मरकुस 9:7 - मध्‍य पुरविया थारू

⁷ तखुन्‍ते बादल एलै आ ओइके छाहसे उसबके झाइपदेल्‍कै आ बादलसे एकटा एहेन अबाज एलै, “यि हमर दुलरुवा बेटा चियै, अकर बचन तुसब सुन!”

मरकुस 9:7 ပူးပေါင်းရင်းမြစ်များ

मतीके लिखल सुसमाचार 27:43

यि परमेस्‍वरमे भरोसा राखैत राखैछै। परमेस्‍वर अकरासे खुसी छै त अखुन बचाबे कथिलेत यि अपनेके परमेस्‍वरके बेटा कहैत रहै।”

मतीके लिखल सुसमाचार 27:54

रोमी कप्‍तान आ ओकरजरे येसुके ओगरैबला सिपाहीसब भुमकौन आ यि घटनासब देखके बहौत डेरेलै आ कैह उठलै कि, “साँचोके यि त परमेस्‍वरके बेटा रहै।”

मतीके लिखल सुसमाचार 3:17

तब स्‍वरगसे एहेन एकटा अबाज एलै, “यि हमर दुलरुवा बेटा चियै, अकरसे हम बहौत खुसी चियै।”

मरकुस 1:11

तब स्‍वरगसे एकटा एहेन अबाज एलै, “तु हमर दुलरुवा बेटा चिही, तोहरसे हम बहौत खुसी चियौ।”

मरकुस 9:6

पतरुस आपने कथी बोल्‍लै से नै जानल्‍कै, कथिलेत उसब एकदम डराएल छेलै।

मरकुस 9:8

अचानक, उसब चारुकात ताकल्‍कै महज येसु बाहेक औरो ककरो नै देखल्‍कै।

लुका 3:22

आ पबितर आत्‍मा पौरकी के रुपमे उपरसे आइबके येसुके उपर बैठलै तब स्‍वरगसे एहेन एकटा अबाज एलै, “तु हमर दुलरुवा बेटा चिही, तोहर से हम बहुत खुसी चियौ।”

युहन्‍ना 1:34

हम यि सब देख्‍ने चियै आ गबाही दैचियै कि, ओह्‍या परमेस्‍वरके बेटा चियै।”

युहन्‍ना 1:49

नथानेल जबाब देल्‍कै, “गुरु जी, अहाँ परमेस्‍वरके बेटा चियै! अहाँ त इजराएलके रजा चियै।”

युहन्‍ना 12:28

हे पिता, अहाँ आपन नामके महिमा परगट करु।” तब स्‍वरगसे एकटा एहेन अबाज एलै, “हम आपन महिमा परकट करनेचियै आ फेनो महिमा परकट करबौ।”

युहन्‍ना 19:7

यहुदी अगुवासब ओकरा जबाफ देल्‍कै, “हमरासबके बेबस्‍थाके नियम अनुसार अकरा मिरतुदन्‍ड दैलेपरतै कथिलेत यि आपनके हम परमेस्‍वरके बेटा चियौ कैहके दाबी करैछै।”

युहन्‍ना 20:31

येसु परमेस्‍वरके बेटा, मुक्‍ती दैबला खिरिस्‍ट चियै कैहके बिस्‍बास कर आ बिस्‍बासके कारन ओकर नाममे तुसब जिबन पाबबिही कैहके यि सब बात अइ किताबमे लिखलगेल छै।

युहन्‍ना 5:18

यि बात सुइनके यहुदी अगुवासब औरो येसुके मारैले ताकैछेलै, कथिलेत उ बिसराम दिन भङ मातरे नै, महज परमेस्‍वरके आपन पिता कैहके अपने-आपके परमेस्‍वरके समान ठहराइछेलै।

युहन्‍ना 5:37

ओतबे नै, हमरा पठाबैबला पिता आपनेसे हमर बारेमे साक्‍छी देने छै। तुसब नै त ओकर अबाज सुन्‍ने चिही नै त ओकर रुपे देख्‍नेचिही

युहन्‍ना 6:69

अहाँ परमेस्‍वरके पठ्‍याल पबितर लोक चियै से बातमे हमसब बिस्‍बास करैचियै आ जानैचियै।”

युहन्‍ना 9:35

यहुदीसब ओकरा सभाघरसे निकाइलदेल्‍कै से बात येसु सुनल्‍कै तब ओकरा भेटके कहल्‍कै, “कि तु मानब-बेटामे बिस्‍बास करैचिही?”

परेरित 1:9

येसु यि बात कहलाके बाद, उसब देखैत-देखैत उ स्‍वरगमे उठ्‍यालगेलै आ बादलमे ओकरासबके नजरसे बिल्‍या गेलै।

परेरित 7:37

यि ओह्‍या मोसा चियै, जे इजराएलीसबके कहने रहै, ‘परमेस्‍वर हमरा तोरे सबके खातिर हमर जखा अगमबक्‍ता पठाइतौ।’

परेरित 8:36

उसब रस्‍तामे जाइते-जाइते पानी भेल ठाममे पुग्‍लै। उ मुन्‍सी कहल्‍कै, “देखु, अते पानी छै, आब हमरा बप्‍तिस्‍मा लैले कोन चिज रोके सक्‍तै?”

रोमी 1:4

पबितर आत्‍माके देख्‍याल अनुसार येसु खिरिस्‍ट परमेस्‍वरके बेटा चियै, कथिलेकी ओकरा मरलसे फेन जिबित कराइल्‍कै। उ अपनासबके परभु येसु खिरिस्‍ट चियै।

हिबरु 2:1

अहैलेल हमसब परमेस्‍वरके बारेमे जे सत बात सुनने चियै तहैमे औरो बेसीसे धियान दैलेपरतै, तब मातरे अपनासब सतके रस्‍तासे नै भटकबै।

२ पतरुस 1:17

जब उ परमेस्‍वर पितासे आदर आ महिमा पाबल्‍कै, तब परमेस्‍वर महा महिमासे एहैन आबाज एलै, “यि हमर दुलरुवा बेटा चियै, जकरसे हम बहुत खुसी चियै।”

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।

परकास 1:7

देख, उ बादलमे आइबरहलछै आ हरेक लोक ओकरा देख्‍तै, उहोसब देख्‍तै जेसब ओकरा भालासे भोक्‍ने छेलै। सन्‍सारके सब जातीके लोक ओकर कारन बिलाप करतै। पक्‍का ओहिने हेतै। आमेन!