मरकुस 5:23 - मध्‍य पुरविया थारू

²³ आ एहेन कैहके बिन्‍ती करल्‍कै, “हमर छोटकी बेटी मरे लागल छै, आइबके ओकर उपरमे आपन हाथ राखदिय जैसे उ निक हेबे आ जि जाय।”

मरकुस 5:23 ပူးပေါင်းရင်းမြစ်များ

मतीके लिखल सुसमाचार 8:3

तब येसु आपन हाथ अगा बरहाके छुबल्‍कै आ कहल्‍कै, “हम चाहैचियौ, तु सुध भ्‍याजो।” उ तखुन्‍ते कोढि-कुस्‍टीसे सुध भेलै।

मरकुस 16:18

उसब आपन हाथसे साँपसब पकरतौ आ कोनो परकारके बिखो पिलेतै त तैयो कोनो नोक्‍सान नै हेतै। तब रोगी-बिमारीसब उपर आपन हाथ राख्‍तौ आ उसब निक हेतौ।”

मरकुस 5:24

तब येसु ओकरसङे गेलै। लोकसबके एकटा बहौत बरका भिर ओकर पछा लाग्‍लै आ लोकसब ओकर कात ठेलमठेल करे लाग्‍लै।

मरकुस 6:13

उसब बहौत भुतसब निकालल्‍कै आ तेलमे परथना कैरके बहौत रोगी-बिमारीसबके लग्‍याके निक करल्‍कै।

मरकुस 7:32

ओते लोकसब एकटा बैहरा आ बौकासबके ओकरलग आनल्‍कै आ ओइसबके उपर आपन हाथ राइखके निक कैरदिय कैहके बिन्‍ती करल्‍कै।

मरकुस 8:23

तब येसु उ आन्‍हर लोकके हाथ पकैरके गामसे बाहर ल्‍यागेलै आ ओकर आँखमे थुक लगाके आपन हाथ ओकर उपर राखैत कहल्‍कै, “कि तोहे कुछो देखैचिही?”

लुका 13:13

तब येसु ओकर उपरमे आपन दुनु हाथ राखल्‍कै। उ तखुन्‍ते सोझ भेलै आ परमेस्‍वरके परसन्‍सा करे लाग्‍लै।

लुका 4:38

यहुदी सभाघरसे निकैलके येसु सिमोनके घरमे गेलै। तै बखत ओकर सौसके बहुत जोरसे जर बोखार लागल छेलै। तकर घरके लोकसब, “अकरा निक कैरदिय” कैहके येसुके आगरह करल्‍कै।

लुका 4:40

रौद डुब्‍लाके बाद बहुत किसिमके रोगीसबके येसु लग आनल्‍कै। येसु ओकरासबके उपरमे हाथ राखल्‍कै आ सब रोगीसबके निक करल्‍कै।

लुका 7:12

जब येसु गामके दुवारमे पुग्‍लै, तब बिधुवाके एकलौता बेटाके लहास बोइकके कठियारी जाइ छेलै। ओइ बिधुवासङे गामके बहुतरा लोकसब छेलै।

युहन्‍ना 11:3

तैखातिर दुनु बहिन येसुके एहेन कैहके समाध पठाइने छेलै, “परभु, जकरा अहाँ परेम करैचियै, उ बिमार भेल छै।”

परेरित 28:8

ओहै बखत पब्‍लियसके बाबु जर आ सुलवाइके पिरामे छेलै। ओहैसे पावल ओकर घर भितर ज्‍याके ओकर बाबुके लेल परथना करल्‍कै आ ओकर उपर आपन हाथ राइखके निक करल्‍कै।

परेरित 6:6

तकरबाद उसब ओइलोकसबके परेरितसबके सामने आनल्‍कै आ परेरितसब ओकरासबके उपर आपन-आपन हाथ राइखके परथना करल्‍कै।

परेरित 8:17

तब उ दुनुगोरा आपन-आपन हाथ ओइसबके उपरमे राखल्‍कै आ उसब पबितर आत्‍मा पाबल्‍कै।

परेरित 9:12

उ फेनसे देखे सकै कैहके दरसनमे हननिया नाम भेल एकटा लोक भितर आइबके आपन उपर हाथ राखैत देखल्‍कै।”

परेरित 9:17

तब हननिया गेलै आ ओइ घरमे ढुइकके साउल उपर हाथ राइखके कहल्‍कै, “भाइ साउल, तोहे आबैतखिना जे परभु येसु तोरा रस्‍तामे दरसन देने छेलौ, ओह्‍या हमरा तोहर खातिर तु देखे पाबबिही आ पबितर आत्‍मासे भरपुर हेब्‍ही कैहके हमरा पठाइने छै।”