मरकुस 9:43 - मध्‍य पुरविया थारू

⁴³ यदी तोहर हाथ पाप करैले लगाइछौ त ओकरा काइटके फेकदहै। दुनु हाथ ल्‍याके नरकके नै बुताइबला आइगमे जाइसे त बरु लुल्‍हा भ्‍याके स्‍वरगमे परबेस करनाइ उचित छै।

मरकुस 9:43 ပူးပေါင်းရင်းမြစ်များ

मतीके लिखल सुसमाचार 17:27

महज उसब अपनासबसे नै खिस्‍याबे कैहके, तालमे जो आ बन्‍सी फेक। तब पहिन्‍का परल माछके मुहमे एकटा चानीके डलर पेब्‍ही। उ डलर ल्‍याके अपना दुनु गोरेके बटी ओइसबके तिरदहै।”

मतीके लिखल सुसमाचार 25:41

“तकरबाद उ आपन बमा कता भेल्‍हासबके कहतै, हे परमेस्‍वरसे सराप पाबलाहा लोकसब। हमरसे दुर चैल जो! सैतान आ ओकर दुतसबके लेल तैयार करल कहियो नै मुझाइबला आइगमे चैल जो।

मतीके लिखल सुसमाचार 3:12

फटकैबला सुपा ओकरे हाथमे छौ आ उ आपन खरहियानके आपने साफ करतौ। आपन गहुम बखारीमे जम्‍मा करतौ, महज भुसा जतेक सब नै बुताइबला आइगमे जराइतै।”

मतीके लिखल सुसमाचार 5:22

महज हम तोरासबके कहैचियौ, जे कोइ आपन भाइसे करोध करैछै, उ सजायके भागिदार हेतै, जे कोइ आपन भाइके अपमान करैछै, ओकरा धारमिक महासभामे जबाब देबे परतै। महज जे कोइ आपन भाइके सराप दैछै, उ नरकके आइगमे खसै जोकरके हेतै।

मरकुस 9:44

[नरकमे नै त किरा मरैछै नै त आइगे बुताइछै।]

लुका 14:13

महज तुसब भोज करबिही त गरिब, लुल्‍हा-नेङरा आ अन्‍हरासबके बोला।

लुका 14:21

जब नोकर घुइमके एलै तब सब बातसब मालिकके सुनेल्‍कै। मालिक खिस्‍याके आपन नोकरके कहल्‍कै, ‘सहरके रस्‍ता-पेरा आ गल्‍लीसबमे जो आ गरिबसब, अन्‍हरासब आ लुल्‍हा-नेङरसबके बोल्‍याके आन।’

लुका 3:17

फटकैबला सुपा ओकरे हाथमे छै, फटैक के गहुम आ भुसा अलग करतौ तब गहुमके बखारीमे जम्‍मा करतौ, तब भुसाके कहियो नै बुताइबला आइगमे जराइतौ।”

रोमी 8:13

यदि तुसब पाप स्‍वभाबके इक्‍छा अनुसार चलबिही त, तुसब मरबिही। महज पबितर आत्‍माके सक्‍तीसे पाप स्‍वभाबके नास करबिही त, तुसब अनन्‍त जिबन पाबबिही।

१ कोरन्‍थी 9:27

हम आपन देहके बसमे राखैके लेल तालिम द्‍याके खेलारी जखा अनुसासनमे राखैचियै। नै त औरोके परचार करलाके बाद हम आपने अयोग्‍य ठहरबै।

गलाती 5:24

महज उसब, जे खिरिस्‍ट येसुके चियै, उसब आपन पाप स्‍वभाबके इक्‍छा आ ललसा कुरूसमे काटी ठोइकके मारनेछै।

कलस्‍सी 3:5

सन्‍सारमे तुसब आपन देहके इक्‍छाके मार, जनङ: बेबिचार, अधलाह बात, दुस्‍ट काम, असुध बिचार आ लोभ जे मुरतिपुजा चियै।

तितस 2:12

यि अनुगरहसे अपनासबके परमेस्‍वरके आदर नै हैबला काम आ सन्‍सारके लोभ-लालच त्‍यागैले लगाइछै आ धिरजसे अपने आपके बसमे राखैले, निरदोस हैले आ परमेस्‍वरके आदर हैबला जिबन जियैले सिखाइछै।

हिबरु 12:1

अहैलेल अतहेक बरका साक्‍छीके भिर अपनासबके चारुदिसन भेलाके कारनसे सब परकारके बाधा आ असान तरिकासे ओझराइबला पापसबके हटाके धिरजसाथ दौरैले परतै।

१ पतरुस 2:1

अहैलेल तुसब दुस्‍टतासे, छल-कपटसे, सब डाहसे आ सब निन्‍दासे दुरे रह।