मरकुस 9:26 - मध्‍य पुरविया थारू

²⁶ तब भुत आत्‍मा ओकरा थरथराबैत ओकर देसके हिलाइत ओकरासे निकैलके गेलै आ उ मरल लहास जखा भ्‍यागेलै, यि देखके बहुत लोक उ मर गेलै कि कथी कैहके कहेलाग्‍लै।

मरकुस 9:26 ပူးပေါင်းရင်းမြစ်များ

मतीके लिखल सुसमाचार 15:22

ओहै इलाकाके एकटा कनानी जनी आइबके चिच्‍याइत कहेलाग्‍लै, “हे परभु, दाउद राजके बेटा, हमर उपर दया करु। हमर बेटीके भुत एकदम सत्‍यारहल छै।”

मरकुस 1:26

तखुन्‍ते ओइ लोकके भुत उठासुठाके पटैकके आ जोरसे हल्‍ला करैत बाहर निकैलके गेलै।

मरकुस 9:18

जब भुत आत्‍मा अकरा लागैछै तब ओकरा जमिनमे खस्‍या दैछै, मुहसे लेरपोंटा चुवाबैछै आ दात किटकिटाइछै आ देह ठिठैङ जाइछै। ओइ भुत आत्‍माके निकाइल दिय कैहके हम अहाँके चेलासबके बिन्‍ती करलियै महज उसब नै सकलक।”

मरकुस 9:20

उसब ओकरा येसु लग आनल्‍कै। भुत आत्‍माके देख्‍ते मातर थरथराके भुइयामे खैसपरलै आ मुहसे लेरपोंटा चुबाइत छरपटाइले लाग्‍लै।

मरकुस 9:25

जब भिरके येसु आपन दिसन आबैत देखल्‍कै तब ओइ भुत आत्‍माके कहल्‍कै, “ए बौक आ बैहर करैबला आत्‍मा, हम तोरा आग्‍या करैचियौ ओकरसे निकैलके चैल जो आ फेनो ओकरमे कहियो नै ढुक।”

मरकुस 9:27

महज येसु ओकर हाथ पकैरके उठेल्‍कै तब उ खुरखुर्‌याके उठलै।

परकास 12:12

तै खातिर स्‍वरग आ ओते रहैबलासब आनन्‍द मना! महज पिरथिबी आ समुन्‍दरमे कतहेक दुख हेतौ! कथिलेत तोरासबके बिचमे सैतान करोधके साथ उतैरके एलछौ, आ ओकर समय ओराइले लागलछै से ओकरा मालुम छै।”