मरकुस 10:45 - मध्‍य पुरविया थारू

⁴⁵ कथिलेत मानबके बेटा सेबा लैले नै, महज सेबा करैले आ बहौत लोकके छुटकाराके दामके खातिर आपन परान दैले एलछै।”

मरकुस 10:45 ပူးပေါင်းရင်းမြစ်များ

मतीके लिखल सुसमाचार 20:28

तैहनङे मानबोके बेटा दोसरसे सेबा लैले नै, महज सेबा करैले आ बहौत लोकसबके पापसे छुटकारा दैके खातिर आपन परान दैले एलछै।”

मरकुस 10:44

तब तोरासबमेसे जे बरका हैके इक्‍छा करतौ, ओकरासबके दास हेबेपरतै।

युहन्‍ना 10:15

जहिनङ पिता हमरा चिन्‍हैछै आ हम पिताके चिन्‍हैचियै, तहिनङ हम आपन भेंरासबके चिन्‍हैचियै आ भेंरासब हमरा चिन्‍हैछै। हम भेरासबके लेल आपन परानो दैचियै।

युहन्‍ना 13:14

यदि तोरासबके परभु आ गुरु भ्‍याके तोरासबके टाङ धुवाइलियौ त तोरोसबके एक-दोसरके टाङ धुवाइले परतौ।

२ कोरन्‍थी 5:21

येसु खिरिस्‍टमे पाप नै छेलै, तैयो परमेस्‍वर अपनासबके खिरिस्‍टमे धरमी ठहराबैके लेल अपनासबके पाप खिरिस्‍टमे राइखदेल्‍कै।

२ कोरन्‍थी 8:9

कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।

गलाती 3:13

खिरिस्‍ट अपनासबके खातिर सरापित भ्‍याके अपनासबके बेबस्‍थाके सरापसे मोल तिरके छुटकरा देल्‍कै, कथिलेत पबितर धरमसास्‍तरमे एहेन लिखल छै, “काठमे लटक्‍याल लोक सरापित हैछै।”

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

हिबरु 5:8

उ परमेस्‍वरके बेटा हैतोपरभी आपन भोगल दुखसे उ परमेस्‍वरके आग्‍यापालन करैले सिखल्‍कै।

१ पतरुस 1:19

महज येसु खिरिस्‍टके निरदोस आ अनमोल लहुसे तोरासबके छुटकरा देनेछौ। उ सुध आ निस्‍खोट बैलभोगमे चरहाबैबला थुमा छेलै।