परकास 12:9 - मध्‍य पुरविया थारू

⁹ अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।

परकास 12:9 ပူးပေါင်းရင်းမြစ်များ

मतीके लिखल सुसमाचार 13:39

झर छिटैबला सैतान चियै। बाली काटैबला समय जुगके अन्‍त चियै। काइटके जमा करैबलासब स्‍वरगदुतसब चियै।

मतीके लिखल सुसमाचार 24:24

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

मतीके लिखल सुसमाचार 25:41

“तकरबाद उ आपन बमा कता भेल्‍हासबके कहतै, हे परमेस्‍वरसे सराप पाबलाहा लोकसब। हमरसे दुर चैल जो! सैतान आ ओकर दुतसबके लेल तैयार करल कहियो नै मुझाइबला आइगमे चैल जो।

मतीके लिखल सुसमाचार 4:1

तकरबाद सैतानसे जाँचल ज्‍या कैहके पबितर आत्‍मा येसुके उजार जगहमे ल्‍यागेलै।

मतीके लिखल सुसमाचार 4:10

तब येसु फेनो ओकरा जबाब देल्‍कै, “ऐ सैतान, तु हमर नजरसे दुर भ्‍याजो! कथिलेत लिखल छै, ‘तु परमपरभु आपन परमेस्‍वरके गोर लाग आ ओकरेटा सेबा कर।’”

मतीके लिखल सुसमाचार 4:5

तब सैतान येसुके पबितर नगर यरुसलेमके मन्‍दिरके टुपीमे लज्‍याके कहल्‍कै,

मतीके लिखल सुसमाचार 4:8

फेनो सैतान येसुके एकटा उच्‍का पहाड़मे लज्‍याके सन्‍सारके सब राज आ आपन सान देखाइत कहल्‍कै,

लुका 10:18

तब येसु ओकरासबके कहल्‍कै, “हमे सैतानके स्‍वरगसे बिजली जखा खसैत देखलियै।

लुका 13:16

यि अबराहमके बेटी जे अठार बरिससे सैतानके फन्‍हामे परल छेलै, पबितर बिसराम दिनमे यि फन्‍हासे उ छुटकारा हैके नै चाही?”

लुका 22:3

तहै बखत बारहो चेलामे एकटा इस्‍करयोती कहाइबला यहुदाके मनमे सैतान ढुकलै।

लुका 22:31

तब येसु कहल्‍कै, “सिमोन, ए सिमोन देख! सैतान तोरासबके गहुमे जखा फटकैले आग्‍या माङनेछौ,

लुका 8:12

रस्‍तामे खसलाहा बिचहन उसब चियै, जे कोइ सुनैछै महज बचन सुइनके बिस्‍बास नै करैछै, कारन बिस्‍बास कैरके नै जिये कैहके सैतान आबैछै तब सुनल बचन लके चैलजाइछै।

युहन्‍ना 12:31

आब अइ सन्‍सारके नियाय हैबला समय चैल एलछै। अइ सन्‍सारके सासक बाहर निकालल जेतै।

युहन्‍ना 14:30

आब हम तोरासबसङे बहुत बात नै करबौ, कथिलेकी अइ सन्‍सारके सासक आइबरहल छै। हमर उपर ओकर कोनो अधिकार नै छै।

युहन्‍ना 16:11

उ तोरासबके परमेस्‍वरके नियाइ कथी चियौ से देखादेतौ। कथिलेत यि सन्‍सारके रजा पहिने दोसी ठहैर गेलछै।”

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

परेरित 26:18

तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’

परेरित 5:3

तब पतरुस कहल्‍कै, “ऐ हननिया, पबितर आत्‍मा सङे कथिले झुठ बोलैचिही, जमिन बेचलहा कन्‍हिक हिस्‍सा आपनसङे राखबै से बात सैतान कनङके तोहर मनमे भोइर देल्‍कौ?

