मरकुस 15:6 - मध्‍य पुरविया थारू

⁶ तब हरेक बरिस निस्‍तार पाबैनके अबसरमे पिलातस लोकसबके माङ अनुसार एकटा कैदीके छोरै छेलै।

मरकुस 15:6 ပူးပေါင်းရင်းမြစ်များ

मतीके लिखल सुसमाचार 26:2

“तोरासबके थाहे छौ कि आइके दुइ दिन बाद निस्‍तार पाबैन छै। ओहै समयमे हम मानबके बेटा कुरूसमे टाङैके लेल पकराएल जेबै।”

मतीके लिखल सुसमाचार 26:5

महज उसब कहल्‍कै, “पाबैनके बखत यि काम करनाइ उचित नै छै, नै त लोकसबमे बारका हुलदङा मैच जेतै।”

मरकुस 15:7

ओइ बखत हतिया करैबला बिदरोहीसब जहलमे छेलै। ओइमेसे बारब्‍बा नामके लोको ओते छेलै।

युहन्‍ना 18:16

महज पतरुस देहरीके केबारे लग ठार भेलै। तब उ दोसर चेला, जे परधान पुजारीके चिन्‍हैछेलै, उ बाहर निकैलके केबारमे पहरा करैबाली छौरीसङे बात कैरके पतरुसके भितर आनल्‍कै।

युहन्‍ना 19:16

तब पिलातस येसुके कुरूसमे लटकाइले ओइसबके हाथमे सोइप देल्‍कै। ओहैसे सिपाहीसब येसुके ल्‍याके गेलै।

परेरित 24:27

दुइ बरिसके बाद फेलिक्‍सके ठाममे परकियस फेस्‍तस बडा-हाकिम भेलै। तब उ यहुदीसबके खुसी राखैले पावलके जहलेमे बन्‍द कैरके गेलै।

परेरित 25:9

महज फेस्‍तस यहुदीसबके खुसी करैके लेल पावलके पुछल्‍कै, “कि तु यरुसलेम ज्‍याके ओतै हमर अगा यि बातके बारेमे हम तोहर फैसला कैरदेबौ से चाहैचिही?”