मतीके लिखल सुसमाचार 9:2 - मध्‍य पुरविया थारू

² तब कुछ लोकसब झोलङामे बोइकके एकटा लकबा मारल लोकके येसु लग आनल्‍कै जे बिछोनासे उठे नै सकैछेलै। येसु ओइसबके बिस्‍बास देखके लकबा मारल लोकके कहल्‍कै, “बेटा, साहस कर। तोहर पाप छमा भेल छौ।”

मतीके लिखल सुसमाचार 9:2 ပူးပေါင်းရင်းမြစ်များ

मतीके लिखल सुसमाचार 14:27

तब तुरन्‍ते येसु ओइसबके कहल्‍कै, “नै डरा, हम्‍ही चियौ, साहस कर।”

मतीके लिखल सुसमाचार 4:24

अहिनङे ओकर कामके चरचा पुरे सिरिया परदेसमे फैलगेलै। हरेक परकारके रोग-बिमारसे सत्‍याल, भुत लागल, मिरगी लागल आ लकबा मारल लोकसबके येसु लग आनल्‍कै आ येसु ओइसबके निक करल्‍कै।

मतीके लिखल सुसमाचार 6:12

हमरासबके अपराध छमा करु, जनङ हम्‍हुसब आपन अपराधीसबके छमा करनेचियै।

मतीके लिखल सुसमाचार 8:10

जब येसु यि बातसब सुनल्‍कै तब आस्‍चरजमे परलै आ आपन पछा लागैबला लोकसबके कहल्‍कै, “साँचोके, हम तोरासबके कहैचियौ, एहेन बिस्‍बास करैबला लोक त हम इजराएली लोकसबमे नै भेटेलियै।

मतीके लिखल सुसमाचार 8:16

जब साँझ परलै तब लोकसब बहौत भुत आत्‍मा लागल लोकसबके येसु लग आनल्‍कै। येसु आपन बचनसे भुत आत्‍मासबके निकालल्‍कै आ बहुतो किसिमके रोगी-बिमारीसबके निक करल्‍कै।

मतीके लिखल सुसमाचार 9:22

तब ठामे घुइमके येसु ताकल्‍कै त ओइ जनिके देखल्‍कै आ कहल्‍कै, “बेटी, साहस कर, तोहर बिस्‍बास तोरा निक करल्‍कौ।” उ जनी तखुन्‍ते निक भ्‍यागेलै।

मतीके लिखल सुसमाचार 9:5

आब कह त हम यि लोकके, ‘तोहर पाप छमा भेलौ’ कि ‘उइठके चल’ कहैमे कोन असान हेतौ?

मतीके लिखल सुसमाचार 9:6

महज मानबके बेटाके पिरथिबीमे पाप छमा करैके अधिकार छै, से तुसब जान।” तकरबाद उ लकबा मारल लोकके कहल्‍कै, “उठ, तोहर बोरिया-बिस्‍तर बोक आ घर जो।”

मरकुस 1:32

रौद डुब्‍लाके बाद साँझमे बहुत किसिमके रोगी-बिमारीसब आ भुत लागल लोकसबके येसु लग आनल्‍कै।

मरकुस 10:49

तब येसु ठार भेलै आ कहल्‍कै, “ओकरा बोलाके अते आन!” उसब ओइ भिखमङा लोकके बोल्‍याके कहल्‍कै, “साहस कर, उठ येसु तोरा बोल्‍यारहलछौ।”

मरकुस 5:34

तब येसु ओकरा कहल्‍कै, “बेटी, तु बिस्‍बास कैलाके कारन निक भेल्‍ही। निकसे जो। तोहर बिमारसे तु मुक्‍त भेलचिही।”

मरकुस 6:50

कथिलेत सबकोइ ओकरा देखके डराएल छेलै। महज येसु झटदबर ओकरासबके कहल्‍कै, “नै डेरा, हम्‍ही चियौ, साहस कर!”

युहन्‍ना 16:33

“हम तोरासबके यि बात अहै खातिर कहनेचियौ, कि हमरमे रैहके तोरासबके सान्‍ती हेबे। सन्‍सारमे तोरासबके सङकट हेतौ, महज साहस कर, हम सन्‍सारके जितलेने चियै।”

युहन्‍ना 2:25

लोकसबके बारेमे ककरो नै ओकरा कहैके जरुरी छेलै, कथिलेकी ककर हिरदयमे कथी छै से बात उ आपने जानैछेलै।

युहन्‍ना 21:5

तब येसु ओइसबके चाल करैत कहल्‍कै, “हौ भाइसब! कि तोरासबके माछ भेटलौ?” उसब ओकरा जबाफ देल्‍कै, “नै”।

परेरित 14:9

पावल जे बोलैत रहै से उ सुनैछेलै। पावल उ लोकके निक हेबे सक्‍बै से बिस्‍बास देखके सिधा ओकर दिसन ताकल्‍कै।

परेरित 19:12

हैते-हैते लोकसब रुमाल या गम्‍छा ओकर देहमे छुब्‍याँके बिमारीसब लग लजाइछेलै आ उ बिमारीसब निक हैछेलै आ भुतो आत्‍मासब निकैलके जाइछेलै।

परेरित 23:11

ओहै रात परभु पावलके लगमे खरा भ्‍याके कहल्‍कै, “पावल, साहस कर! कथिलेत जहिना यरुसलेममे हमर बारेमे गबाही देने छेल्‍ही तहिना तोरा रोममे सेहो गबाही दैले परतौ।”

रोमी 5:11

अतबेक नै, महज अपनासबके परभु खिरिस्‍ट दुवारा अपनासब परमेस्‍वरमे आनन्‍द मनाबैचियै कथिलेत ओकरे दुवारा अपनासबके परमेस्‍वरसङे मिलाप भेलछै।

याकुब 2:18

महज कोइ हमरा पुछतै, “कि तु परमेस्‍वरमे बिस्‍बास करैचिही?” हम त कहबै, “हम ओकर आग्‍या अनुसार काम करैचियै। ओकर आग्‍यापालन बिना करल आपन बिस्‍बास देखा त? हम त कामसे आपन बिस्‍बास देखाइबै।”