मरकुस 12:29 - मध्‍य पुरविया थारू

²⁹ तब येसु ओकरा जबाफ देल्‍कै, “सबसे महान आग्‍या एह्‍या चियै, ‘हे इजराएलके बासिसब सुन, परमपरभु अपनासबके परमेस्‍वर एकेटा परमेस्‍वर चियै।

मरकुस 12:29 ပူးပေါင်းရင်းမြစ်များ

मतीके लिखल सुसमाचार 10:37

जे कोइ हमरा परेम करैसे बेसी आपन माँ-बाबुके परेम करतै, उ हमर चेला बने नै सक्‍तै। तहिनङे जे कोइ हमरा परेम करैसे बेसी आपन धियापुताके परेम करतै सेहो हमर चेला बनैले नै सक्‍तै।

मतीके लिखल सुसमाचार 23:9

अइ पिरथिबीमे तुसब ककरो पिता नै कहिहे कथिलेत तोरासबके एकेटा आत्‍मिक पिता छौ, जे स्‍वरगमे रहैछै।

लुका 10:27

तब उ कहल्‍कै, “तु परमपरभु आपन परमेस्‍वरके आपन पुरे मनसे, पुरे परानसे, पुरे सक्‍तीसे आ पुरे बुइधसे परेम कर तब आपन परोसियाके आपने जखा परेम कर।”

रोमी 3:30

कथिलेत परमेस्‍वर एकेटा छै। उ यहुदी आ गैर-यहुदी दुनुके बिस्‍बास दुवारा धरमी ठहराइछै।

१ कोरन्‍थी 8:4

तैखातिर मुरुतिके चरह्‍याल खाइले मिलैछै कि नै मिलैछै तैके बारेमे हमसब जानैचियै कि, सन्‍सारके मुरती किछो नै चियै आ एक मातरे परमेस्‍वर बाहेक औरो कोइ नै छै।

गलाती 3:20

मिलाप हैकेलेल दुनु पक्‍छ चाही महज परमेस्‍वर एक पक्‍छ मातरे छै।

१ तिमोथी 1:5

हमर कहैके उदेस्‍य त यि चियै कि बिस्‍बासीसब एक दोसरके परेम करे, जे परेम सुध हिरदय, असल बिबेक आ साँचोके बिस्‍बाससे मातरे आबैछै।

१ तिमोथी 2:5

कथिलेकी परमेस्‍वर एकेटा छै। परमेस्‍वर आ लोकसबके बिचमे मिलाप कराइबला एकेटा लोक छै। उ लोक येसु खिरिस्‍ट चियै।

याकुब 2:19

परमेस्‍वर एकेटा छै कैहके तु बिस्‍बास करैचिही। बहौत निक! महज एहेन बिस्‍बास त भुतोसब करैछै आ डरसे थरथर कापैछै।

यहुदा 1:25

अपनासबके परभु येसु खिरिस्‍ट दुवारा, अपनासबके मुक्‍ती दैबला एक मातरे परमेस्‍वरके सब आदर, महिमा, सक्‍ती आ अधिकार जुगो-जुग तलिक हैतरहे। आमेन।