मरकुस 5:7 - मध्‍य पुरविया थारू

⁷ तब उ जोर-जोरसे हल्‍ला करैत कहल्‍कै, “हे, महान परमेस्‍वरके बेटा येसु, अहाँके हमरसे कोन सरोकार? अहाँ परमेस्‍वरके किरिया खाके कहु कि हमरा आब दुख नै देबै।”

मरकुस 5:7 ပူးပေါင်းရင်းမြစ်များ

मतीके लिखल सुसमाचार 16:16

सिमोन पतरुस जबाफ देल्‍कै, “अहाँ त खिरिस्‍ट चियै, जिबित परमेस्‍वरके बेटा।”

मतीके लिखल सुसमाचार 26:63

महज येसु चुपचाप रहलै। तब फेनो परधान पुजारी सबाल करल्‍कै, “तु जिबित परमेस्‍वरके किरिया ख्‍याके कह, कि तु परमेस्‍वरके बेटा खिरिस्‍ट चिही त?”

मतीके लिखल सुसमाचार 4:3

तहै बखत सैतान ओकरलग आइबके कहल्‍कै, “साँचोके तु परमेस्‍वरके बेटा चिही त यि पथलसब रोटी भ्‍याजो कैहके आग्‍या कर।”

मतीके लिखल सुसमाचार 8:29

उसब चिच्‍याके कहल्‍कै, “हे परमेस्‍वरके बेटा, हमरासबसे अहाँके कोन काम? कि समयसे पहिने अहाँ हमरासबके सताबैले एलचियै?”

मरकुस 1:24

“हौ, नासरतके येसु, अहाँके हमरासबसे कोन काम? अहाँ हमरासबके बरबाद करैले एलचियै? अहाँ के चियै से हमरा थाहछै, अहाँ परमेस्‍वरके पठेल्‍हा एकटा पबितर जन चियै।”

मरकुस 14:61

येसु चुपचापे रहलै आ कोनो सबालके जबाफ नै देल्‍कै। तब फेनो परधान पुजारी सबाल करल्‍कै, “तब कि तु परमेस्‍वरके बेटा खिरिस्‍ट चिही त?”

मरकुस 3:11

जब दुस्‍ट आत्‍मा लागल लोकसब ओकरा देखै, तब ओकर अगा ठेङहुनिया द्‍याके चिच्‍याबै, “अहाँ परमेस्‍वरके बेटा चियै।”

मरकुस 5:6

जब उ येसुके दुरेसे देखल्‍कै तब दौरके एलै आ ओकरा गोरलगी करल्‍कै।

मरकुस 5:8

यि लोक एहेन बात कहल्‍कै, कथिलेत येसु ओकरा कहने रहै, “ए असुध आत्‍मा, ओइ लोकसे निकैल जो।”

लुका 1:32

उ महान हेतै आ परमपरधानके बेटा कहाइतै। परभु परमेस्‍वर ओकरा ओकर पुरखा दाउदके सिंहासन देतै।

लुका 4:34

“हौ नासरतके येसु अहाँसे हमरासबके कोन काम? अहाँ हमरासबके बरबाद करैले एलचियै? अहाँके चियै कैहके हमरा थाहछै, अहाँ परमेस्‍वरसे पठेल्‍हा एकटा पबितर जन चियै।”

लुका 6:35

“महज आपन सतरुसबके परेम कर आ ओकरासबके भलाइ कर तब कोइ फिरता करतौ तै आसमे पैंचा नै दहै। तैसे तोरासबके इनाम बरका हेतौ तब तुसब महान परमेस्‍वरके बेटाबेटी कहाइबिही। कथिलेत उ बेगुनिया आ स्‍वारथी लोकसबके परेम करैछै।

लुका 8:28

येसुके देखके उ चिच्‍याके ओकर अगा ठेङहुनिया दैत कहल्‍कै, “हे सबसे बरका परमेस्‍वरके बेटा येसु, अहाँ हमरसे कथी चाहैचियै? हम अहाँके गोर लागैची, हमरा नै सताबु।”

