मरकुस 8:22 - मध्‍य पुरविया थारू

²² तकरबाद येसु आ ओकर चेलासब बेथसेदामे एलै। ओते लोकसब एकटा आन्‍हर लोकके येसु लग आनल्‍कै आ अकरा छुइबके निक कैरदिय कैहके ओकरसे बिन्‍ती करल्‍कै।

मरकुस 8:22 ပူးပေါင်းရင်းမြစ်များ

मतीके लिखल सुसमाचार 11:21

“धिक्‍कार तोरा खोराजिनके बासिसब! आ धिक्‍कार तोरा बेथसेदाके बासीसब! कथिलेत तोरासबके बिचमे करलाहा अजगुतके कामसब टुरोस आ सिदोन सहरमे करनेरहतीयै त ओतेका लोकसब आपन-आपन पाप माइनके बोराके बस्‍तर लग्‍याके छौरमे बैठके पस्‍चाताप करतियै।

मतीके लिखल सुसमाचार 14:36

उसब येसुके बस्‍तरके एकटा कोनो खुट छुबे पाबी कैहके ओकरा बिन्‍ती करल्‍कै आ जे-जे रोगी-बिमारसब येसुके बस्‍तर छुबल्‍कै उसब निक भेलै।

मतीके लिखल सुसमाचार 8:15

येसु ओकर हाथ छुबल्‍कै आ जर बोखार ओकरा छोइरदेल्‍कै। तब उ उइठके ओकरा सेबा-सत्‍कार करल्‍कै।

मतीके लिखल सुसमाचार 8:3

तब येसु आपन हाथ अगा बरहाके छुबल्‍कै आ कहल्‍कै, “हम चाहैचियौ, तु सुध भ्‍याजो।” उ तखुन्‍ते कोढि-कुस्‍टीसे सुध भेलै।

मतीके लिखल सुसमाचार 9:29

तब येसु ओइसबके आँख छुबैत कहल्‍कै, “जैहनङ तोरासबके बिस्‍बास छौ, तैहनङ तोरासबके खातिर हेबे।”

मरकुस 2:3

ओह्‍या बखत चारटा लोक एक गोरे लकबा मारल लोकके लके ओकरलग एलै।

मरकुस 3:10

उ बहुतोके निक करलाके कारन बिमार भेल सबलोक छुबी कैहके ठेलम-ठेल करै।

मरकुस 6:45

तब येसु तुरन्‍ते आपन चेलासबके नाहमे चहैरके ओइपार बेथसेदामे अपना जाइसे पहिने जाइले लगाइल्‍कै। महज उ लोकसबके भिरके बिदा करैले ओतै रैहगेलै।

लुका 10:13

“धिक्‍कार तोरा खोराजिनके बासिसब! आ धिक्‍कार तोरा बेथसेदाके बासिसब! कथिलेत तोरासबके बिचमे करलाहा अच्‍चमके कामसब टुरोस आ सिदोन सहरमे करनेरहतीयै त ओतेका लोकसब आपन-आपन पाप माइनके बोराके पहिरन लगाके छौरमे बैठके पस्‍चाताव करतियै।

लुका 9:10

तकरबाद येसुके पठेल्‍हा चेलासब घुइमके एलै आ उसबके करल सब कामसब सुनाइल्‍कै। तब येसु चुपचाप चेलासबके लके बेथसेदा सहरमे गेलै।

युहन्‍ना 1:44

अन्‍दरियास आ पतरुसे जखा फिलिपो बेथसेदा सहरमे रहैबला रहै।

युहन्‍ना 12:21

उसब गालिल परदेसके बेथसेदा गामके फिलिप लग आइबके बिन्‍ती करैत कहल्‍कै, “हजुर, हमसब येसुसे भेट करैले चाहैचियै।”