मरकुस 10:52 - मध्‍य पुरविया थारू

⁵² येसु ओकरा कहल्‍कै, “जो, तोहर बिस्‍बाससे तु निक भेल्‍ही।” तब उ तखुन्‍ते देखे लाग्‍लै आ परमेस्‍वरके परसन्‍सा करैत ओकर पछा लाग्‍लै।

मरकुस 10:52 ပူးပေါင်းရင်းမြစ်များ

मतीके लिखल सुसमाचार 11:5

अन्‍हरासब देखैछै, नेङरासब चलैछै, कोढि-कुस्‍टी लागलसब सुध हैछै, बैहरासब सुनैछै, मरलसब जिजाइछै आ दुखी गरिबसबके सुसमाचार सुनाइछै।

मतीके लिखल सुसमाचार 12:22

तब लोकसब एकटा भुत आत्‍मा लागल आन्‍हर आ बौक लोकके येसु लग आनल्‍कै। येसु ओकरा निक करल्‍कै तब उ लोक बोले आ देखे लाग्‍लै।

मतीके लिखल सुसमाचार 15:28

तब येसु ओकरा जबाब देल्‍कै, “ए जनि, तोहर बिस्‍बास बहौत बरका छौ। जैहनङ तु चाहैचिही तैहनङ तोहर लेल हेबे।” तखुन्‍ते ओकर बेटी निक भ्‍यागेलै।

मतीके लिखल सुसमाचार 21:14

तब मन्‍दिरमे अन्‍हरासब आ नेङरासब येसु लग एलै आ उ ओइसबके निक करल्‍कै।

मतीके लिखल सुसमाचार 8:3

तब येसु आपन हाथ अगा बरहाके छुबल्‍कै आ कहल्‍कै, “हम चाहैचियौ, तु सुध भ्‍याजो।” उ तखुन्‍ते कोढि-कुस्‍टीसे सुध भेलै।

मतीके लिखल सुसमाचार 9:22

तब ठामे घुइमके येसु ताकल्‍कै त ओइ जनिके देखल्‍कै आ कहल्‍कै, “बेटी, साहस कर, तोहर बिस्‍बास तोरा निक करल्‍कौ।” उ जनी तखुन्‍ते निक भ्‍यागेलै।

मरकुस 1:31

तब येसु ओकरलग गेलै आ ओकर हाथ पकैरके उठेल्‍कै। तखुन्‍ते जर बोखार ओकरा छोरल्‍कै आ उ ओकरासबके स्‍वागत-सत्‍कार करल्‍कै।

मरकुस 5:34

तब येसु ओकरा कहल्‍कै, “बेटी, तु बिस्‍बास कैलाके कारन निक भेल्‍ही। निकसे जो। तोहर बिमारसे तु मुक्‍त भेलचिही।”

मरकुस 8:25

येसु फेनो ओकर आँखमे आपन हाथ राखल्‍कै आ उ एकटक लग्‍याके ताकल्‍कै। तब ओकर आँखमे रोसनी एलै आ उ फेनो निकसे देखे लाग्‍लै।

लुका 7:50

महज येसु जनिजाइतके कहल्‍कै, “तोहर बिस्‍बाससे तोरा बचाइनेछौ, सान्‍तीसाथ जो।”

लुका 9:48

आ चेलासबके कहल्‍कै, “जे कोइ हमर नामसे अइ बालकके सुइकार करतै, उ हमरा सुइकारतै, जे हमरा सुइकार करतै, उ हमरा पठाइबलाके सुइकार करतै। कथिलेत जे कोइ सबसे छोट छै, ओहे सबसे बरका हेतै।”

युहन्‍ना 9:32

जहियासे सन्‍सार सुरु भेल छै, तहियासे आइतक जलमेसे अन्‍हर लोकके आँख खोइलदेल्‍कै से बात कहियो नै सुन्‍ने चियै।

युहन्‍ना 9:39

तब येसु कहल्‍कै, “नै देखैबलासब देखे आ देखैबलासब अन्‍हर हेबे कैहके हम सन्‍सारमे नियाइ करैले एलचियै।”

परेरित 26:18

तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’