परकास 12:4 - मध्‍य पुरविया थारू

⁴ ओकर नङरिसे स्‍वरगके एक तिहाइ तरासबके बरहाइरके पिरथिबीमे फेक देल्‍कै। तब जलमेलागल बच्‍चा जलमैत मातर खाइके लेल जलम दैबाली जनीके अगा उ अजेगर ठारभेल छेलै।

परकास 12:4 ပူးပေါင်းရင်းမြစ်များ

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

१ पतरुस 5:8

होसियार रह आ जागल रह, कथिलेकी तोरासबके दुस्‍मन सैतान ककरा भेटाइबै आ ख्‍यालेबै कैहके गरजैबला सिंह जखा खोजैत घुमैछै।

परकास 12:7

तकरबाद स्‍वरगमे लराइ सुरु भेलै। मिखाएल आ ओकर औरो स्‍वरगदुतसब उ अजेगर सङे लराइ करल्‍कै। तब ओइ अजेगर आ ओकर दुतोसब ओइसबके बिरोधमे लराइ करल्‍कै।

परकास 12:9

अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।

परकास 13:2

उ जानबर चितुवा जखा लागैछेलै। ओकर टाङ भालु जखा छेलै आ मुह सिंह जखा छेलै। उ अजेगर आपन सक्‍ती, सिंहासन आ बरका अधिकार ओहै जानबरके देल्‍कै।

परकास 13:4

लोकसब उ अजेगरके पुजा करैछेलै कथिलेत अजेगर आपन अधिकार जानबरके देनेछेलै। लोकसब उ जानबरके सेहो जयजयकार करैत अनङ कहल्‍कै, “ओइ जानबर जखा औरो के छै से? ओकरसङे लराइ करे सकैबला के छै से?”

परकास 16:13

तब हम अजेगरके मुहसे, जानबरके मुहसे आ झुठा अगमबक्‍ताके मुहसे बेङ जखा तिनटा असुध आत्‍मासबके निकलैत देखलियै।

परकास 17:18

तु जे बेबिचारी जनिके देखलिही उ महानगरी चियै आ सन्‍सारके सब रजासब उपर राज करैछै।”

परकास 20:2

उ स्‍वरगदुत अजेगरके पकैरके एक हजार बरिसतक बाइन्‍हके राखल्‍कै। उ अजेगर सुरुके साँप या दुस्‍टके रजा आ सैतान चियै।

परकास 8:10

तकरबाद तेसर स्‍वरगदुत आपन तुरही फुकल्‍कै त अकाससे बिसाल तरा मसाल जखा बरैत खस्‍लै। उ तरा लदिसबके एक तिहाइमे आ पानीके भबसबमे खस्‍लै।

परकास 8:11

उ तराके नाम “तित” चियै आ उ पानीके एक तिहाइ भाग तित बनेल्‍कै आ उ तित पानी पिके बहुत लोकसब मैरगेलै।

परकास 8:12

तकरबाद चरमा स्‍वरगदुत आपन तुरही फुकल्‍कै त, सुरुज, चान आ तरासबके एक तिहाइ भागमे परहार भेलै। ओइसबके एक तिहाइ भाग अन्‍हारमे बदैलगेलै। अनङ दिन आ रातके एक तिहाइ भाग अन्‍हार भेलै।

परकास 8:7

पहिल्‍का स्‍वरगदुत आपन तुरही फुकल्‍कै त लहुसङे मिझराइल पथल आ आइग पिरथिबीमे बरसलै। जकर कारन पिरथिबीके एक तिहाइ भाग, गाछसबके एक तिहाइ भाग आ सब हरियर घास-पतार डैहगेलै।

परकास 8:8

दोसर स्‍वरगदुत आपन तुरही फुकल्‍कै त आइग लागल पहार जखा देखापरैबला चिज समुन्‍दरमे खस्‍लै। तब समुन्‍दरके एक तिहाइ भाग लहु भेलै।

परकास 8:9

समुन्‍दरमे भेल एक तिहाइ भागके सब जिबित परानीसब मैरगेलै आ जहाजसबके एक तिहाइ भाग नास भेलै।

परकास 9:10

ओकरासबके नङरी आ खिल बिछीके जखा छेलै। ओइसबके नङरीमे पाँच महिनातक लोकसबके कस्‍ट दैबला सक्‍ती छेलै।

परकास 9:19

कथिलेकी उ घोरासबके मुहमे आ नङरीमे जानसे मारैबला सक्‍ती छेलै। ओइसबके नङरी बिखधर साँपके मुरी जखा छेलै। लोकसबके कस्‍ट दैकेलेल उ नङरी हिलाबैछेलै।