मरकुस 14:6 - मध्‍य पुरविया थारू

⁶ महज येसु कहल्‍कै, “अकरा छोरदहै! कथिले तुसब अकरा हैरान करैचिही? यि त हमर खातिर बहौत असल काम करने छै।

मरकुस 14:6 ပူးပေါင်းရင်းမြစ်များ

मतीके लिखल सुसमाचार 26:10

महज येसु चेलासबके यि बिचार थाह पाइबके ओइसबके कहल्‍कै, “तुसब कथिले यि जनिके सताबैचिही? यि हमरा लेल बहौत असल काम करने छै।

मरकुस 14:5

कथिलेत यि अतर तिन सय चानीके टकासे बेसिमे बेचके गरिबसबके यि पैसा दैले सक्‍तियै।” तब उसब ओइ जनिके झपारल्‍कै।

मरकुस 14:7

कथिलेत गरिबसब त तोरेसबसङे सबदिन रहतौ आ जब तोरासबके इक्‍छा लाग्‍तौ त कोनो बखत तुसब भलाइ कैर सकबिही। महज हम त तोरासबके सङे सबदिन नै रहबौ।

परेरित 9:36

योप्‍पा सहरमे एकटा तबिता नामके जनी बिस्‍बासी रहै, जकरा गिरिक भसामे “डोरकस” कहैछेलै। (जकर मतलब हरिनी चियै।) उ असल काम आ गरिबसबके दान द्‍याके हरदम सहयोग करैछेलै।

२ कोरन्‍थी 10:18

कथिलेकी जे आपन तारिफ आपनेसे करैछै, उ कोनो महत्‍वके बात नै चियै, महज जकर तारिफ परभु करैछै उ बहौत मुल्‍यबानके ठानल जाइछै।

२ कोरन्‍थी 9:8

परमेस्‍वर तोरासबके हरेक परकारके आसिस परसस्‍त कैरके दैले सक्‍तौ, ताकि तोरासबसङे सबदिन हरेक चिज परसस्‍त हेबे आ हरेक असल कामके लेल तुसब परसस्‍त कैरके दैले सक।

एफिसी 2:10

कथिलेत हमसब असल कामसबके लेल खिरिस्‍ट येसुमे सिरिस्‍टी भ्‍याल ओकर हाथके सिप चियै। ओह्‍या अनुसार अपनासब चल कैहके उ पहिनेसे तयार करने रहै।

कलस्‍सी 1:10

तब तुसब परभुके मनपरैबला जिबन बिताके ओकरा खुसी करैले सकबिही। सब असल काममे तुसब फल फराइत परमेस्‍वरके ग्‍यानमे बैढते जेब्‍ही।

२ थेसलोनिकी 2:17

तोरासबके ओकरेसबसे सब असल काममे साहस आ बचनमे सक्‍ती मिले।

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

१ तिमोथी 6:18

आन लोकके भलाइ करैले, असल काममे धनिक हैले, खाचोमे परलहा लोकसबके सहायता करैले आ आपनसङे भेल चिज औरोसबके दैले ओइसबके कह।

२ तिमोथी 2:21

यदी कोनो लोक आपनके खराब कामसे सुध राखैछै त, उ आदरके जोग कामके खातिर एकटा भँड़िया बन्‍तै। कथिलेत उ आपने सुध राइखके सब असल कामके खातिर मालिकके मनपरैबला हेतै।

२ तिमोथी 3:17

ताकि परमेस्‍वरमे बिस्‍बास करैबला लोकसब सब असल कामके खातिर पुरा तौरसे सुसोभित भ्‍याके रहे।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

तितस 2:7

तुसब आपन सब काममे ओइसबके अगा अपने-आपके असल नमुना बैनके देखा। तु इमान्‍दार आ गम्‍भीर भ्‍याके सिक्‍छा दहै।

तितस 3:14

आपन लोकसब असल काममे लागल रहे, ताकी आवसयक परल समयमे सहायता देबे सके आ बेरथमे जिबन नै जिये।

तितस 3:8

यि बातसब साँचोके चियै। हम चाहैचियै कि अइ बातसबमे जोर दिय, ताकि जे परमेस्‍वरमे बिस्‍बास करने छै उसब असल काममे धियान देबे। कथिलेकी यि सब लोकसबके लेल असल आ फाइदाके बात चियै।

हिबरु 10:24

अपनासब एक-दोसरके परेम आ असल कामके लेल कनङके उत्‍साह दैले सक्‍बै ओइ बातमे धियान दैले परतौ।

हिबरु 13:21

तोरासबके हर परकारके असल गुनसबसे भरिपुरन करे आ तुसब ओकर इक्‍छा पुरा करैले सक। परमेस्‍वरके जे मन परैबलाछै से येसु खिरिस्‍ट दुवारा उ तोरासबमे करे। ओकर महिमा जुगो जुग तलिक रहे। आमेन।

१ पतरुस 2:12

परमेस्‍वरमे बिस्‍बास नै करैबला लोकसबके बिचमे तोरासबके चालचलन निक हेबे। उसब तोरासबके खराब काम करैबला कैहके दोख लगाइतौ तैयो तोरासबके असल काम देखे आ परमेस्‍वर नियाय करैले आबैतखिना ओकर महिमा करे।