परकास 15:4 - मध्‍य पुरविया थारू

⁴ हे परभु, अहाँके डर के नै मानैछै? आ अहाँके नामके महिमा के नै करैछै? कथिलेकी अहाँ मातरे पबितर चियै। सब जातीके लोकसब आइबके अहाँके अगा आराधना करतै, कथिलेत अहाँके धारमिक कामसब परकट भेलछै।”

परकास 15:4 ပူးပေါင်းရင်းမြစ်များ

रोमी 15:9

परमेस्‍वर गैर-यहुदीयोसबके अनुगरह करल्‍कै ताकी ओहोसब ओकर महिमा करे। जनङ पबितर धरमसास्‍तरमे लिखल छै, “अहैसे गैर-यहुदीसबके बिचमे हम अहाँके परसन्‍सा करबै आ अहाँके नामके इस्‍तुती गाब्‍बै।”

१ पतरुस 1:16

पबितर धरमसास्‍तरमे एहेन लिखलछै, “तुसब पबितर हो, कथिलेत हम पबितर चियै।”

परकास 11:15

सातम स्‍वरगदुत आपन तुरही फुकल्‍कै त स्‍वरगमे बरका अबाज एहेन कहल्‍कै, “पिरथिबीमे राज करैके अधिकार आबसे अपनासबके परभु आ ओकर खिरिस्‍टके चियै आ उ जुगो-जुगतक राज करतै।”

परकास 14:7

उ बरका अबाजमे कहल्‍कै, “परमेस्‍वरके डर मान आ ओकर महिमा कर, कथिलेत ओकर नियाय करैबला समय आइबगेल छै। स्‍वरग, पिरथिबी, समुन्‍दर आ पानीके भवसब बनाबैबला परमेस्‍वरके आराधना कर।”

परकास 16:5

पानीउपर अधिकार भेल स्‍वरगदुतके एहैन कहैत हम सुनलियै, “हे पबितर परमेस्‍वर, अहाँ जे चियै, जे छेलियै, अहाँके करल नियाइ ठिक छै।

परकास 16:7

तकरबाद हम बेदीलगसे एकटा एहेन अबाज सुनलियै, “हे सरबसक्‍तिमान परभु परमेस्‍वर, अहाँके नियाइ ठिक आ सत छै!”

परकास 19:2

कथिलेत ओकर नियाइ सत आ ठिक छै। पुरे पिरथिबीके आपन बेबिचारसे बिगारैबाली नाम चलल बेबिचारनी जनीके ठिक सजाय देनेछै आ उ आपन सेबकसबके लहुके बदला ओहैसे लेनेछै।”

परकास 19:8

ओकरा चमकदार आ साफ मलमलके बस्‍तर पिन्‍हैले देल्‍कै।” चमकदार मलमलके बस्‍तर त परमेस्‍वरके पबितर जनसबके धारमिक कामसब चियै।

परकास 3:7

“फिलाडेल्‍फियाके मन्‍डलीके देख-भाल करैबला दुतके यि लिख, ‘उ जे पबितर आ सत छै, जकर हाथमे दाउदके कुजी छै आ जकर खोलल केबार कोइ नै बन्‍द करैले सक्‍तै या बन्‍द करल केबार कोइ नै खोलैले सक्‍तै।

परकास 4:8

उ चारु परानीके छ-छटा डेन छेलै आ डेनके बाहर आ भितरमे आँखसे झापल छेलै। दिनरात उसब नै थाकैत पिराइत अनङ गाबैत रहैछै। “सरबसक्‍तिमान परमेस्‍वर पबितर, पबितर, पबितर चियै। उ छेलै, उ छै आ उ रहतै।”

परकास 6:10

तब उसब अनङ कहैत जोरसे चिच्‍याके कहल्‍कै, “हे सरबसक्‍तिमान, पबितर आ सत परभु, पिरथिबीमे हमरासबके मारैबलाके अहाँ कहियातक इन्‍साफ नै करबै आ हमरासबके लहुके बदला नै लेबै?”