मरकुस 10:22 - मध्‍य पुरविया थारू

²² यि बात सुइनके उ लोक उदास भेलै आ दुखी भ्‍याके चैलगेलै, कथिलेत उ बहुत बरका धनिक छेलै।

मरकुस 10:22 ပူးပေါင်းရင်းမြစ်များ

मतीके लिखल सुसमाचार 13:22

काँटके झारमे परल बिचहन उ लोक जखा चियै, जे बचन सुनैछै, महज सन्‍सारके चिन्‍ता आ धन-सम्‍पतीके मोह-मायासे बचनके दाइब दैछै। उ बचन ओकर जिबनमे कोनो परकारके फल नै फराबैछै।

मतीके लिखल सुसमाचार 19:22

यि बात सुइनके उ लोक एकदम निरास भेलै आ ओतेसे चैलगेलै, कथिलेत ओकरा बहुत धन-सम्‍पती रहै।

मतीके लिखल सुसमाचार 27:3

येसुके मिरतुदन्‍ड द्‍याल बात सुइनके धोखा दैबला यहुदा इस्‍कोरियोतके पछुताबा भेलै। उ मुख पुजारीसब आ अगुवासब लग चानीके तिस डलर ल्‍याके गेलै,

मरकुस 10:21

तब येसु ओकर दिसन ताइकके परेमसे कहल्‍कै, “तोहरमे एकटा औरो चिजके कमि छौ। तोहरसङे भेल्‍हा सब धन-सम्‍पती बेचके गरिबसबके बाइट दहै, तब स्‍वरगमे तोरा बहुत धन भेटतौ आ हमर पछा लाग।”

मरकुस 10:23

तब येसु चारुदिसन ताइकके आपन चेलासबके कहल्‍कै, “धनिक लोकसबके परमेस्‍वरके राजमे आबैले बहुत कठिन हैछै।”

मरकुस 6:20

कथिलेत युहन्‍ना एक धरमी आ पबितर लोक चियै थाह पाइबके हेरोद ओकरसे डराइछेलै आ सुरक्‍छित राखने छेलै। युहन्‍नाके सिक्‍छा सुनैबखत उ बहुत घबराल छेलै महज तैयो ओकर बातसब धियान द्‍याके सुनैछेलै।

मरकुस 6:26

ओइ बखत रजा एकदम दुखी भेलै आ भोजमे एल्‍हा मेजमानसबके अगा आपन करल बचन तोरैले नै चाहल्‍कै।

लुका 12:15

तब येसु भिरमे भेल्‍हा सब लोकसबसे कहल्‍कै, “सब परकारके लोभ लालच करैसे होसियार रह, कथिलेत लोकके जिन्‍गी ओकर धने सम्‍पैतमे अरल नै रहैछै।”

लुका 18:23

महज यि बात सुइनके यहुदी सासक उदास भेलै, कथिलेत उ बहुत बरका धनिक छेलै।

२ कोरन्‍थी 7:10

जे परमेस्‍वरके इक्‍छा सुइकार कैरके दुख मानैछै आ पस्‍चाताप करैछै, तकरा परमेस्‍वर बचेतै। एहेन किसिमसे दुखमे पछताइले नै परैछै। महज सन्‍सारके लोकसब जखा दुख मातरे करैछै त उ मिरतु दिसन लजाइछै।

एफिसी 5:5

तोरासबके यि बात जानैये परतौ, कि बेबिचार करैबला, अपबितर आ लोभ करैबला लोकके (जे मुरतिपुजा चियै) खिरिस्‍ट आ परमेस्‍वरके राजमे कोनो हक नै छै।

२ तिमोथी 4:10

कथिलेत डेमास सन्‍सारके मोहमे फैसके हमरा छोइरदेल्‍कै आ थेसलोनिकेमे चैलगेलै। केरसेन्‍स गलातियामे आ तितस दलमातियामे गेलछै।