परकास 1:18 - मध्‍य पुरविया थारू

¹⁸ जिबित हैबला हम्‍ही चियै। हम मरल छेलियै महज आब सबदिनके लेल जिबित चियै, मिरतु आ पतालके कुजीसब हमर हाथमेछै।

परकास 1:18 ပူးပေါင်းရင်းမြစ်များ

मतीके लिखल सुसमाचार 11:23

“हे कफरनहुमके लोकसब, कि तुसब स्‍वरग तक ज्‍याके आदर पैब्‍ही कैहके सोचैचिही? तुसब त पतालमे खसाएल जेब्‍ही। कथिलेत जे अजगुतके कामसब तोरासबके बिचमे करल गेल्‍छौ से कामसब सदोममे करने रहतियै त आइतक रहतियै।

मतीके लिखल सुसमाचार 16:19

हम तोरा स्‍वरग राजके कुजीसब देबौ। पिरथिबीमे जे तु बान्‍बिही, से स्‍वरगमे बान्‍हलजेतौ आ पिरथिबीमे जे तु खोलबिही, से स्‍वरगमे खोललजेतौ।”

लुका 24:5

तब उ जनिजाइतसब डरसे आपन-आपन मुरी तरमाथे गोइतलेल्‍कै, महज उ दुनु लोक ओइसबके कहल्‍कै, “तोरौरके जिते लोकके कथिले मरल लोकसबके बिचमे ताकैचिही?

युहन्‍ना 11:25

तब येसु ओकरा कहल्‍कै, “पुनरुथान आ जिबन हम्‍ही चियै। जे हमरा बिस्‍बास करतै, उ मरबो करतै त जिबित हेतै।

युहन्‍ना 14:19

कुछ देरके बाद हमरा फेनो सन्‍सार नै देख्‍तै, महज तुसब हमरा देखबिही। हम जिबित भेलाके कारन, तुहुसब जिबित रहबिही।

रोमी 6:9

अपनासब जानैचियै कि, खिरिस्‍ट मरलसे जिबित भेलछै आ उ फेनसे कहियो नै मरतै। ओकरमे मिरतुके कोनो सक्‍ती किछो करैले नै सक्‍तै।

२ कोरन्‍थी 13:4

कथिलेत उ कमजोर भ्‍याके कुरूसमे टाङल गेलै महज परमेस्‍वरके सक्‍तीसे जिबित भेलै। तहिनङे हम्‍हुसब ओकरसङे कमजोर भेलचियै, महज परमेस्‍वरके सक्‍तिसे खिरिस्‍टके लया जिबन अपनासबमे सेहो छै आ उ जिबनके सक्‍ती तोरासबसङे बेबहार करैतखिना देखल जेतै।

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

कलस्‍सी 3:3

कथिलेत तोरासबके पुरन्‍का जिबन मरलछौ आ तोरासबके लया जिबन खिरिस्‍टसङे परमेस्‍वरमे घोसरलछौ।

हिबरु 1:3

परमेस्‍वरके महिमाके इजोत ओकरेमे चम्‍कैछै आ वह्‍या परमेस्‍वरके साँचो रुप चियै। ओकरे सक्‍तीसाली बचनसे अकास आ पिरथिबीमे भेल सब चिजके अराइनेछै। उ लोकसबके पाप सुध करलाके बाद स्‍वरगमे रहैबला महिमीत परमेस्‍वरके दहिनाकात बैठलछै।

हिबरु 12:2

अपनासबके बिस्‍बास सुरु करैबला आ पुरा करैबला येसुके देख। जे पाछुसे पाबैबला आनन्‍दके लेल अपमानके कुछो नै सोइचके कुरूसमे दुख भोगल्‍कै आ अखैन उ परमेस्‍वरके सिंहासनके दहिनाकात बैठलछै।

हिबरु 7:16

येसु लोकसबके देल आग्‍या आ नियमके आधारमे पुजारी नै भेलछै, महज कहियो नास नै हैबला जिबनके सक्‍तीके आधारमे पुजारी भेलछै।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

परकास 10:6

जुगो-जुगतक जिबित रहैबला, अकास, पिरथिबी, समुन्‍दर आ ओइमे भेल सब चिज सिरिस्‍टी करैबला परमेस्‍वरके नाममे उ किरिया खाके कहल्‍कै, “आब देरी नै हेतै।

परकास 15:7

तब उ चार जिबित परानीसबमेसे एकटा परानी सातटा सोनाके बाटी सातटा स्‍वरगदुतसबके देल्‍कै। उ सातटा बाटी सबदिन जिबित रहैबला परमेस्‍वरके करोधसे भरल छेलै।

परकास 2:8

“इस्‍मुरनामे भेल मन्‍डलीके देख-भाल करैबला दुतके यि लिख, ‘जे सुरु आ अन्‍त चियै, उ मरियोके जिबित हैबला अनङ कहैछै।

परकास 20:13

जे सब समुन्‍दरमे मरल छेलै ओइसबके समुन्‍दर ओकरा देल्‍कै। मिरतु आ पताल सेहो ओइमे भेल मरलसबके देल्‍कै। तब ओकरासबके करल काम अनुसार सबके नियाइ भेलै।

परकास 20:14

मिरतु आ पताल आइगके भठिमे फेकलगेलै। यि दोसर मिरतु चियै।

परकास 3:7

“फिलाडेल्‍फियाके मन्‍डलीके देख-भाल करैबला दुतके यि लिख, ‘उ जे पबितर आ सत छै, जकर हाथमे दाउदके कुजी छै आ जकर खोलल केबार कोइ नै बन्‍द करैले सक्‍तै या बन्‍द करल केबार कोइ नै खोलैले सक्‍तै।

परकास 4:9

सबदिन जिबित आ सिंहासनमे बिराजमान रहैबलाके उ चारटा जिबित परानी महिमा, आदर आ धन्‍यबादके गित गाबैतरहैछेलै।

परकास 5:14

तब उ चारु जिबित परानी कहल्‍कै, “आमेन” आ उ धरमगुरुसब निहैकके गोरलगी करल्‍कै।

परकास 6:8

हम पियर रङके घोरा देखलियै जैमे सबार हैबलाके नाम “मिरतु” छेलै आ पताल ओकर पछा-पछा छेलै। ओकरा तलबार, अकाल, महामारी आ पिरथिबीके जङलिया जानबरके दुवारा पिरथिबी एक चौथाइके नास करैके अधिकार परमेस्‍वर देल्‍कै।

परकास 9:1

तकरबाद पाचम स्‍वरगदुत आपन तुरही फुकल्‍कै त हम एकटा तरा अकाससे पिरथिबीमे खसल देखलियै। ओइ तराके नरकके कुजी देलगेलै।