रोमी 16:18

कथिलेत एहेन लोकसब अपनासबके परभु येसु खिरिस्‍टके नै महज आपन पेटके लेल सेबा करैछै। उसब निक-निक बात बन्‍याके सिधासाधा लोकसबके ठगैछै।

रोमी 16:20

सान्‍ती दैबला परमेस्‍वर जल्‍दिए सैतानके तोरासबके टाङके तरमे मिसरेतौ। अपनासबके परभु येसु खिरिस्‍टके अनुगरह तोरासबसङे रहे।

२ कोरन्‍थी 11:14

यि कोनो अचमके बात नै चियै, कथिलेकी सैतानो चम्‍कैबला स्‍वरगदुतके जखा भेस धारन करैछै।

२ कोरन्‍थी 11:3

जनङ सैतान साँपके रुप ल्‍याके चलाकिसे हब्‍बाके ठगल्‍कै, ओहिनङ खिरिस्‍ट परती तोरासबके इमान्‍दारी आ सुध भक्‍तीसे तोरासबके मन बहकतौ कि हमरा तकर डर लागैये।

२ कोरन्‍थी 12:7

हमरमे महान रहस परकट करने छै तैल्‍याके हम घमन्‍डसे नै फुली कैहके हमर देहमे एकटा काँट राइख देनेछै, उ सैतानके दुत जखा हमरा दुख दैछै।

२ कोरन्‍थी 2:11

ताकी सैतान हमरासबके फसाबैके मौका नै पाबे, कथिलेकी ओकर जुक्‍तीके बिसयमे हमसब अनजान नै चियै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

एफिसी 4:14

तब अपनासब चलाक लोकसबके झुठा सिक्‍छाके हबासे जने ल्‍याजेतौ तने जाइबला छोट धिया-पुता जखा नै हो। ओइसबके बन्‍याल जाल झेलसे दोसरके बहकाइछै।

२ थेसलोनिकी 2:3

महज तोरासबके कोइयो नै कोनो परकारसे धोखा देबे। कथिलेत परमेस्‍वरके बिरोधमे बहौत बरका बिरोध नै हेबे तलिक आ नास हैबला बेबस्‍था भङ करैबला लोक नै आबैतलिक परभुके दिन नै एतै।

१ तिमोथी 2:14

दोसर बात आदम सैतानके छलमे नै बरु हब्‍बा छलमे पैरके परमेस्‍वरके आग्‍या भङग करल्‍कै।

२ तिमोथी 3:13

महज दुस्‍ट आ ढोङी लोकसब दोसरके धोखा दैछै आ उ आपनो धोखा खाइत बिगरैते जाइछै।

हिबरु 2:14

कथिलेत उ बेटा-बेटीसब लहु आ मासुके देह भेलासे येसु सेहो ओकरेसब जखा भ्‍याके एलै। उ आपनेसे मिरतु भोइगके मिरतुके सक्‍ती भेल सैतानके नास करल्‍कै।

१ पतरुस 5:8

होसियार रह आ जागल रह, कथिलेकी तोरासबके दुस्‍मन सैतान ककरा भेटाइबै आ ख्‍यालेबै कैहके गरजैबला सिंह जखा खोजैत घुमैछै।

१ युहन्‍ना 5:19

हमसब परमेस्‍वरके बेटा-बेटी चियै आ पुरे सन्‍सार दुस्‍ट सैतानेके बन्‍धनमे छै कैहके अपनासब जानैचियै।

यहुदा 1:9

महज परधान स्‍वरगदुत मिखाएल सेहो मोसाके लहासके बारेमे सैतानसे तरक बितरक करैतखिना ओकरा अपमान कैरके दोख नै लगाइल्‍कै। खाली, “परभु तोरा फटकारतौ” कहल्‍कै।

परकास 12:12

तै खातिर स्‍वरग आ ओते रहैबलासब आनन्‍द मना! महज पिरथिबी आ समुन्‍दरमे कतहेक दुख हेतौ! कथिलेत तोरासबके बिचमे सैतान करोधके साथ उतैरके एलछौ, आ ओकर समय ओराइले लागलछै से ओकरा मालुम छै।”

परकास 12:3

तकरबाद अकासमे औरो एकटा अचमके चेन्‍हा देखा परलै, ओकर सातटा मुर आ दसटा सिङ भेल्‍हा एकटा बरका लाल अजेगर छेलै। ओकर सातटा मुरमे सातटा मुकुट रहै।

परकास 12:7

तकरबाद स्‍वरगमे लराइ सुरु भेलै। मिखाएल आ ओकर औरो स्‍वरगदुतसब उ अजेगर सङे लराइ करल्‍कै। तब ओइ अजेगर आ ओकर दुतोसब ओइसबके बिरोधमे लराइ करल्‍कै।

परकास 12:8

अजेगर आ ओकर दुतसब हारलै आ स्‍वरगमे अकरासबके रहैले नै देल्‍कै।

परकास 13:14

पहिन्‍का जानबरके लेल देखाइबला अजगुतके चेन्‍हासब दुवारा उ सन्‍सारके सब लोकसबके बहकेल्‍कै। तरबारके बहौत गैहर चोटसे निक भेल ओइ जानबरके सम्‍मानमे एकटा मुरती बनाबैके आदेस दोसर जानबर सन्‍सारके लोकसबके देल्‍कै।

