मरकुस 2:17 - मध्‍य पुरविया थारू

¹⁷ येसु सुइनके उसबके कहल्‍कै, “निरोगीसबके बैधके जरुरत नै परैछै महज रोगीसबके परैछै। हम धरमीसबके नै महज पापीसबके पापसे पस्‍चाताप करैके लेल बोलाइले एलचियौ।”

मरकुस 2:17 ပူးပေါင်းရင်းမြစ်များ

मतीके लिखल सुसमाचार 18:10

“होसियार रह, यि छोट बच्‍चासबमेसे ककरो तुसब निच नै समझ। कथिलेत हम तोरासबके कहैचियौ, उसबके देखभाल करैबला स्‍वरगदुतसब स्‍वरगमे रहैबला हमर पिताके अगामे रहैछै।

लुका 15:10

हम तोरासबके कहैचियौ, अहिनङे पस्‍चाताव करैबला पापीके लेल स्‍वरगमे परमेस्‍वर स्‍वरगदुतसबके अगा खुसी मनाबैछै।”

लुका 15:29

महज उ बाबुके कहल्‍कै, ‘देखु, अतहेक बरिससे हम अहाँके नोकर जखा सेबा कैररहलचियै, अहाँके बात कहियो नै काटने चियै, तैयो हमरा आपन सङि-साथीसब सङे भोज खाइले अहाँ कहियो नै हमरा एकटा पठरुवो तक देलियै।

लुका 15:7

हम तोरासबके कहैचियौ, अहिनङ पस्‍चाताव नै करैबला निनानब्‍बे धरमात्‍मासबमेसे आपन पाप माइनके पस्‍चाताव करैबला एक गोरे पापीके लेल स्‍वरगमे बेसी खुसी हैछै।”

लुका 16:15

तब येसु ओइसबके कहल्‍कै, “लोकसबके अगामे आपनके धरमी देखाइबला तुहिसब चिही, महज परमेस्‍वर तोरासबके हिरदयके बातसब जानैछौ, कथिलेत लोकसबके बिचमे जे बरका कहाइछै, परमेस्‍वरके नजरमे उ सबसे तुच्‍छ हैछै।

लुका 19:10

कथिलेत मानबके बेटा हरेल्‍हाके ताकैले आ बचाइले एलछै।”

युहन्‍ना 9:34

उसब ओकरा जबाब दैत कहल्‍कै, “तु त एकदमसे आपन पापेमे जलमल चिही आ तु हमरासबके सिखाबैचिही?” तब उसब ओकरा सभाघरसे बाहर निकाइलदेल्‍कै।

युहन्‍ना 9:40

यि बात सुइनके ओते ठार भेल्‍हा फरिसीसब कहल्‍कै, “कि हम्‍हुसब अन्‍हर चियै त?”

परेरित 20:21

हम यहुदीसब आ गिरिकसब पस्‍चाताप कैरके परमेस्‍वर दिसन घुमे आ अपनासबके परभु येसु खिरिस्‍टमे बिस्‍बास करे से बातके चेताइने चियै।

परेरित 26:20

पहिने दमस्‍कस आ यरुसलेममे तब सारा यहुदिया परदेसमे आ आनजातसबके सेहो हम ज्‍याके परचार करलियै कि आपन-आपन पाप माइनके पस्‍चाताप कैरके परमेस्‍वरमे बिस्‍बास करु आ आपन कामसबसे हिरदय परिबरतन भेल परमान देखाबैले सिखेलियै।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।