परकास 1:20 - मध्‍य पुरविया थारू

²⁰ हमर दहिना हाथमे तोहर देखल यि सात तरासब आ सोनाके डैठके रहस यि चियै, सात तरासब सात मन्‍डलीके देख-भाल करैबला स्‍वरगदुतसब आ सातटा डैठ सातटा मन्‍डलीसब चियै।”

परकास 1:20 ပူးပေါင်းရင်းမြစ်များ

मतीके लिखल सुसमाचार 13:11

उ आपन चेलासबके जबाफ देल्‍कै, “तोरासबके त स्‍वरगके राजके भितरी भेद जानैले देने छौ, महज ओकरासबके नै देने छै।

लुका 8:10

येसु कहल्‍कै, “तोरासबके परमेस्‍वरके राजके भितरी भेद जानैबाला ग्‍यान देनेछौ। औरो लोकसबसङे हम खिसासे बाजैचियौ कि, उसब ताकैले त ताकैछै महज नै देखैछै आ सुनैले त सुनैछै महज नै बुझैछै।”

रोमी 11:25

हे हमर भाइ-भैयासब, हम तोरासबके एकटा रहसके बात थाह हेबे कैहके चाहैचियौ। उ बात तोरासबके थाह हेतौ त तुसब आपनेके बुधिमान ठाइनके घमन्‍ड नै करबिही। उ रहसके बात यि चियै कि, खिरिस्‍टमे आबैबला गैर-यहुदीसब बिस्‍बास नै करैतक बहुतो इजराएलीसबके हिरदय कठोर हेतै।

परकास 1:11

“तु जे देखैचिही, से एकटा किताबमे लिख आ सातो मन्‍डलीके अरथात एफिसस, इस्‍मुरना, परगामम, थिआटिरा, सारडिस, फिलाडेल्‍फिया आ लाउडिकियाके पठा।”

परकास 1:16

ओकर दहिना हाथसे सातटा तरा पकरने रहलै आ ओकर मुहसे चोखगर दुधारके तलबार निकलल छेलै। ओकर चेहरा दुपहरके सुरुजके रौद जखा चम्‍कैत छेलै।

परकास 1:4

एसिया परदेसमे भेल सातटा मन्‍डलीसबके युहन्‍नाके गोरलगी, परमेस्‍वर जे छै, जे छेलै आ जे एतै आ ओकर सिंहासनके अगा रहैबला सातटा परमेस्‍वरके आत्‍मासे तोरासबके अनुगरह आ सान्‍ती मिले।

परकास 17:5

ओकर कपारमे एक रहसमय नाम लिखल छेलै, “महान बेबिलोन, सन्‍सारके बेबिचारनी आ अधलाह काम करैबलासबके महताइर चियै।”

परकास 17:7

महज स्‍वरगदुत हमरा कहल्‍कै, “तु कथिले छक परलिही?” हम तोरा उ जनी आ ओकरा बोकैबला सातटा मुरी आ दसटा सिङ भेल जानबरके रहस बतेबौ।

परकास 2:1

“एफिससमे भेल मन्‍डलीके देख-भाल करैबला स्‍वरगदुतके यि बात लिख: ‘सातटा तरा आपन दहिना हाथमे लैबला आ सातटा सोनाके डैठके बिचमे चलैबला अनङ कहैछै।

परकास 2:12

“परगामममे भेल मन्‍डलीके देख-भाल करैबला दुतके यि लिख, जकरसङे दुइ दिसन धार भेल तलबार छै, उ अनङ कहैछै।

परकास 2:18

“थिआटिरा मन्‍डलीके देख-भाल करैबला दुतके यि लिख, ‘आइग जखा बरैबला आँख आ खाइरके चम्‍कैबला काँस जखा टाङ भेल परमेस्‍वरके बेटा अनङ कहल्‍कै,

परकास 2:5

अहैलेल तु कतहेक गिरल चिही, से याद कर। पस्‍चाताप कर आ पहिनेके करल जखा परेम कर। यदि तुसब पस्‍चाताप नै करबिही त, हम आइबके तोरासबके डैठ उ जगहसे हटादेबौ।

परकास 2:8

“इस्‍मुरनामे भेल मन्‍डलीके देख-भाल करैबला दुतके यि लिख, ‘जे सुरु आ अन्‍त चियै, उ मरियोके जिबित हैबला अनङ कहैछै।

परकास 3:1

“सारडिसके मन्‍डलीके देख-भाल करैबला दुतके यि बात लिख: ‘जरकसङे सातटा तरा आ परमेस्‍वरके सातटा आत्‍माछै, उ अनङ कहैछै। तोहर काम हमरा थाहछै, तुसब आत्‍मामे जिबित चिही कैहके नाम त चललछौ, महज बास्‍तममे तुसब आत्‍मामे कमजोर भ्‍याके मरल चिही।

परकास 3:14

“लाउडिकियाके मन्‍डलीके देख-भाल करैबला दुतके यि लिख: ‘परमेस्‍वरके सिरिस्‍टीके सासक, जे बिस्‍बास योग्‍य, साँचो साक्‍छी आ आमेन चियै, उ अनङ कहैछै।

परकास 3:7

“फिलाडेल्‍फियाके मन्‍डलीके देख-भाल करैबला दुतके यि लिख, ‘उ जे पबितर आ सत छै, जकर हाथमे दाउदके कुजी छै आ जकर खोलल केबार कोइ नै बन्‍द करैले सक्‍तै या बन्‍द करल केबार कोइ नै खोलैले सक्‍तै।