परकास 14:2 - मध्‍य पुरविया थारू

² हम स्‍वरगसे बरका पानीके अबाज आ मेघके बरका गरजैके अबाज जखा सुनलियै। उ बिना बज्‍यारहल बहुत बिना एकसाथ बजाइबलासबके अबाज जखा छेलै।

परकास 14:2 ပူးပေါင်းရင်းမြစ်များ

१ कोरन्‍थी 13:1

यदि हम लोकसबके किसिम-किसिमके भसा आ स्‍वरगदुतसबके भसामे बाज्‍बै महज हमरमे परेम नै छै त, हम टिङ-टिङ बजैबला घन्‍टी या झाइ-झाइ करैबला झाइल मातरे हेबै।

परकास 1:10

परभुके दिनमे हम पबितर आत्‍मासे भरलछेलियै आ हमर पछा दिसन एकटा तुरहीके जखा अबाज हम अनङ कहैत सुनलियै।

परकास 1:15

ओकर टाङ आइगके भठ्‍ठीमे खारके चमकाइने काँसके जखा छेलै आ ओकर अबाज बाइढके पानीके आबाजके गरजन जखा छेलै।

परकास 11:12

उ दुनु अगमबक्‍तासब स्‍वरगसे एकटा एहेन बरका अबाज सुनल्‍कै, “अते उपर या।” तब ओकरासबके दुस्‍मनसब देखते देखते उ दुनु बादलमे स्‍वरग दिसन चैलगेलै।

परकास 11:15

सातम स्‍वरगदुत आपन तुरही फुकल्‍कै त स्‍वरगमे बरका अबाज एहेन कहल्‍कै, “पिरथिबीमे राज करैके अधिकार आबसे अपनासबके परभु आ ओकर खिरिस्‍टके चियै आ उ जुगो-जुगतक राज करतै।”

परकास 15:2

हम आइगसङे मिलल सिसाके समुन्‍दर जखा देखलियै। ओते जानबर, ओकर मुरतिमे आ ओकर नामके सङख्‍यामे बिजय पाबैबला लोकसब छेलै। उसब आपन हाथमे परमेस्‍वरके देल बिना लके सिसाके समुन्‍दरके कातमे ठारभेल छेलै।

परकास 18:22

आबसे तोहरमे बिना बजाइबला, बौसली बजाइबला, तुरही बजाबैबला आ गित गाबैबलासबके अबाज कहियो नै सुनैले पाबतै। कोनो किसिमके सिप भेल लोकसब ओते नै भेटतै आ जाँत पिसैके अबाज फेरसे तोहरमे कहियो सुनैले नै पाबतै।

परकास 5:8

तकरबाद उ चारटा जिबित परानीसब आ चौबिसटा धरमगुरुसब अगा आइबके निहुक गेलै। सबके हाथमे एक-एकटा बजाबैबला बिना आ धुप गमकसे भरल सोनाके बाटी छेलै, उ धुपके गमक त परमेस्‍वरके लोकसबके चरहाल बिन्‍ती परथना चियै।

परकास 6:1

तकरबाद थुमा उ सातटा लाहटसब मेसे पहिन्‍काके तोरैत हम देखलियै, तब चार जिबित परानीसब मेसे एकटा मेघ गरजन जखा आबाजमे अनङ कहैत हम सुनलियै “अते या!”

परकास 8:7

पहिल्‍का स्‍वरगदुत आपन तुरही फुकल्‍कै त लहुसङे मिझराइल पथल आ आइग पिरथिबीमे बरसलै। जकर कारन पिरथिबीके एक तिहाइ भाग, गाछसबके एक तिहाइ भाग आ सब हरियर घास-पतार डैहगेलै।