मरकुस 2:5 - मध्‍य पुरविया थारू

⁵ आपन उपर लोकसबके एहेन बिस्‍बास करल देखके येसु कहल्‍कै, “हे पिरिय, तोहर पापसब छमा भेल छौ।”

मरकुस 2:5 ပူးပေါင်းရင်းမြစ်များ

मतीके लिखल सुसमाचार 9:2

तब कुछ लोकसब झोलङामे बोइकके एकटा लकबा मारल लोकके येसु लग आनल्‍कै जे बिछोनासे उठे नै सकैछेलै। येसु ओइसबके बिस्‍बास देखके लकबा मारल लोकके कहल्‍कै, “बेटा, साहस कर। तोहर पाप छमा भेल छौ।”

मतीके लिखल सुसमाचार 9:22

तब ठामे घुइमके येसु ताकल्‍कै त ओइ जनिके देखल्‍कै आ कहल्‍कै, “बेटी, साहस कर, तोहर बिस्‍बास तोरा निक करल्‍कौ।” उ जनी तखुन्‍ते निक भ्‍यागेलै।

मतीके लिखल सुसमाचार 9:5

आब कह त हम यि लोकके, ‘तोहर पाप छमा भेलौ’ कि ‘उइठके चल’ कहैमे कोन असान हेतौ?

मरकुस 2:6

ओते कुछ धरमगुरुवोसब बैठल छेलै आ मनमने एहेन बिचार कैररहल छेलै,

मरकुस 5:34

तब येसु ओकरा कहल्‍कै, “बेटी, तु बिस्‍बास कैलाके कारन निक भेल्‍ही। निकसे जो। तोहर बिमारसे तु मुक्‍त भेलचिही।”

लुका 5:20

येसु लोकसबके एहेन बिस्‍बास देखके कहल्‍कै, “हे पिरिय, तोहर पाप छमा भेलछौ।”

लुका 8:48

येसु ओकरा कहल्‍कै, “बेटी, तोहर बिस्‍बाससे तु निक भेलचिही, सान्‍तीसे जो।”

युहन्‍ना 2:25

लोकसबके बारेमे ककरो नै ओकरा कहैके जरुरी छेलै, कथिलेकी ककर हिरदयमे कथी छै से बात उ आपने जानैछेलै।

युहन्‍ना 5:14

कुछ देरके बाद येसु उ लोकके मन्‍दिरमे भेटके कहल्‍कै, “देख, तु निक करल गेलचिही। आबसे फेनो पाप नै कर, नै त तोहर उपर औरो खराब अबस्‍था आइबजेतौ।”

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

परेरित 14:9

पावल जे बोलैत रहै से उ सुनैछेलै। पावल उ लोकके निक हेबे सक्‍बै से बिस्‍बास देखके सिधा ओकर दिसन ताकल्‍कै।

परेरित 5:31

इजराएलके लोकसबके पस्‍चातापके खातिर आ ओइसबके पापसे छमा दैके खातिर परमेस्‍वर येसुके परभु आ मुक्‍तीदाता बनाके आपन देहना कात बैठेल्‍कै।

१ कोरन्‍थी 11:30

ओह्‍या खातिर तोरासबमेसे बहुतो गोरे कमजोर आ बिमार चिही आ कतहेक गोरे मैर गेलौ।

२ कोरन्‍थी 2:10

जकरा तुसब छमा करबिही, तकरा हम्‍हु छमा करबै। यदि हम ककरो कोनो बिसयमे छमा करनेचियै त तोरेसबके हितके खातिर खिरिस्‍टके उपस्‍थितीमे छमा करनेचियै,

एफिसी 2:8

कथिलेकी परमेस्‍वरके अनुगरहसे तुसब बिस्‍बाससे बच्‍याल गेलचिही। तुसब आपनेसे कोसिस कैरके नै, यि त परमेस्‍वरके देल बरदान चियौ।

कलस्‍सी 3:13

तुसब एक-दोसरके सहन कर, ककरो बिरोधमे मन दुखाइबला बातसब छौ त छमा कर। जनङ तोरासबके परभु छमा करनेछौ तैहनङ तुहुसब एक-दोसरके छमा करेपरतौ।

याकुब 5:15

बिस्‍बास साथ करल परथनासे बिमारी निक हेतै तब परभु ओकरा निक कैरदेतै। उ लोक पाप करने रहतै तैयो छमा पाबतै।