मरकुस 11:23 - मध्‍य पुरविया थारू

²³ हम तोरासबके साँचोके कहैचियौ, यदी आपन मनमे कोनो संखा नै करतै महज आपनेसे कहल बात पुरा हेबे कैहके बिस्‍बास कैरके यि पहाड़के ‘अतसे उखरके समुन्‍दरमे जो’ कहतै त ओकरलेल तैहनङ हेतै।

मरकुस 11:23 ပူးပေါင်းရင်းမြစ်များ

मतीके लिखल सुसमाचार 14:13

जब येसु यि बात सुनल्‍कै तब एकटा नाहमे चहैरके चुप-चाप सुन-सान ठाममे चैलगेलै। महज येसु जाइले लागल छै सुइनके बहुतो लोकसब सहर-सहरसे पैदले चैलके ओकर पछा गेलै।

मतीके लिखल सुसमाचार 17:20

येसु उसबके जबाफ देल्‍कै, “तोरासबके बिस्‍बासमे कमि भेलाके कारन अनङ भेलै। साँचोके हम तोरासबके कहैचियौ, यदी तोरासबमे रायके बिया बराबर बिस्‍बास रहतौ त यि पहारके ‘अतसे हैट जो’ कहबिही त हैटजेतौ आ तोरासबके लेल कोनो चिज असम्‍भब नै हेतौ।

मतीके लिखल सुसमाचार 21:21

तब येसु उसबके जबाफ देल्‍कै, “साँचेके हम तोरासबके कहैचियौ, यदी तोरासबमे बिस्‍बास छौ आ सङका नै कैरके यि अन्‍जिरके गाछके जे हम करलियै अतबेक नै, महज यि पहारके ‘तु अतेसे उखैरके समुन्‍दरमे खस’ कहबिही त तहिनङे हेतौ।

लुका 17:6

तब फेनो येसु कहल्‍कै, “अगर तोरासबके बिस्‍बास रायके बियो बमौजी हेतौ त यि तुतके गाछके, ‘तु उखैरके समुन्‍दरमे रोपा जो’ कहबी त तैहनङ हेतौ।”

युहन्‍ना 14:13

तुसब हमर नाममे जे कुछ माङबिही, ओइसे बेटासे पिताके महिमा हेबे कैहके हम पुरा कैरदेबौ।

युहन्‍ना 15:7

यदी तुसब हमरमे रहबिही आ हमर बचन तोरासबमे रहतौ त, तुसब जे माङैले चाहैचिही से माङ आ उ तोरासबके देतौ।

१ कोरन्‍थी 13:2

हमरसङे अगमबानी बोलैबला बरदान छै आ सब रहस आ सब किसिमके ग्‍यान बुझैले सक्‍बै आ पहार हटाबे सकैबला पुरा बिस्‍बास हमरसङे छै, महज हमरमे परेम नै छै त, हम किछो नै चियै।