परकास 11:19 - मध्‍य पुरविया थारू

¹⁹ तखन स्‍वरगमे परमेस्‍वरके मन्‍दिर खुल्‍लै आ ओकर मन्‍दिर भितर ओकर करारके सन्‍दुक देखापरलै। तब अकासमे बिजली चमैक उठलै। डरलागैबला अबाज सुनाइ देल्‍कै आ मेघके गरजन सुनेलै, भुमकौन गेलै आ बरका बरका पथल परलै।

परकास 11:19 ပူးပေါင်းရင်းမြစ်များ

परकास 11:13

तखुन्‍ते एकटा बरका भुमकौन गेलै आ सहरके दस भाग खैसपरलै। उ भुमकौनसे सात हजार लोक मरलै। बाकी बचलहासब डरसे स्‍वरगके परमेस्‍वरके महिमा करल्‍कै।

परकास 11:15

सातम स्‍वरगदुत आपन तुरही फुकल्‍कै त स्‍वरगमे बरका अबाज एहेन कहल्‍कै, “पिरथिबीमे राज करैके अधिकार आबसे अपनासबके परभु आ ओकर खिरिस्‍टके चियै आ उ जुगो-जुगतक राज करतै।”

परकास 12:1

तकरबाद अकासमे एकटा अचमके बरका चेन्‍हा देखा परलै। एकटा जनि देखा परलै, जे सुरुज पिन्‍हने छेलै, जकर टाङके निचामे चान आ मुरमे बारहटा तराके मुकुट लगेने छेलै।

परकास 16:1

तब हम मन्‍दिरसे सात स्‍वरगदुतके जोरसे एहैन कहैत सुनलियै, “तुसब जो आ परमेस्‍वरके करोधके सात बाटी पिरथिबीमे झाइक दहै।”

परकास 16:18

ओते बिजली चमकलै आ मेघ गरजलै आ बरका भुमकौन एलै। लोकके सिरिस्‍टिसे आइतक ओहेन बरका भुमकौन कहियो नै एलछेलै।

परकास 16:21

अकाससे चालिस-चालिस किलोके पथल लोकसब उपर बरसैले लाग्‍लै आ लोकसब पथलके बिपतीके कारन परमेस्‍वरके सरापे लाग्‍लै कथिलेत उ बिपत एकदम भयानक छेलै।

परकास 19:11

तकरबाद हम स्‍वरग उघरल देखलियै आ ओते एकटा उजर घोरा छेलै। ओइमे सबार हैबला “बिस्‍बासयोग्‍य” आ “सत” कहेतै। उ ठिकसे नियाइ आ लराइ करतै।

परकास 4:1

तकरबाद हम दोसर दरसन देखलियै आ स्‍वरगमे एकटा केबार खुलल देखलियै। हमर सुनल पहिन्‍का अबाज तुरहीके जखा आबाजमे हमरसङे अनङ बोलैत सुनलियै, “अते उपर या, तकरबाद हैले आबैबला बात हम तोरा देखाइबौ।”

परकास 4:5

सिंहासनसे बिजुलीसब चम्‍कैछेलै आ मेघके गर-गर आबाज आबैछेलै। सिंहासनके अगा आइगके सातटा दियासब बरैत रहलै। उ परमेस्‍वरके सात आत्‍मासब चियै।

परकास 7:15

अहैकारनसे, उसब परमेस्‍वरके सिंहासनके अगामे छै आ दिन रात परमेस्‍वरके मन्‍दिरमे परमेस्‍वरके सेबा करैछै। सिंहासनमे बिराजमान हैबला आपनेसे परगट हैत ओइसबके सुरक्‍छा करतै।

परकास 8:5

तकरबाद उ स्‍वरगदुत धुपदानी लेके ओइमे बेदीके आइग भरल्‍कै आ पिरथिबीमे फेकल्‍कै त मेघ गरजनके आबाज एलै, बिजली चमैक उठलै आ भुमकौन गेलै।

परकास 8:7

पहिल्‍का स्‍वरगदुत आपन तुरही फुकल्‍कै त लहुसङे मिझराइल पथल आ आइग पिरथिबीमे बरसलै। जकर कारन पिरथिबीके एक तिहाइ भाग, गाछसबके एक तिहाइ भाग आ सब हरियर घास-पतार डैहगेलै।