मरकुस 7:34 - मध्‍य पुरविया थारू

³⁴ तब स्‍वरग दिसन ताकैत उ लम्‍बा साँस ल्‍याके कहल्‍कै, “इफाता” अरथात “खुइलजो!”

मरकुस 7:34 ပူးပေါင်းရင်းမြစ်များ

मरकुस 1:41

यि सुइनके येसुके दया लाग्‍लै आ ओकर उपर आपन हाथ राइखके कहल्‍कै, “हम चाहैचियौ, तु निक भ्‍याजो।”

मरकुस 15:34

तब येसु तिन बजे दिसन जोरसे अबाज निकाइलके कहल्‍कै, “इलोइ, इलोइ, लामा सबखथनी” जकर मतलब “हे हमर परमेस्‍वर, हे हमर परमेस्‍वर, अहाँ हमरा कथिले छोइर देलियै?”

मरकुस 5:41

तब ओइ छौरीके हाथ पकैरके कहल्‍कै, “तालिता कुमी” जकर अरथ चियै, “ए छौरी, हम तोरा कहैचियौ, उठ।”

मरकुस 6:41

तब येसु पाँच रोटी आ दुइ माछ लके स्‍वरगदिसन ताकैत परमेस्‍वरसे आसिरबाद माङल्‍कै आ रोटीके टुकरा टुकरा करल्‍कै। लोकसबके बाइट दहै कैहके चेलासबके देल्‍कै। तहिनङे माछोसब बाइट देल्‍कै।

मरकुस 7:35

तखुन्‍ते ओकर कान सुने लाग्‍लै, बाक फुटलै आ सुध बोले लाग्‍लै।

मरकुस 8:12

तब येसु दिक मानैत लम्‍बा साँस लैत कहल्‍कै, “कथिले अइ पुस्‍ताके लोकसब चेन्‍हा खोजैछै? साच्‍चे हम तोरासबके कहैचियौ, अइ पुस्‍ताके लोकसबके कोनो चेन्‍हा नै देलजेतै।”

लुका 18:42

येसु ओकरा कहल्‍कै, “तु देखैबला भ्‍याजो! तोहर बिस्‍बाससे तु निक भेल्‍ही।”

लुका 19:41

जब येसु यरुसलेमके नजदिक पहुचलै तब उ सहरके देखके ओकर मन कलपलै आ कहल्‍कै,

लुका 7:14

लगमे ज्‍याके लहासबला खटिया छुबल्‍कै, तब बोकैबलासब ठार भ्‍यागेलै। येसु कहल्‍कै, “ए जबान, हम तोरा कहैचियौ, उठ!”

युहन्‍ना 11:33

जब येसु मरियमके कानैत आ ओकरसङे आबैयोबलाके कानैत देखल्‍कै, तब उ आत्‍मामे एकदम दुखित आ बेचैन भ्‍यागेलै,

युहन्‍ना 11:35

येसु कान्‍लै।

युहन्‍ना 11:38

तब येसु फेनो एकदम दुखित भ्‍याके चिहानके लगमे गेलै। उ चिहान एकटा सोइन छेलै, ओकर मुहमे एकटा बरका पथलसे झापल छेलै।

युहन्‍ना 11:41

तब उसब चिहानके मुहमे राखलहा पथल हटाइल्‍कै। तब येसु उपर दिसन ताइकके कहल्‍कै, “हे पिता, हम अहाँके धन्‍यबाद दैचियै, कथिलेत अहाँ हमर बिन्‍ती सुनलियै।

युहन्‍ना 11:43

अतबे कैहके येसु जोरसे कहल्‍कै, “ए लाजरस, बाहर निकैलके या।”

युहन्‍ना 17:1

येसु यि सब बात कहलाके बाद स्‍वरग दिसन ताइकके कहल्‍कै, “हे पिता, आब समय आइबगेल छै। अहाँ आपन बेटामे महिमा परकट करु, ताकि बेटो अहाँके महिमा परकट करे।

परेरित 9:34

पतरुस ओकरा कहल्‍कै, “ऐ एनियास, येसु खिरिस्‍ट तोरा निक करतौ। उठ आ तोहर बिछान मिला।” तब उ तुरन्‍ते उइठके ठार भेलै।

परेरित 9:40

तकरबाद पतरुस सबलोकके घरसे बाहर निकालल्‍कै आ ठेङहुनिया द्‍याके परथना करल्‍कै। तब लहास दिसन घुइमके कहल्‍कै, “तबिता, उठ!” तब उ आँख उघारल्‍कै त सामनेमे पतरुसके देखके उइठके बैठलै।

हिबरु 4:15

कथिलेत अपनासबके परधान पुजारी अपनासबके दुरबलतामे साथ नै दैबला पुजारी नै चियै। उ अपनेसब जखा सब बातमे परिक्‍छामे परलै महज तैयो पाप नै करल्‍कै।