फिलेमोन 1:10 - मध्‍य पुरविया थारू

¹⁰ ओनेसिमसके लेल तोरा बिन्‍ती करैचियौ। उ खिरिस्‍टमे हमर बेटा चियै, कथिलेकी हम जहलमे परल बखत ओकर आत्‍मिकी बाबु भेलचियै।

फिलेमोन 1:10 ပူးပေါင်းရင်းမြစ်များ

मरकुस 9:17

एक गोरे भिरसे येसुके कहल्‍कै, “गुरु जी, हम आपन बेटाके अहाँ लग आन्‍ने चियै, अकरा बौक बनाइबला भुत आत्‍मा लागल छै।

रोमी 12:1

तैल्‍याके हे भाइ-भैयासब, परमेस्‍वरके दयाके धियानमे राइखके हम तोरासबके बिन्‍ती करैचियौ, तुसब आत्‍मिक आराधनाके रुपमे आपन-आपन देहके पबितर आ परमेस्‍वरके मनपरैबला जिबित बलीके रुपमे चरहा। ओकर आराधना करैबला सहि तरिका एह्‍या चियै।

१ कोरन्‍थी 4:14

हम तोरासबके लाजमे पारैके लेल नै, महज हमर पिरिय बालकसब जखा चेताबनी दैले यि बात लिखैचियौ।

१ कोरन्‍थी 4:15

तोरासबके खिरिस्‍ट येसुके बारेमे सिखाइबला दसो हजार गुरुसब भेलोपर पिता त बहुत नै छौ। महज सुसमाचार परचार कैरके खिरिस्‍ट येसुमे हम तोरासबके पिता भेलचियौ।

गलाती 4:19

हमर धियापुतासब, तोरासबमे जाबे तलिक खिरिस्‍टके स्‍वभाब नै बन्‍तौ ताबे तलिक हम फेनो जलमासोचके पिरा जखा दुख सहैत रहबौ।

कलस्‍सी 4:9

ओकरसङे ओनेसिमस सेहो आइबरहलछौ जे तोरेसबमेसे एकटा बिस्‍बासी आ पिरिय चियौ। उ दुनुगोरा अतेका सब हालखबर तोरासबके सुनाइतौ।

१ तिमोथी 1:2

बिस्‍बासमे हमर साँचोके बेटा तिमोथीके चिठी लिखरहलचियै। अपनासबके परमेस्‍वर पिता आ परभु येसु खिरिस्‍टसे तोरा अनुगरह, किरपा आ सान्‍ती मिले।

तितस 1:4

तितस, हमे तोरा यि चिठी लिखैचियौ। साँचोके तु हमर आपने बेटा जखा चिही कथिलेकी तोहर आ हमर बिस्‍बास एके चियौ। परमेस्‍वर पिता आ अपनासबके मुक्‍तीदैबला येसु खिरिस्‍ट तोरा अनुगरह आ सान्‍ती देबे।

फिलेमोन 1:11

उ तोहर लेल पहिने काम नै लागैबला भेल छेलौ महज अखुन उ तोहर आ हमर दुनुगोराके लेल काम लागैबला लोक भेलछै।

फिलेमोन 1:13

ओकरा हम आपनसङे राखैले पाबतियै त असल हेतियै, कथिलेकी सुसमाचारके कारन हम जहलमे रहैबखत तोहर ठाउमे उ हमरा मदत करैले सकतियै।

३ युहन्‍ना 1:4

हमर बेटा-बेटीसब सतके रस्‍तामे चलैछै कैहके सुन्‍नाइसे बरका आनन्‍द हमर लेल औरो कथी हेतै?