युहन्‍ना 20:31

येसु परमेस्‍वरके बेटा, मुक्‍ती दैबला खिरिस्‍ट चियै कैहके बिस्‍बास कर आ बिस्‍बासके कारन ओकर नाममे तुसब जिबन पाबबिही कैहके यि सब बात अइ किताबमे लिखलगेल छै।

परेरित 16:17

उ पावल आ हमरासबके पछा आइबके चिच्‍याबे लाग्‍लै, “यीसब सबसे महान परमेस्‍वरके सेबकसब चियै। यीसब, ‘कनङ तोरौरके उदार पाबबिही’ से बात तोरौरके कहतौ।”

परेरित 19:13

महज कुछ अने-ओने घुमफिर करैबला यहुदी झार-फुक करैबलासब भुत-आत्‍मा लागलसबके परभु येसुके नाम लैत एहेन कहै, “पावलके परचार करल येसुके नाममे हम तोरा आग्‍या करैचियौ।”

परेरित 8:36

उसब रस्‍तामे जाइते-जाइते पानी भेल ठाममे पुग्‍लै। उ मुन्‍सी कहल्‍कै, “देखु, अते पानी छै, आब हमरा बप्‍तिस्‍मा लैले कोन चिज रोके सक्‍तै?”

रोमी 16:20

सान्‍ती दैबला परमेस्‍वर जल्‍दिए सैतानके तोरासबके टाङके तरमे मिसरेतौ। अपनासबके परभु येसु खिरिस्‍टके अनुगरह तोरासबसङे रहे।

हिबरु 2:14

कथिलेत उ बेटा-बेटीसब लहु आ मासुके देह भेलासे येसु सेहो ओकरेसब जखा भ्‍याके एलै। उ आपनेसे मिरतु भोइगके मिरतुके सक्‍ती भेल सैतानके नास करल्‍कै।

हिबरु 7:1

मल्‍कीसेदेक सालोम सहरके रजा आ महान परमेस्‍वरके पुजारी छेलै। जखैन अबराहम रजासबके लराइमे जितके घुइमके आबैत रहै तखैन मल्‍कीसेदेक ओकरा भेटके आसिरबाद देल्‍कै।

याकुब 2:19

परमेस्‍वर एकेटा छै कैहके तु बिस्‍बास करैचिही। बहौत निक! महज एहेन बिस्‍बास त भुतोसब करैछै आ डरसे थरथर कापैछै।

२ पतरुस 2:4

परमेस्‍वर त पाप करैबला स्‍वरगदुतोसबके बाकी नै राखल्‍कै, महज उसबके नरकके खाइधमे फेक देल्‍कै। ओइसबके नियाइके दिनतक पतालके अन्‍धकारमे बाइन्‍हके राखनेछै।

१ युहन्‍ना 3:8

फेनो-फेनो पाप करैबलासब सैतानके लोक चियै। कथिलेत सैतान सुरुवेसे पाप करैत एलछै। अहै खातिर सैतानके काम नास करैले परमेस्‍वरके बेटा परगट भेलछै।

यहुदा 1:6

तोरासबके याद करैबला बात यि चियौ कि, आपन अधिकारमे नै रहैबला आ आपन रहैयोबला ठाम छोरैबला स्‍वरगदुतसबके समेत परमेस्‍वर सबदिनके लेल बाइन्‍हके राखनेछै। उ नियायके बरका दिनमे सजाय दैकेलेल ओइसबके पतालके अन्‍हारमे बाइन्‍हके राखनेछै।

परकास 12:12

तै खातिर स्‍वरग आ ओते रहैबलासब आनन्‍द मना! महज पिरथिबी आ समुन्‍दरमे कतहेक दुख हेतौ! कथिलेत तोरासबके बिचमे सैतान करोधके साथ उतैरके एलछौ, आ ओकर समय ओराइले लागलछै से ओकरा मालुम छै।”