परकास 14:4 - मध्‍य पुरविया थारू

⁴ उसब कहियो नै जनिसबसङे देहके समबन्‍ध राखने छेलै आ आपनेके सुध राखने छेलै। थुमा जते जते जाइछेलै ओकर पछा लागैबला वहेसब छेलै। परमेस्‍वर आ थुमाके लेल पहिल्‍का फलके रुपमे लोकसबके बिचसे ओकरासबके मोल तिरके छुटाइने छेलै।

परकास 14:4 ပူးပေါင်းရင်းမြစ်များ

मतीके लिखल सुसमाचार 19:12

बियाह नै करैबला बहुतो कारनसब छै, कथिलेत कोइ जलमेसे नपुन्‍सक हैछै, ककरो औरो लोक नपुन्‍सक बन्‍या दैछै आ कोइ आपने-आप स्‍वरगके राजके लेल नपुन्‍सक भ्‍याजाइछै। जेसब यि सबबातके सुइकार करे सकैछै, से कोइ सुइकार करे।”

मतीके लिखल सुसमाचार 25:1

येसु कहल्‍कै, “स्‍वरगके राज एहेन चियै- दसटा कुमाइर कनिया आपन-आपन चिरखा ल्‍याके बरके भेटैले निकललै।

मतीके लिखल सुसमाचार 8:19

तखुन्‍ते एकटा धरमगुरु ओकरलग आइबके कहल्‍कै, “गुरु जी, अहाँ जते-जते जेबै, वोते-वोते हम्‍हु अहाँके पछा ज्‍याब।”

युहन्‍ना 10:27

हमर भेंरासब हमर बोली सुनैछै। हम ओइसबके चिन्‍हैचियै आ उसब हमर पछा-पछा आबैछै।

युहन्‍ना 12:26

जे हमर सेबा करैले चाहैछै उ हमर पछा आबे आ हम जते रहबै ओते हमर सेबक सेहो रहतै। जे कोइ हमर सेबा करैछै हमर पिता तकरा आदर करतै।

युहन्‍ना 13:37

महज पतरुस कहल्‍कै, “परभु, हम अखुन कथिले पछा आबैले नै सक्‍बै? हम त अहाँके लेल जानो द्‍यादेबै।”

युहन्‍ना 8:12

तब येसु फेनो लोकसबके कहल्‍कै, “सन्‍सारके इजोत हम्‍ही चियौ। हमर पछा चलैबला अन्‍हारमे कहियो नै चल्‍तै, महज उ जिबनके इजोत पाबतै।”

परेरित 20:28

तैल्‍याके तोरासबके आपनो आ आपन पुरे जेरके रेखदेख करैतरह। पबितर आत्‍मा तोरासबके ओइसबके चरबाहा बनाइनेछौ कि तोरासबके परमेस्‍वरके मन्‍डलीके रेखदेख कर, जकरा परमेस्‍वर आपन बेटाके लहुसे किन्‍नेछै।

१ कोरन्‍थी 16:15

भाइसब तोरासबके थाहे छौ, कि स्‍तिफनासके परिबार अखैयामे बिस्‍बास करैबलासबमेसे पहिल्‍का चियै। उसब परमेस्‍वरके जनसबके सेबामे अपनाके अरपन करने छै।

१ कोरन्‍थी 6:20

कथिलेत परमेस्‍वर तोरासबके मोल तिरके किन्‍ने छौ। तैखातिर तुसब आपन देहमे परमेस्‍वरके महिमा कर।

१ कोरन्‍थी 7:28

यदि तु बियाह करबो करबिही त उ पाप नै चियै। तहिनङे यदि कुमाइर छौरी बियाह करतै त उ पाप नै करैछै। तैयो बियाह करैबलासबके अइ सन्‍सारमे झनझट हैछै आ हम तोरासबके अइसे बचाइले चाहैचियौ।

