फिलेमोन 1:14 - मध्‍य पुरविया थारू

¹⁴ महज तोहर अनुमती बिना हमरा अनङ करैले निक नै लागल कथिलेकी तु करकापमे नै महज आपने इक्‍छासे सहायता कर कैहके हम चाहैचियै।

फिलेमोन 1:14 ပူးပေါင်းရင်းမြစ်များ

१ कोरन्‍थी 9:17

यदि यि काम हम आपन इक्‍छासे करैचियै त, हम आपन इनाम पाबतियै। महज परमेस्‍वर हमरा यि कामके जिम्‍मेबारी देलाके कारनसे हम आपन करतब समैझके यि काम पुरा करैचियै।

१ कोरन्‍थी 9:7

आपने खचरमे के सिपाहीके काम करैछै? के अङगुर खेती लग्‍याके ओकर फल खाइले नै पाबैछै? के गाइ-माल पाइलके ओकर दुध पियैले नै पाबैछै?

२ कोरन्‍थी 1:24

हमसब तोरासबके बिस्‍बासमे अधिकार जमाइले नै चाहैचियौ, बरु तोरासबके खुसिके लेल तोरेसबसे मिलके काम करैले चाहैचियौ। कथिलेकी तुसब आपन बिस्‍बासमे अस्‍थिर चिही।

२ कोरन्‍थी 8:12

यदि तोरासबके दैके इक्‍छा छौ त, तोरासबसङे जे छौ, ओहैमेसे देल परमेस्‍वर सुइकार करैछै, महज तोरासबसङे नै भेल चिज परमेस्‍वर नै माङैछै।

२ कोरन्‍थी 9:5

ओहैसे तोरासबके परतिग्‍या करल भेटीके बन्‍दोबस कैरके राखैके लेल हम जाइसे पहिने यि भाइसबके तोरासबलग पठेनाइ असल हेतै कैहके आबसेक ठानलियै। उ भेटी करकापसे नै महज आपन राजिखुसिके भेटी हेबे।

२ कोरन्‍थी 9:7

ओहैसे हरेक लोक आपन मनमे सङकल्‍प करल बमौजी देबे। मन दुख्‍याके यात करकापसे नै दहै, कथिलेकी खुसिसे दैबलाके परमेस्‍वर परेम करैछै।