मरकुस 6:14 - मध्‍य पुरविया थारू

¹⁴ रजा हेरोद येसुके बारेमे सुनल्‍कै, कथिलेत ओकर नामके चरचा चारुदिसन फैल गेलछेलै। कोइ कहैछेलै, “बप्‍तिस्‍मा दैबला युहन्‍ना फेनो मरके जिबित भेल छै, तैल्‍याके ओकरसे एहेन सक्‍तिसाली कामसब भ्‍यारहलछै।”

मरकुस 6:14 ပူးပေါင်းရင်းမြစ်များ

मतीके लिखल सुसमाचार 9:31

महज उसब ओतेसे निकलैत मातर ओकर सब करल कामके बातसब पुरे इलाकामे फैलादेल्‍कै।

मरकुस 1:28

तब येसुके चरचा चारुदिसन गालिलके इलाकामे फैलगेलै।

मरकुस 1:45

महज उ लोक बाहर निकैलके गेलै आ अपना निक भेल बात चारुदिसन परचार करे लाग्‍लै। तैल्‍याके येसु फेनो उ सहरमे लोकसबके अगा खुलस्‍त रुपमे आबैले नै सक्‍लै महज उ सुनसान जगहमे रहेलाग्‍लै। तैयो लोकसबके भिर चारुदिसनसे ओकरलग एलै।

मरकुस 8:28

चेलासब कहल्‍कै, “कोइ बप्‍तिस्‍मा दैबला युहन्‍ना कहैछै, औरोसब एलिया कहैछै आ कोइ-कोइ अगमबक्‍तासबमेसे एक गोरे चियै कहैछै।”

लुका 13:31

ओहै बखत कुछ फरिसीसब येसु लग आइबके कहल्‍कै, “अहाँ अइ ठामसे निकैलके चैलजाउ, कथिलेत हेरोद रजा अहाँके मारैले चाहैछै।”

लुका 3:1

रोमी महराज तिबेरियस राज करला पन्‍दरह बरिस भेल छेलै। ओइ बखत पन्‍तियस पिलातस यहुदिया इलाकाके बडा-हाकिम छेलै। हेरोद गालिल इलाकामे राज करैछेलै, ओकर भाइ फिलिप इतुरिया आ तराखोनितिस इलाकामे राज करैछेलै। अबिलेने इलाकामे लुनियास गामके लोक राज करैछेलै।

लुका 7:17

यि घटनाके खबर सारा यहुदिया आ आसपासके इलाकामे फैलगेलै।

लुका 9:19

उसब जबाफ देल्‍कै, “कोइ बप्‍तिस्‍मा दैबला युहन्‍ना कहैछै, कोइ एलिया आ कोइ पहिन्‍का कोनो अगमबक्‍तासब मेसे एक गोरे जिके उठल छै कहैछै।”

१ थेसलोनिकी 1:8

तोरेसबके केबल माकेडोनिया आ अखैयामे मातरे नै महज परमेस्‍वरके बचन तोहरसबके बिस्‍बासके बात सेहो सब ठामसबमे फैलगेलै। अहैलेल अकर बारेमे औरो कुछो कहैके जरुरी नै छै।

हिबरु 2:4

परमेस्‍वर बहुतरा चेन्‍हासब देखाके बहुत किसिमके आस्‍चरजके कामसब आ सक्‍तीसाली कामसब करैत उ आपन इक्‍छा बमोजिम पबितर आत्‍माके दान-बरदानसब द्‍याके यि बातके गबाही देल्‍कै।