परकास 16:14

उसब अचमके चेन्‍हा देखाइबला आत्‍मासब चियै। उसब पिरथिबीके जम्‍मे रजासब लग जाइछै आ सरबसक्‍तिमान परमेस्‍वरके महान दिनमे जुध करैले ओकरासबके जमा करैछै।

परकास 18:2

उ जोरसे एहेन कहल्‍कै, “महानगरी बेबिलोनके बिनास भेलै! उ महानगरी भुतसबके रहैबला घर, सब परकारके दुस्‍ट आत्‍मा, सब असुध आ घिरनित चिरै-चुरगुनसबके अखरा भेलछै।

परकास 18:23

आबसे तोहरमे चिरखाके इजोत कहियो नै चमकतौ आ तोहरमे बर-कनियाके सोर कहियो सुनैले नै पाबतै। कथिलेत तोहर बेपारीसब सन्‍सारके धनिक-धनिक लोकसब छेलै आ तोहर जादु-टोनासे सब जातिके लोकसब ठगलगेल छेलै!”

परकास 19:20

महज उ जानबर आ ओकर अगा अचमके चेन्‍हा देखाइबला झुठा अगमबक्‍ता दुनु पकराउमे परलै। एहैन अचमके कामसे झुठा अगमबक्‍ता ओइ जानबरके छाप लगाइबला आ मुरती पुजा करैबलासबके बहकाइने छेलै। दुनुके जिबिते आइगके धिधरामे फेक देल्‍कै।

परकास 2:13

हमरा थाहछै, तुसब सैतानके सिंहासन भेल ठाममे रहैचिही, तैयो तुसब हमर नाममे अस्‍थिर रहैचिही। तुसब हमर भक्‍त चिही आ हमरा बिस्‍बास करैले नै छोरनेचिही से हमरा थाहछै। हमर बिस्‍बासी साक्‍छी एन्‍टिपास सैतान रहैबला ठाममे मारलगेलै, ओहु समयमे बिस्‍बास करैले नै छोरलिही।

परकास 2:24

महज एहेन खराब सिक्‍छामे नै लागल आ सैतानके भितरी रहसके बात नै मानैबला थिआटिरामे भेल औरो लोकके कहैचियौ कि, हम तोरासबके औरो कोनो भारी आग्‍या नै देबौ।

परकास 2:9

हमरा तोहर कस्‍ट आ तोहर गरिबी थाहछै। महज बास्‍तममे तु धनिक चिही। हम ओकरासबके चिन्‍हैचियै, जे आपनके यहुदी त चियै कहैछै, महज बास्‍तममे नै चियै। उसब तोहर बिरोध करल निन्‍दा हम जानैचियै। उसब त सैतानके लोकसब चियै।

परकास 20:10

तब जाती-जातीके लोकसबके बहकाबैबला दुस्‍टके रजा सैतानके आइग आ गन्‍धकके खाइदमे फेकदेल्‍कै, जते जानबर आ झुठा अगमबक्‍तासबके फेकने छेलै। ओते उसब दिन-रात सबदिन दुख-कस्‍ट भोगैतरहतै।

परकास 20:8

तब पिरथिबीके चारुदिसनसे लोकसबके बहकाइले या गोग आ मागोगके लराइके लेल जम्‍मा करैले निकल्‍तै। उसबके सङख्‍या समुन्‍दरके बालु सरह हेतै।

परकास 3:9

देख, हमसब यहुदी चियै कैहके झुठा बोलैबला अतेछै। उसब सैतानके गुटके चियै। ओकरासबके हम तोहर गोर लागैले लगाइबै आ हम तोरा परेम करैचियौ कैहके उसब थाह पाबतै।

परकास 9:1

तकरबाद पाचम स्‍वरगदुत आपन तुरही फुकल्‍कै त हम एकटा तरा अकाससे पिरथिबीमे खसल देखलियै। ओइ तराके नरकके कुजी देलगेलै।

परकास 9:20

उ बिपतसे बचलहा लोकसब आपन हाथके कामसबसे पस्‍चाताप नै करल्‍कै। उसब भुत-परेतसबके, देखैले नै सकैबला, सुनैले नै सकैबला आ चलै-फिरै नै सकैबला सोना, चानी, काँस, पथल आ काठके मुरतीसबके पुजैलै नै छोरल्‍कै।