देल्‍कौ।”

परकास 18:22

आबसे तोहरमे बिना बजाइबला, बौसली बजाइबला, तुरही बजाबैबला आ गित गाबैबलासबके अबाज कहियो नै सुनैले पाबतै। कोनो किसिमके सिप भेल लोकसब ओते नै भेटतै आ जाँत पिसैके अबाज फेरसे तोहरमे कहियो सुनैले नै पाबतै।

परकास 20:11

तकरबाद हम एकटा बरका उजर सिंहासन आ ओइमे बैठैबलाके देखलियै। पिरथिबी आ अकास ओकर सामनेसे भाग्‍लै आ उसब फेनसे कहियो नै देखा परलै।

परकास 5:2

तब हम एकटा बलबान स्‍वरगदुतके देखलियै, जे बरका अबाजमे अनङ कैहके पुछल्‍कै, “अकर लाहट तोइरके अकर मुठा खोलैले के योग्‍यके छै?”