मरकुस 11:18 - मध्‍य पुरविया थारू

¹⁸ तब मुल पुजारीसब आ धरमगुरुसब यि बात सुइनके येसुके कनङके मारल जेतै तकर उपाय सोचे लाग्‍लै। महज उसब ओकरसे डराबैछेलै, कथिलेत लोकसबके पुरा भिर ओकर सिक्‍छा सुइनके अच्‍चम मान्‍ने रहै।

मरकुस 11:18 ပူးပေါင်းရင်းမြစ်များ

मतीके लिखल सुसमाचार 21:15

जब मुल पुजारीसब आ धरमगुरुसब येसुके करल अचमके कामसब देखल्‍कै आ मन्‍दिरमे बच्‍चासब “दाउदके पुतरके जय हेबे” कैहके जोर-जोरसे हल्‍ला करैत सुनल्‍कै, तब उसब एकदम खिस्‍याइलै।

मतीके लिखल सुसमाचार 7:28

जब येसु चेलासबके यि बात कैहसक्‍लै तब भिरके सबलोक ओकर सिक्‍छा सुइनके छक परलै।

मरकुस 1:22

ओकर सिक्‍छा सुइनके ओतेका लोकसब छक्‍क परलै, कथिलेत उ धरमगुरुसब जखा नै महज अधिकारसे भरल लोक जखा सिखाइछेलै।

मरकुस 11:32

महज लोकसबसे छै कहैले डेरेलै कथिलेत लोकसब युहन्‍नाके साँचोके अगमबक्‍ता चियै कैहके बिस्‍बास करने रहै।”

मरकुस 12:12

तैल्‍याके मुख पुजारीसब, सास्‍तरीसब आ अगुवासब येसुके पकरैले ताकैछेलै, कथिलेत यि खिसा हमरेसबके बिरोधमे कैहरहल छै से बुझल्‍कै। महज भिरके लोकसबसे डराबैके कारन ओकरा छोइरके चैलगेलै।

मरकुस 3:6

तब फरिसीसब निकैलके गेलै आ ओकरा कनङके मारबै कैहके तुरन्‍ते हेरोदिसबसङे ओकर बिरोधमे सल्‍लाह करल्‍कै।

मरकुस 6:20

कथिलेत युहन्‍ना एक धरमी आ पबितर लोक चियै थाह पाइबके हेरोद ओकरसे डराइछेलै आ सुरक्‍छित राखने छेलै। युहन्‍नाके सिक्‍छा सुनैबखत उ बहुत घबराल छेलै महज तैयो ओकर बातसब धियान द्‍याके सुनैछेलै।

लुका 19:47

येसु सबदिन मन्‍दिरमे सिक्‍छा दैछेलै, महज ओतेका परमुख पुजारीसब, धरमगुरुसब आ सासकसब मिलके ओकरा मारैले चाहैछेलै।

लुका 2:47

ओकर बिचार आ उतर दैत सुइनके ओइ ठामके सब लोकसब आस्‍चरजमे परलै।

लुका 20:19

तब धरमगुरुसब आ मुल पुजारीसब येसुके तखुन्‍ते पकरैले चाहल्‍कै, कथिलेत उसब जानैछेलै कि यि दिस्‍टान्‍त ओहैसबके बिरुधमे कहने रहै। महज उसब लोकसबसे डराबै छेलै।

लुका 4:22

सब लोकसब येसुके परसन्‍सा करल्‍कै आ अनुगरहसे भरल येसुके बचन सुइनके छक परलै। तब उसब कहैछेलै, “कि यि योसेफके बेटा नै चियै?”

युहन्‍ना 7:1

तकरबाद येसु गालिल परदेसमे घुमफिर करल्‍कै। उ यहुदिया इलाका दिसन जाइले नै चाहल्‍कै, कथिलेत यहुदीसब ओकरा जानसे मारैले मौका ताकैछेलै।

युहन्‍ना 7:19

मोसा तोरासबके बेबस्‍था देल्‍कौ, महज तुसब कोइ नै पालन करैचिही। तोरासब कथिले हमरा मारैले मौका ताकैचिही?”

युहन्‍ना 7:46

पहरेदारसब जबाफ देल्‍कै, “उ लोक जखा त अखुनतक कोनो लोक नै बोल्‍नेछै!”

परेरित 24:25

जब पावल धरमी भ्‍याके काम करे परतै, आपन मनके बसमे राखे परतै आ आबैबला नियाइके बारेमे बोल्‍लै तब फेलिक्‍स डेरेलै आ कहल्‍कै, “अखुन जो, मौका मिल्‍तौ त हम फेनो तोरा बोलाइबौ।”