मरकुस 12:5 - मध्‍य पुरविया थारू

⁵ तब मालिक तेसर नोकरके पठाइल्‍कै महज उसब ओकरा जानसे मारदेल्‍कै। तहिनङे बहुत नोकरसबके पठाइल्‍कै, उसब ककरो मारपिट करल्‍कै त ककरो जानसे मारदेल्‍कै।

मरकुस 12:5 ပူးပေါင်းရင်းမြစ်များ

मतीके लिखल सुसमाचार 22:6

बाकी रहल लोकसब ओकर नोकरसबके पकैरके दुरबेबहार करल्‍कै आ जानसे माइरदेल्‍कै।

मतीके लिखल सुसमाचार 23:37

“ए यरुसलेमके लोकसब! तु अगमबक्‍तासबके मारैचिही आ परमेस्‍वर तोरासबलग पठेल्‍हासबके पथलसे मारैचिही। जनङ मुरगा आपन बच्‍चासबके डेन तरमे राखैछै, ओहिने हम बहुतो बेर तोहर बच्‍चासबके बचाइले चाहलियै, महज तु नै मानलिही।

मतीके लिखल सुसमाचार 5:12

तब खुसी आ आनन्‍द मना, कथिलेत तोरासबके खातिर स्‍वरगमे बरका इनाम राखल छौ। अहिनङे तोरासबसे पहिनेके अगमबक्‍तासबके उसब सताइने रहै।

मरकुस 12:4

मालिक फेनो दोसर नोकरके पठाइल्‍कै, महज बटिदारसब ओकरो कपार फोरके बेजत करल्‍कै।

मरकुस 12:6

अन्‍तमे ओकर आपन एकलौता बेटा मातरे रैहगेलै। ‘उसब त हमर बेटाके पक्‍के आदर करतै’ कैहके सबसे पछा बटिदारसबलग पठाइल्‍कै।

मरकुस 9:13

महज हम तोरासबके कहैचियौ, एलिया आइबगेल छै आ ओकर बारेमे धरमसास्‍तरमे लिखल बमोजिम लोकसबके जे मन लाग्‍लै उसब सेह्‍या करल्‍कै।”

लुका 6:36

तोरासबके परमेस्‍वर पिता जेहेन दयालु छौ, तुहुसब ओहिनङ दयालु हो।