२ कोरन्‍थी 11:2

परमेस्‍वर तोरासबके करल वास्‍ता जखा हम्‍हु तोरासबके वास्‍ता करैचियौ, कथिलेकी हम त एक मातरे बर खिरिस्‍टसङे तोरासबके बियाह कैरदैके परतिग्‍या करनेचियौ। ओहैसे तोरासबके ओकर पबितर कुमाइर कनियाके रुपमे कनियादान करैके बिचार करनेचियौ।

एफिसी 1:14

महिमामय परमेस्‍वरके परतिग्‍या करल पुरा मुक्‍ती नै पाबैतक पबितर आत्‍मा बैना जखा चियै। आब अपनासब ओकरा परसन्‍सा करु।

एफिसी 5:27

यि मन्‍डलीके पबितर, निरदोस, दाग नै लागल, नै घोकच्‍याल आ कोनो परकारके दोख नै लागल सुन्‍दर मन्‍डली बन्‍याके आपनसङे रहैले एहैन करल्‍कै।

१ तिमोथी 4:3

उसब बियाह नै कर कैहके लोकसबके कहैछै आ बहुतो एहेन खाइबला चिजसब खाइले नै मिलैछै कैहके सिखाइछै। महज सत बात जानैबला बिस्‍बासी लोक धन्‍यबाद द्‍याके परमेस्‍वरके सिरिस्‍टी करल सब चिज खाइले सकैछै।

हिबरु 12:23

तुसब त परमेस्‍वरके पहिन्‍का जलमल अरथात ओकर सन्‍तानसबके सभामे एलचिही, जकर नाम स्‍वरगमे लिखलछै। उसब धरमीसबके आत्‍मा चियै, जे सिध करलगेलछै। तुसब सबके नियाय करैबला परमेस्‍वरकते एलचिही।

याकुब 1:18

उ आपन इक्‍छा अनुसार सत बचनसे अपनासबके लबका जलम देल्‍कै, ताकी हमसब ओकर सिरिस्‍टीके एकटा पहिल्‍का फल जखा भ्‍यासकी।

१ पतरुस 2:9

महज तुसब त परमेस्‍वरके छानल जन, राजकिय पुजारी, पबितर जाती, निजी परजा चिही। उ तोरासबके अन्‍हारसे ओकर अचमके इजोतमे आनल्‍कौ, ताकी तुसब ओकर आस्‍चरजके कामसबके घोसना करैले सक।

परकास 17:14

उसब थुमाके बिरोधमे लराइ करतै महज थुमा आपनसङे बोल्‍याल, छानल आ बिस्‍बास योग्‍यसबके ल्‍याके ओकरासबके जित्‍तै कथिलेत उ परभुसबके परभु आ रजासबके रजा चियै।

परकास 21:22

हम सहरके भितरमे कोनो मन्‍दिर नै देखलियै। कथिलेत सरबसक्‍तिमान परभु परमेस्‍वर आ थुमे ओइ सहरके मन्‍दिर छेलै।

परकास 21:23

उ सहरमे इजोतके लेल सुरुज आ चानके आबस्‍यक नै छै, कथिलेत परमेस्‍वरके महिमा ओतेका इजोत चियै आ थुमा आपने चिरखा चियै।

परकास 3:4

महज सारडिसमे कतहेक एहेन लोकसब छै, जे आपन बिस्‍बासके बस्‍तर जखा पापसे मैल नै बनाइनेछै। उसब हमरसङे उजर बस्‍तर लगाके चल्‍तै कथिलेकी उसब अनङ करैके योग्‍य छै।

परकास 5:9

उसब अनङ कहैत एकटा लया गित गाबल्‍कै, “यि कागतके मुठा लैले आ अकर लाहटके तोरेके योग्‍य अहाँ मातरे चियै, अहाँ मारल गेलियै आ आपन लहुसे अहाँ परमेस्‍वरके लेल सब कुल, भसा, जाती आ देसके लोकसबके छुटकरा देलियै।