परकास 15:2 - मध्‍य पुरविया थारू

² हम आइगसङे मिलल सिसाके समुन्‍दर जखा देखलियै। ओते जानबर, ओकर मुरतिमे आ ओकर नामके सङख्‍यामे बिजय पाबैबला लोकसब छेलै। उसब आपन हाथमे परमेस्‍वरके देल बिना लके सिसाके समुन्‍दरके कातमे ठारभेल छेलै।

परकास 15:2 ပူးပေါင်းရင်းမြစ်များ

मतीके लिखल सुसमाचार 3:11

“हम पस्‍चातापके खातिर तोरासबके पानीसे बप्‍तिस्‍मा देबौ, महज हमरसे पाछे जे आबैबला छै, उ हमरोसे सक्‍तिसाली छै, जकर हम जुतो बोकैके जोकर नै चियै। उ तोरासबके पबितर आत्‍मा आ आइगसे बप्‍तिस्‍मा देतौ।

१ पतरुस 1:7

नास हैबला सोनाके आइगमे खाइरके सुध करल जखा तोरासबके बिस्‍बास ओहौसे मुल्‍यबान छौ। अहै खातिर तोरासबके बिस्‍बास सच ठहरे आ येसु खिरिस्‍ट परगट हैबला दिनमे परसन्‍सा, महिमा आ आदरके योग्‍य बने।

१ पतरुस 4:12

हे पिरिय भाइसब, तोरासबके जाचैके लेल अगनी परिक्‍छा एल बखत, यि नै हैबला काम चियै कैहके तुसब अचम नै मान।

परकास 12:11

थुमाके लहुसे, ओकरासबके घोसना करल सत बचनसे आ जान तलिक दैले उसब तैयार भेलाके कारन अपनासबके भाइ-भैयासब ओकरा जितनेछै।

परकास 13:1

हम समुन्‍दरके बालु उपर ठारभेल छेलियै तकरबाद समुन्‍दरसे निकैलके आबैत एकटा जानबर हम देखलियै। उ जानबरके दसटा सिङ आ सातटा मुरी छेलै आ सब सिङमे एकटा-एकटा मुकुट छेलै आ ओकर सब मुरीमे परमेस्‍वरके अपमान करैबला नाम लिखल छेलै।

परकास 13:14

पहिन्‍का जानबरके लेल देखाइबला अजगुतके चेन्‍हासब दुवारा उ सन्‍सारके सब लोकसबके बहकेल्‍कै। तरबारके बहौत गैहर चोटसे निक भेल ओइ जानबरके सम्‍मानमे एकटा मुरती बनाबैके आदेस दोसर जानबर सन्‍सारके लोकसबके देल्‍कै।

परकास 13:17

यि चेन्‍हा ओइ जानबरके नाम या ओकर सङख्‍या छेलै। तब जतहेक लोकके उ चेन्‍हा नै छेलै, उसब किन-बेच करैले नै पाबैछेलै।

परकास 21:18

उ दबाल चमकदार पथलसे बनल छेलै आ सहर निखुर सोनासे बनल छेलै आ सफा सिसा जखा चम्‍कैछेलै।

परकास 4:6

सिंहासनके अगा समुन्‍दर जखा देखाइबला चिज छेलै। उ चिज सिसा जखा सफा देखाइछेलै। आँखे आँख भेल चारटा जिबित परानी सिंहासनके अगा आ पछा कैरके चारुकातसे घेरनेछेलै।

परकास 5:8

तकरबाद उ चारटा जिबित परानीसब आ चौबिसटा धरमगुरुसब अगा आइबके निहुक गेलै। सबके हाथमे एक-एकटा बजाबैबला बिना आ धुप गमकसे भरल सोनाके बाटी छेलै, उ धुपके गमक त परमेस्‍वरके लोकसबके चरहाल बिन्‍ती परथना चियै।