परकास 13:8 - मध्‍य पुरविया थारू

⁸ मारलगेल थुमाके जिबनके किताबमे सन्‍सारके सिरिस्‍टी हैसे पहिने नाम लिखल लोकसब बाहेक पिरथिबीमे रहैबला सबकोइ ओइ जानबरके पुजा करतै।

परकास 13:8 ပူးပေါင်းရင်းမြစ်များ

मतीके लिखल सुसमाचार 25:34

तकरबाद रजा आपन देहना कात ठारभेल लोकसबके कहतै, ‘हे हमर पितासे आसिरबाद पाबल लोकसब! ओइ राजके भोगबिलास करु, जकरा सन्‍सारके उतपतीएसे तोरासबके लेल तैयार करने छै।

लुका 10:20

तैयो भुतआत्‍मासब तोरासबके अधिनमे छौ कैहके खुसी नै मना, महज स्‍वरगमे तोरासबके नाम लिखलछौ तैमे खुसी मना।”

युहन्‍ना 1:29

तकर बिहानके युहन्‍ना येसुके आपन दिसन आबैत देखके कहल्‍कै, “देख, यि सन्‍सारके पाप उठाके लजाइबला परमेस्‍वरके थुमा चियै।

एफिसी 1:4

उ सन्‍सार सिरिस्‍टी करैसे पैहनिए खिरिस्‍टमे अपनासबके आपन अगा पबितर आ निरदोस करैले छान्‍ने छेलै।

फिलिप्‍पी 4:3

हमर बिस्‍बास योग्‍य सुजुगे, हम तोरा बिन्‍ती करैचियौ, कि अइ जनिसबके मदत कर, कथिलेकी यिसब हमर सङे-सङे सुसमाचारके काममे क्‍लेमेससङे आ हमर औरो सहकरमीसङे मेहनत करल्‍कै, जकर नाम जिबनके किताबमे लिखलछै।

तितस 1:2

उ बिस्‍बास आ ग्‍यान अनन्‍त जिबन पाबैके आसमे अरल छै, यि जिबन कहियो झुठ नै बोलैबला परमेस्‍वर सन्‍सार सिरिस्‍टी हैसे पहिने अपनासबके दैले परतिग्‍या करने छेलै।

परकास 12:15

ओइ जनिके बाढ बहाके ल्‍याजेतै सोइचके अजेगर आपन मुहसे लदी जखा पानी निकालल्‍कै।

परकास 13:12

दोसरका जानबर पहिल्‍का जानबरके लेल ओकर पुरे अधिकार चलाइ छेलै। पिरथिबी आ ओइमे भेल सब लोकसबके पहिन्‍का जानबरके पुजा करैले कर लगाइछेलै, जकर बहौत गैहर चोट निक भेल छेलै।

परकास 17:8

तु जे जानबर देखलिही उ एक समयमे जिबित छेलै महज अखुन मरल छै। उ गैहर खाइदसे बाहर निकैलके एतै आ नासमे जेतै। सन्‍सारके सिरिस्‍टी हैसे पहिने जकर नाम जिबनके किताबमे लिखल नै छै, उसब उ जानबरके देखके छक परतै, कथिलेत एक समयमे उ जिबित छेलै अखुन मरल छै। महज उ पाछे फेरसे जिबित हेतै।

परकास 21:27

महज असुध चिज, घिरनित काम करैबला आ झुठ बोलैबलासब उ सहरके भितर जाइले नै पाबतै। थुमाके जिबनके किताबमे नाम लिखलहासब मातरे ओते जाइले पाबतै।

परकास 3:10

पिरथिबीके सब जातीसबके जाँचैले अइ सन्‍सारमे आबैबला दुख कस्‍टसे हम तोरा बचाइबौ, कथिलेकी तुसब बहुत बात सैहके हमर आग्‍यापालन करनेचिही।

परकास 3:20

देख, हम केबारके देहरीमे ठार भ्‍याके ढकढकाइबौ। कोइ हमर सोर सुनके केबार खोइलदेतै त, हम ओकर कते भितर एबै आ ओकरसङे भोजन खेबै आ उ हमरसङे भोजन खेतै।

परकास 3:5

जे सैतानके जित्‍तै, उ अनङ उजर बस्‍तर लगाइतै आ ओकर नाम हम जिबनके किताबसे कहियो नै मिटकाइबै। उ हमर लोक चियै कैहके आपन पिता आ ओकर स्‍वरगदुतसबके अगा हम सुइकार करबै।’

परकास 5:12

उसब जोरसे अनङ कहैछेलै, “बलीके रुपमे मारलगेल थुमा अधिकार, धन, बुइध, बल, मान, आदर आ इस्‍तुती पाबैके योग्‍यके चियै!”

परकास 5:13

तब स्‍वरगमे, पिरथिबीमे, पिरथिबी निचा पतालमे, समुन्‍दर आ ओते भेल सब परानीके अनङ कहैत हम सुनलियै, “सिंहासनमे बिराजमान हैबलाके आ थुमाके इस्‍तुती, आदर, महिमा आ बल सदा-सरबदा हेबे।”

परकास 6:1

तकरबाद थुमा उ सातटा लाहटसब मेसे पहिन्‍काके तोरैत हम देखलियै, तब चार जिबित परानीसब मेसे एकटा मेघ गरजन जखा आबाजमे अनङ कहैत हम सुनलियै “अते या!”