मतीके लिखल सुसमाचार 9:22 - मध्‍य पुरविया थारू

²² तब ठामे घुइमके येसु ताकल्‍कै त ओइ जनिके देखल्‍कै आ कहल्‍कै, “बेटी, साहस कर, तोहर बिस्‍बास तोरा निक करल्‍कौ।” उ जनी तखुन्‍ते निक भ्‍यागेलै।

मतीके लिखल सुसमाचार 9:22 ပူးပေါင်းရင်းမြစ်များ

मतीके लिखल सुसमाचार 15:28

तब येसु ओकरा जबाब देल्‍कै, “ए जनि, तोहर बिस्‍बास बहौत बरका छौ। जैहनङ तु चाहैचिही तैहनङ तोहर लेल हेबे।” तखुन्‍ते ओकर बेटी निक भ्‍यागेलै।

मतीके लिखल सुसमाचार 17:18

तब येसु भुत आत्‍माके डाटल्‍कै आ भुत आत्‍मा ओकरसे निकैलेके गेलै। तब तखुन्‍ते उ छौरा निक भेलै।

मतीके लिखल सुसमाचार 8:13

तकरबाद येसु कप्‍तानके कहल्‍कै, “आब जो, तु जहिनङ बिस्‍बास करनेचिही, तहिनङ हेतौ।” तखुन्‍ते ओकर नोकर निक भेलै।

मतीके लिखल सुसमाचार 9:2

तब कुछ लोकसब झोलङामे बोइकके एकटा लकबा मारल लोकके येसु लग आनल्‍कै जे बिछोनासे उठे नै सकैछेलै। येसु ओइसबके बिस्‍बास देखके लकबा मारल लोकके कहल्‍कै, “बेटा, साहस कर। तोहर पाप छमा भेल छौ।”

मतीके लिखल सुसमाचार 9:29

तब येसु ओइसबके आँख छुबैत कहल्‍कै, “जैहनङ तोरासबके बिस्‍बास छौ, तैहनङ तोरासबके खातिर हेबे।”

मरकुस 10:52

येसु ओकरा कहल्‍कै, “जो, तोहर बिस्‍बाससे तु निक भेल्‍ही।” तब उ तखुन्‍ते देखे लाग्‍लै आ परमेस्‍वरके परसन्‍सा करैत ओकर पछा लाग्‍लै।

मरकुस 5:34

तब येसु ओकरा कहल्‍कै, “बेटी, तु बिस्‍बास कैलाके कारन निक भेल्‍ही। निकसे जो। तोहर बिमारसे तु मुक्‍त भेलचिही।”

लुका 17:19

फेनो येसु ओकरा कहल्‍कै, “उठ आ आपन रस्‍ता पकैरके जो। तोहर बिस्‍बाससे तु निक भेल्‍ही।”

लुका 18:42

येसु ओकरा कहल्‍कै, “तु देखैबला भ्‍याजो! तोहर बिस्‍बाससे तु निक भेल्‍ही।”

लुका 7:50

महज येसु जनिजाइतके कहल्‍कै, “तोहर बिस्‍बाससे तोरा बचाइनेछौ, सान्‍तीसाथ जो।”

लुका 8:48

येसु ओकरा कहल्‍कै, “बेटी, तोहर बिस्‍बाससे तु निक भेलचिही, सान्‍तीसे जो।”

युहन्‍ना 4:53

तब उ बुझ्‍लै जे ठिक ओहै बखत येसु ओकरा कहने छेलै जे, तोहर बेटा निक भ्‍याजेतौ से जानल्‍कै। तब उ आपनो आ ओकर सब परिबार येसुमे बिस्‍बास करल्‍कै।

परेरित 14:9

पावल जे बोलैत रहै से उ सुनैछेलै। पावल उ लोकके निक हेबे सक्‍बै से बिस्‍बास देखके सिधा ओकर दिसन ताकल्‍कै।

परेरित 16:18

उ छौरी बहौत दिनतक ओहिनङ करैत रहलै। बादमे पावल एक दिन दिक्‍क भ्‍यागेलै तब ओकर दिसन घुइमके भुत आत्‍माके कहल्‍कै, “हम येसु खिरिस्‍टके नाममे हम तोरा आग्‍या दैचियौ, तु यि छौरीसे निकैलके चैलजो।” पावल यि बात कहैत मातर उ भुत आत्‍मा ओइ छौरीसे निकैलके चैलगेलै।

हिबरु 4:2

कथिलेत अपनोसबके सेहो ओइसबके जखा सुसमाचार परचार करलगेलछै, महज उसब ओइ सुसमाचारमे बिस्‍बास नै करलाके कारन ओकरासबके कुछो फाइदा नै करल्‍कै।