मरकुस 15:40 - मध्‍य पुरविया थारू

⁴⁰ जनिजाइतोसब दुरेसे ठार भ्‍याके देखरहल छेलै। ओइसबमेसे मरियम मग्‍दलिनी, छोट याकुब आ योसेसके माँ मरियम आ सलोमी सेहो छेलै।

मरकुस 15:40 ပူးပေါင်းရင်းမြစ်များ

मतीके लिखल सुसमाचार 10:3

फिलिप आ बारथोलोमाइ, थोमा आ बटी उठाइबला मती, अल्‍फयासके बेटा याकुब आ थेदियस,

मतीके लिखल सुसमाचार 13:55

कि यि काठ मिस्‍तिरीके बेटा नै चियै? कि अकर माँ के नाम मरियम आ अकर भाइसब याकुब, योसेफ, सिमोन आ यहुदा नै चियै?

मतीके लिखल सुसमाचार 27:61

मरियम मग्‍दलिनी आ दोसरो मरियम सेहो चिहानके सामने बैठल छेलै।

मतीके लिखल सुसमाचार 28:1

बिसराम दिनके बिहान अरथात हप्‍ताके पहिन्‍का दिन, एकदम भिनसरमे मरियम मग्‍दलिनी आ दोसर मरियम चिहान देखैले गेलै।

मरकुस 15:47

मरियम मग्‍दलिनी आ योसेसके माँ मरियम येसुके लहास कनङके राखैछै से देखैछेलै।

मरकुस 16:1

पबितर बिसरामके दिन बितलाके बाद मरियम मग्‍दलिनी, याकुबके माँ मरियम आ सलोमी येसुके लहासमे लगाबैले गमकौवा तेल आ अतर किनल्‍कै।

मरकुस 16:9

[हप्‍ताके पहिन्‍का दिन येसु बिहान सबेरे जिके उठलै आ सबसे पहिने मरियम मग्‍दलिनी लग परगट भेलै। जकरसे येसु सात भुत आत्‍मासब निकाल्‍ने रहै।

लुका 19:3

उ येसु के चियै कैहके देखैले चाहैछेलै। महज उ भुट हैके कारन लोकसबके भिरसे ओकरा देखैले नै सकैछेलै।

लुका 23:49

महज ओकरा चिन्‍है जानैबलासब आ गालिली दिसनसे ओकर पछा-पछा आबैबाली जनिजाइतसब दुरेमे ठडा भ्‍याके यि सब घटनासब देखरहल छेलै।

१ कोरन्‍थी 9:5

कि औरो परेरितसब जखा, परभुके भाइसब आ पतरुस जखा हम्‍हुसब आपन घरबाली ल्‍याके यातरा करैके अधिकार नै छै से?

गलाती 1:19

महज परभुके भाइ याकुबके छोइरके हम औरो कोनो परेरितके नै भेटलियै।

याकुब 1:1

हम याकुब, परमेस्‍वर आ परभु येसु खिरिस्‍टके सेवक यि चिठी चारुदिसन तितर-बितर भेल्‍हा यहुदी खिरिस्‍टीयनसबके लिखैचियौ। तोरासबके हमर गोरलगीछौ।