मरकुस 1:32 - मध्‍य पुरविया थारू

³² रौद डुब्‍लाके बाद साँझमे बहुत किसिमके रोगी-बिमारीसब आ भुत लागल लोकसबके येसु लग आनल्‍कै।

मरकुस 1:32 ပူးပေါင်းရင်းမြစ်များ

मतीके लिखल सुसमाचार 4:24

अहिनङे ओकर कामके चरचा पुरे सिरिया परदेसमे फैलगेलै। हरेक परकारके रोग-बिमारसे सत्‍याल, भुत लागल, मिरगी लागल आ लकबा मारल लोकसबके येसु लग आनल्‍कै आ येसु ओइसबके निक करल्‍कै।

मतीके लिखल सुसमाचार 8:16

जब साँझ परलै तब लोकसब बहौत भुत आत्‍मा लागल लोकसबके येसु लग आनल्‍कै। येसु आपन बचनसे भुत आत्‍मासबके निकालल्‍कै आ बहुतो किसिमके रोगी-बिमारीसबके निक करल्‍कै।

मतीके लिखल सुसमाचार 8:17

अहिनङे यसैया अगमबक्‍ताके कहल बात पुरा भेलै- “उ अपनासबके कमजोरीसब आ अपनासबके रोग-बिमारसब बोइक लेल्‍कै।”

मरकुस 1:21

तब उसब कफरनहुम सहरमे गेलै। पबितर बिसराम दिनमे येसु यहुदी सभाघरमे ज्‍याके सिक्‍छा दैले लाग्‍लै।

मरकुस 1:31

तब येसु ओकरलग गेलै आ ओकर हाथ पकैरके उठेल्‍कै। तखुन्‍ते जर बोखार ओकरा छोरल्‍कै आ उ ओकरासबके स्‍वागत-सत्‍कार करल्‍कै।

मरकुस 3:2

कतौ उ बिसरामके दिनमे ओकर सुखलहा हाथ निक करतै कि कैहके ओकरा दोस लगाइबला फरिसीसब नजर पसारने रहै।

लुका 4:40

रौद डुब्‍लाके बाद बहुत किसिमके रोगीसबके येसु लग आनल्‍कै। येसु ओकरासबके उपरमे हाथ राखल्‍कै आ सब रोगीसबके निक करल्‍कै।

लुका 4:41

बहुत लोकसबके देहसे भुतसब चिच्‍याइते ऐहेन कैहके निकल्‍लै, “अहाँ परमेस्‍वरके बेटा चियै!” महज येसु खिस्‍याके भुतसबके बोले नै देल्‍कै कथिलेत मुक्‍ती दैबला खिरिस्‍ट चियै कैहके चिन्‍हैछेलै।