मरकुस 9:9 - मध्‍य पुरविया थारू

⁹ तकरबाद उसब पहारसे निचा सैर जगहमे आबे बखत येसु ओकरासबके आग्‍या करल्‍कै, “मानबके बेटा जाबेतक मरलसे जिके नै उठतौ ताबेतक यि देखल बात ककरो नै कहिहे।”

मरकुस 9:9 ပူးပေါင်းရင်းမြစ်များ

मतीके लिखल सुसमाचार 12:19

नै त उ झगरा करतै, नै त जोर-जोरसे हल्‍ला करतै, नै कोइ ओकर अबाज गल्‍लीमे सुन्‍तै।

मतीके लिखल सुसमाचार 12:40

कथिलेत जहिनङे योना तिन दिन आ तिन रात बरका माछके पेटमे छेलै, तहिनङे मानबोके बेटा तिन दिन आ तिन रात पिरथिबीके पेटेमे रहतै।

मतीके लिखल सुसमाचार 16:21

ओह्‍या दिनसे येसु आपन चेलासबके खोइलके सब बात कहैले लाग्‍लै, “हम यरुसलेम जेबै आ ओते अगुवासब, मुल पुजारीसब आ धरमगुरुसबसे बहुत दुख भोग्‍बौ, मारल जेबौ आ तेसर दिनमे फेनो मिरतुसे जिके उठबौ।”

मतीके लिखल सुसमाचार 27:63

“हौ सरकार! हमरासबके याद छै जे उ ठक आदमी जिबित भ्‍याल बखत ‘हम तिन दिनके बाद फेनो जिबित भ्‍याके उठबै’ कहने छेलै।

मतीके लिखल सुसमाचार 8:4

तब येसु ओकरा कहल्‍कै, “यि बात ककरो नै कहिहे! महज पुजारी लग ज्‍याके आपने आपके देखा आ मोसाके बेबस्‍था अनुसार लोकसबके निक भेल परमान देखाइके लेल भेटी चरहा।”

मरकुस 5:43

तकरबाद येसु ओइसबके यि बात कोइ नै थाह पाबे कैहके करा आग्‍या देल्‍कै। तब यि छौरीके कुछो खाइले दहै ओइसबके कहल्‍कै।

मरकुस 7:36

येसु यि घटनाके बात ककरो नै कहिहे कैहके आग्‍या करल्‍कै महज जतेक मना करल्‍कै ततेक लोकसब परचार करैत गेलै।

मरकुस 9:10

उसब यि बात मनेमे राखल्‍कै आ जिके उठनाइके मतलब कथी चियै से आपनेमे बतियाइले लाग्‍लै।

मरकुस 9:8

अचानक, उसब चारुकात ताकल्‍कै महज येसु बाहेक औरो ककरो नै देखल्‍कै।

लुका 24:46

आ उसबके कहल्‍कै, “पबितर धरमसास्‍तरमे एहेन लिखल छै, मुक्‍ती दैबला खिरिस्‍टके दुख भोग्‍नाइ आ तेसर दिनमे जिके उठनाइ जरुरी छै,

लुका 9:36

जब यि बात ओराइलै तब ओइ बखत येसुके असगरे देखल्‍कै। उसब देखलाहा बातसब ककरो नै कैहके चुपेचाप रहलै।