मरकुस 2:12 - मध्‍य पुरविया थारू

¹² तब उ तखुन्‍ते सबकोइके सामनेमे उठलै आ आपन झोल्‍ङा उठाके गेलै। ओतेका सबलोक आस्‍चरजमे परलै आ परमेस्‍वरके परसन्‍सा करैत कहल्‍कै, “एहेन काम त हमसब पहिने कहियो नै देख्‍ने छेलियै।”

मरकुस 2:12 ပူးပေါင်းရင်းမြစ်များ

मतीके लिखल सुसमाचार 12:23

यि देखके भिरके लोकसब छक परलै आ कहेलाग्‍लै, “कि यि दाउद रजाके बेटा त नै चियै?”

मतीके लिखल सुसमाचार 15:31

जब जम्‍मा भेल लोकसब बौकासबके बोलैत, लुल्‍हासबके निक भेल, नेङरासबके चलैत आ अन्‍हरासब देखे लाग्‍लै से देखके छक्‍क परलै आ इजराएलके परमेस्‍वरके परसन्‍सा करल्‍कै।

मतीके लिखल सुसमाचार 9:33

भुत आत्‍मा ओकर देहसे निकैलगेलाके बाद उ बौक लोक बाजे लाग्‍लै। यि देखके लोकसब आस्‍चरजचकित भेलै आ कहेलाग्‍लै कि “इजराएलमे एहेन बात कहियो नै देख्‍ने रहियै।”

मतीके लिखल सुसमाचार 9:8

जब लोकसबके भिर यि देखल्‍कै तब उसब डरा गेलै आ लोकसबके एहेन सक्‍ती दैबला परमेस्‍वरके परसन्‍सा करल्‍कै।

मरकुस 1:27

देखैबला सबलोक छक परलै आ आपनेमे बात करे लाग्‍लै, “यि केहन बचन चियै? यि केहन सक्‍ती आ अधिकार चियै, भुतोसबके आग्‍या करैछै त निकैल जाइछै।”

मरकुस 2:11

“तु उठ! आपन झोल्‍ङा उठा आ बोइकके घर जो!”

लुका 13:13

तब येसु ओकर उपरमे आपन दुनु हाथ राखल्‍कै। उ तखुन्‍ते सोझ भेलै आ परमेस्‍वरके परसन्‍सा करे लाग्‍लै।

लुका 17:15

एक गोरा अपना निक भेलियै से बात जानल्‍कै तब उ खुसी हैत जोरसे अबाज निकालके परमेस्‍वरके परसन्‍सा कैरते घुइमके एलै,

लुका 5:26

ओतेका सब लोकसब आस्‍चरजमे परलै, उसब परमेस्‍वरके महिमा करल्‍कै आ परमेस्‍वरके अतेक बरका सक्‍ती देखके उसब डेरागेलै तब कहल्‍कै, “आइ हमसब अचमके काम देखलियै।”

लुका 7:16

तब सबकोइ डेरागेलै आ परमेस्‍वरके परसन्‍सा करैत कहल्‍कै, “अपनासबके बिचमे एकटा बहुत बरका अगमबक्‍ता एलछै। परमेस्‍वर आपन लोकसबके बचाइले एलछै।”

युहन्‍ना 7:31

तैयो भिरके बहुतो लोकसब ओकर उपर बिस्‍बास करल्‍कै। तब उसब कहल्‍कै, “जब खिरिस्‍ट एतै, तब कि उ यि लोकके करलहासे बेसी अजगुतके कामसब करतै?”

युहन्‍ना 9:32

जहियासे सन्‍सार सुरु भेल छै, तहियासे आइतक जलमेसे अन्‍हर लोकके आँख खोइलदेल्‍कै से बात कहियो नै सुन्‍ने चियै।

परेरित 4:21

ओइसबसङे सजाय दैके कोनो उपाय नै भेलासे डर-धम्‍की द्‍याके छोइरदेल्‍कै, कथिलेत जे घटना घटल छेलै ओइ घटनाके खातिर सब लोकसब परमेस्‍वरके परसन्‍सा करैतरहै।