मरकुस 16:18 - मध्‍य पुरविया थारू

¹⁸ उसब आपन हाथसे साँपसब पकरतौ आ कोनो परकारके बिखो पिलेतै त तैयो कोनो नोक्‍सान नै हेतै। तब रोगी-बिमारीसब उपर आपन हाथ राख्‍तौ आ उसब निक हेतौ।”

मरकुस 16:18 ပူးပေါင်းရင်းမြစ်များ

मरकुस 5:23

आ एहेन कैहके बिन्‍ती करल्‍कै, “हमर छोटकी बेटी मरे लागल छै, आइबके ओकर उपरमे आपन हाथ राखदिय जैसे उ निक हेबे आ जि जाय।”

लुका 10:19

हम तोरासबके साँप आ कोकर बिछीसबके उपर खालि लातसे मिसरैके अधिकार देने चियै, सतरुके सब सक्‍तिके उपर अधिकार देनेचियौ। आब कोनो चिज तोरासबके हानी नै करतौ।

परेरित 19:12

हैते-हैते लोकसब रुमाल या गम्‍छा ओकर देहमे छुब्‍याँके बिमारीसब लग लजाइछेलै आ उ बिमारीसब निक हैछेलै आ भुतो आत्‍मासब निकैलके जाइछेलै।

परेरित 3:12

यि देखके पतरुस ओइ लोकसबके कहल्‍कै, “हे इजराएलके लोकसब, यि बातमे अहाँसब कथिले अचम मानैचियै? हमसब आपन सक्‍तीसे आ भक्‍तिसे ओकरा चलफिर कराइले सकैबला जखा कथिले ताकैचियै?

परेरित 3:16

येसुके सक्‍तिसे आ ओकर नाममे बिस्‍बास करलासे यि लोक निक भेलै जकरा देखरहलचिही आ चिन्‍हबो करैचिही। येसुमे करल बिस्‍बासके कारन यि लोक तोरौरके सबके सामने निक भेलौ।

परेरित 4:10

तौरौरके सबकोइ आ इजराएलके सब लोकसबके थाह हेबे, कि तोरेसबके अगा येसुके कुरूसमे लटकेल्‍कै आ परमेस्‍वर मरलसे जिबित करल्‍कै, ओह्‍या नासरतके येसु खिरिस्‍टके नाममे यि लोक तोरासबके अगामे निक भ्‍याके ठारभेल छौ।

परेरित 4:22

कथिलेकी जे लोक आस्‍चरजके कामसे निक भेल छेलै, ओकर उमेर चालिस बरिससे उपर छेलै।

परेरित 4:30

आ निक करैले अहाँ आपन हाथ बरहाइत, आपन पबितर सेबक येसुके नामसे आस्‍चरज कामसब हैतरहे।”

परेरित 9:34

पतरुस ओकरा कहल्‍कै, “ऐ एनियास, येसु खिरिस्‍ट तोरा निक करतौ। उठ आ तोहर बिछान मिला।” तब उ तुरन्‍ते उइठके ठार भेलै।

रोमी 16:20

सान्‍ती दैबला परमेस्‍वर जल्‍दिए सैतानके तोरासबके टाङके तरमे मिसरेतौ। अपनासबके परभु येसु खिरिस्‍टके अनुगरह तोरासबसङे रहे।

१ कोरन्‍थी 12:9

ओह्‍या पबितर आत्‍मा ककरो बिस्‍बास करैबला, ककरो रोग-बिमारसबके निक करैबला बरदानसब दैछै।