मरकुस 10:43 - मध्‍य पुरविया थारू

⁴³ महज तोरासबमे एहेन नै हेतौ, जे तोरासबमेसे पैध हैके इक्‍छा करतौ, ओकरा तोरेसबके सेबक हेबेपरतै।

मरकुस 10:43 ပူးပေါင်းရင်းမြစ်များ

मरकुस 10:42

तब येसु ओइसबके आपनलग बोल्‍याके कहल्‍कै, “तोरौरके जानैचिही कि आनजातमे सासन करैबलासब मनमानी करैछै आ पैध लोकसब ओकरासबके उपर अधिकार जमाबैछै।

मरकुस 10:44

तब तोरासबमेसे जे बरका हैके इक्‍छा करतौ, ओकरासबके दास हेबेपरतै।

मरकुस 9:35

तब येसु बैठलै आ आपन बारहो चेलासबके बोल्‍याके कहल्‍कै, “जे बरका हैले इक्‍छा करैछै त, ओकरा सबसे छोट बने परतै आ सबके सेबक हेबेपरतै।”

लुका 14:11

कथिलेत जे अपनाके बरका सोचैछै उसबसे निच हेतै आ जे अपनाके निच सोचैछै उसबसे बरका हेतै।”

लुका 18:14

तब येसु ओइसबके कहल्‍कै, “हम तोरासबके कहैचियौ, बटी उठाइबला लोक फरिसीसे बेसी धरमी ठहैरके आपन घर गेलै। कथिलेत जे आपनके बरका सोचैछै उ सबसे छोट हैछै आ जे आपनके छोट सोचैछै उ सबसे बरका हैछै।”

लुका 22:26

महज तोरासबमे एहेन नै हेबे। तोरासबमेसे जे सबसे बरका छौ, से कोइ सबसे छोट बने आ जे कोइ अगुवाइपनि करैछै, सेकोइ नोकर नहाइत सेबा करे।

लुका 9:48

आ चेलासबके कहल्‍कै, “जे कोइ हमर नामसे अइ बालकके सुइकार करतै, उ हमरा सुइकारतै, जे हमरा सुइकार करतै, उ हमरा पठाइबलाके सुइकार करतै। कथिलेत जे कोइ सबसे छोट छै, ओहे सबसे बरका हेतै।”

युहन्‍ना 18:36

तब येसु जबाफ देल्‍कै, “हमर राज यि सन्‍सारके नै चियै। हमर राज यि सन्‍सारके रहतियै त हमरा पछुवाइबला हमर लेल लराइ करतियै आ हम यहुदीसबके हाथमे नै परतियै। महज हमर राज यि सन्‍सारके नै चियै।”

रोमी 12:2

अइ सन्‍सारके लोकसब जखा देखासेखी नै कर महज आपन सोच-बिचार परमेस्‍वरके परिबरतन करैले दहै। तब परमेस्‍वरके असल, मनपरैबला आ सिध इक्‍छा कथी चियै से तुसब जानबिही।

गलाती 5:13

भाइ-भैयासब, तुसब स्‍वतन्‍तर हैले बोल्‍याल गेलचिही। यि स्‍वतन्‍तरताके आपन पाप स्‍वभाबके इक्‍छा पुरा करैले परयोग नै कर। बरु परेमसे एक दोसरके भलाइ कर।