परकास 12:7 - मध्‍य पुरविया थारू

⁷ तकरबाद स्‍वरगमे लराइ सुरु भेलै। मिखाएल आ ओकर औरो स्‍वरगदुतसब उ अजेगर सङे लराइ करल्‍कै। तब ओइ अजेगर आ ओकर दुतोसब ओइसबके बिरोधमे लराइ करल्‍कै।

परकास 12:7 ပူးပေါင်းရင်းမြစ်များ

मतीके लिखल सुसमाचार 13:41

तै बखत मानबके पुतर आपन दुतसबके पठेतै आ परमेस्‍वरके राजमे पापमे फसाइबला आ दुस्‍ट काम करैबलासबके निकाइलके जमा करतै,

मतीके लिखल सुसमाचार 16:27

कथिलेत जब मानबके बेटा आपन पिताके महिमामे स्‍वरगदुतसबके सङे एतै तब ओइ बखत सब लोकसबके आपन-आपन काज अनुसारके इनाम देतौ।

मतीके लिखल सुसमाचार 24:31

तुरहीके अबाजसङे उ आपन स्‍वरगदुतसबके पठेतै आ अकास आ पिरथिबीके चारु दिसरसे उ आपन छानल लोकसबके जमा करतै।

मतीके लिखल सुसमाचार 25:41

“तकरबाद उ आपन बमा कता भेल्‍हासबके कहतै, हे परमेस्‍वरसे सराप पाबलाहा लोकसब। हमरसे दुर चैल जो! सैतान आ ओकर दुतसबके लेल तैयार करल कहियो नै मुझाइबला आइगमे चैल जो।

मतीके लिखल सुसमाचार 26:53

तु कि सोचैचिही यदी हम माङने रहतियै त कि हमर पिता तुरन्‍त बारह पल्‍टनसे बेसी स्‍वरगदुतसब नै पठादेतियै?

२ कोरन्‍थी 12:7

हमरमे महान रहस परकट करने छै तैल्‍याके हम घमन्‍डसे नै फुली कैहके हमर देहमे एकटा काँट राइख देनेछै, उ सैतानके दुत जखा हमरा दुख दैछै।

एफिसी 6:12

कथिलेत अपनासबके लराइ देह आ लहुके बिरोधमे नै महज सासकसबके बिरोध, सक्‍तिसबके बिरोध, अखुन्‍का अन्‍हार जुगके सन्‍सारिक सासकसब आ स्‍वरगके ठामसबमे भेल दुस्‍ट आत्‍माके सेनासबके बिरोधमे चियै।

२ थेसलोनिकी 1:7

परमेस्‍वरमे दुख सहैबला तोरासबके आ हमरासबके छुटकारा देतौ। यि त तब हेतै, जब परभु येसु स्‍वरगसे धधकैत आइगमे आपन सक्‍तीसाली स्‍वरगदुतसबसङे परगट हेतै तब यि सब करतै।

हिबरु 2:10

परमेस्‍वर आपने महिमाके लेल सब चिज सिरिस्‍टी करल्‍कै। उ आपन बहुतो धियापुतासबके महिमामे लाबैके इक्‍छा करैके कारन उ ओइसबके मुक्‍ती दैबला खिरिस्‍टके कस्‍ट दुवारा सिध बनाबैके ओकर लेल उचित छेलै।

२ पतरुस 2:4

परमेस्‍वर त पाप करैबला स्‍वरगदुतोसबके बाकी नै राखल्‍कै, महज उसबके नरकके खाइधमे फेक देल्‍कै। ओइसबके नियाइके दिनतक पतालके अन्‍धकारमे बाइन्‍हके राखनेछै।

यहुदा 1:9

महज परधान स्‍वरगदुत मिखाएल सेहो मोसाके लहासके बारेमे सैतानसे तरक बितरक करैतखिना ओकरा अपमान कैरके दोख नै लगाइल्‍कै। खाली, “परभु तोरा फटकारतौ” कहल्‍कै।

परकास 12:8

अजेगर आ ओकर दुतसब हारलै आ स्‍वरगमे अकरासबके रहैले नै देल्‍कै।

परकास 12:9

अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।

परकास 13:7

उ परमेस्‍वरके लोकसबसङे लराइ करैके आ ओइसबके जितैके अधिकार पाबनेछेलै। सब कुल, देस, भसा आ जाति उपर अधिकार करैले देने छेलै।

परकास 20:2

उ स्‍वरगदुत अजेगरके पकैरके एक हजार बरिसतक बाइन्‍हके राखल्‍कै। उ अजेगर सुरुके साँप या दुस्‍टके रजा आ सैतान चियै।