32 तब उसब नाहमे चहैरके सुनसान जगहमे गेलै।
लोकसबके भिर नै किचे कैहके उ आपन चेलासबके आपन खातिर एकटा नाह तैयार करैले लगाइल्कै।
तब चेलासब भिरके छोइरके येसु जै नाहमे बैठल रहै, तहै नाहमे बैठके ओकरो आपनसङे ल्याके गेलै आ औरो नाहसब ओकरसङे छेलै।
महज बहुत लोकसब ओकरासबके जाइत देखल्कै आ चिन्हल्कै। तब लोकसब बहुत सहरसबसे पैदले चैलके ओते गेलै आ उसब पुगैसे पहिने लोकसब ओते पुग्लै।
तब येसु तुरन्ते आपन चेलासबके नाहमे चहैरके ओइपार बेथसेदामे अपना जाइसे पहिने जाइले लगाइल्कै। महज उ लोकसबके भिरके बिदा करैले ओतै रैहगेलै।
तब येसु नाहमे चहरलै आ अन्हर-बिहार सान्त भेलै। तब ओकर चेलासब एकदम छक परलै।
तकरबाद येसु गालिल तालके ओइपार गेलै। ओकरा तिबेरियस ताल सेहो कहैछेलै।
