मरकुस 6:11 - मध्‍य पुरविया थारू

¹¹ यदी कोनो ठाममे मान-दान नै हेतौ आ लोकसब तोरौरके बचन सुनैले इन्‍कार करतौ त ओइ ठामसे निकलैत खिना ओकरासबके बिरोधमे गबाहीके खातिर आपन टाङके गरदा झाइरदैहिये।”

मरकुस 6:11 ပူးပေါင်းရင်းမြစ်များ

मतीके लिखल सुसमाचार 12:36

हम तोरासबके कहैचियौ, जे लोक बिना कामके बोल्‍तै, नियाइके दिनमे तकरासे एक-एक कैरके लेखा देबेपरतै।

मरकुस 6:10

येसु ओइसबके कहल्‍कै, “जब कोनो घरमे ढुक्‍बिही, जाबेतक ओइ गामसे नै निकलबही ताबे तक ओतै रहिये।

लुका 9:5

महज जतेका लोकसब तोरासबके मान-दान नै करतौ तब ओइ सहरसे निक्‍लैतकाल तुसब आपन टाङके गरदा झाइरदैहिये। यि ओकरासबके बिरोधके साक्‍छी हेतै।”

परेरित 18:6

महज यि बात सुइनके उसब पावलके बिरोध आ अपमान करे लाग्‍लै, तखुन्‍ते पावल ओइसबके चेताबनीके खातिर आपन बस्‍तरसे गरदा झारैत कहल्‍कै, “यदी तोरासबमेसे कोइ नास हेब्‍ही त आपने दोसके कारन नास हेब्‍ही तकर दोसी हम नै हेबौ। आबसे हम दोसरे जातीसबके बिच सुसमाचार सुनाइले जाइचियौ।”

रोमी 2:16

यि बातसब ओइ दिन हेतै जै दिन परमेस्‍वर हमर करल सुसमाचार परचार अनुसार येसु खिरिस्‍ट दुवारा लोकसबके हिरदयमे रहल गुप्‍त बातसबके नियाय करतै।

रोमी 2:5

महज तु जिद्‍द कैरके पस्‍चाताप करैले नै चाहलिही। ओहैसे तु परमेस्‍वरके नियाय हैबला दिनमे बरका दन्‍डके लेल करोध समैटके राखनेचिही, जै दिनमे परमेस्‍वर ठिकसे नियाय करतै।

२ पतरुस 2:6

परमेस्‍वर सदोम आ गमोरा सहरके भस्‍म कैरके ओकर नामो निसान मेट्‍यादेल्‍कै। परमेस्‍वरके नै मानैबलासबके दुरदसा कनङ हैछै कैहके यि एकटा उदाहरन भेलै।

२ पतरुस 2:9

ओहिनङ परभु धरमी लोकसबके संकटसे बचाबैले आ अधरमी लोकसबके दन्‍ड दैले नियायके दिन तलिक राखैले जानैछै।

२ पतरुस 3:7

महज ओह्‍या बचनसे नियाय हैबला दिनतकके लेल अकास आ पिरथिबीके आइगसे नास करैके लेल बचाके राखनेछै। अकरा वहे दिनके लेल राखनेछै जहिया अधरमी लोकसबके नियाय हेतै आ ओकरासबके नास करलजेतै।

१ युहन्‍ना 4:17

अहिनङे अपनासबके परेम सिध हैतजेतै आ नियाइके दिनमे अपनासबके डराबे नै परतै, कथिलेकी खिरिस्‍ट जहैनछै, तहिनङे अपनोसब यि सन्‍सारमे चियै।

यहुदा 1:7

तहिनङे सदोम, गमोरा आ ओकर कातकरौतके सहरके लोकसब एक एक कैरके दोसर घिनौना बेबिचारके काम करे लाग्‍लै। उसब आइगमे नास भ्‍याके कहियो नै बुताइबला आइगके दन्‍ड पाबैबलासबके लेल उदाहरन बन्‍लै।