मतीके लिखल सुसमाचार 7:21 - मध्‍य पुरविया थारू

²¹ “हमरा ‘हे परभु, हे परभु’ कहैबला कोइ नै स्‍वरगके राजमे ढुकैले सक्‍तै। महज जे स्‍वरगमे रहैबला पिताके इक्‍छा पालन करतै उ लोक मातरे स्‍वरगके राजमे ढुकैले पाबतै।

मतीके लिखल सुसमाचार 7:21 ပူးပေါင်းရင်းမြစ်များ

मतीके लिखल सुसमाचार 12:50

कथिलेत जे स्‍वरगमे रहैबला परमेस्‍वर पिताके इक्‍छा पालन करैछै, उहे हमर माँ आ हमर भाइ आ हमर बहिन चियै।”

मतीके लिखल सुसमाचार 16:17

येसु ओकरा कहल्‍कै, “हे योनाके बेटा सिमोन, तु धैनके चिही! कथिलेत यि बात तोरा लोकसे नै बल्‍की स्‍वरगमे रहैबला हमर पितासे परगट भेलछौ।

मतीके लिखल सुसमाचार 18:10

“होसियार रह, यि छोट बच्‍चासबमेसे ककरो तुसब निच नै समझ। कथिलेत हम तोरासबके कहैचियौ, उसबके देखभाल करैबला स्‍वरगदुतसब स्‍वरगमे रहैबला हमर पिताके अगामे रहैछै।

मतीके लिखल सुसमाचार 18:19

हम फेनो तोरासबके कहैचियौ, यदी अइ पिरथिबीमे तोरासबमेसे दुइगोरे एकसाथ एकेमन भ्‍याके कोनो चिज माङबिही त, उ स्‍वरगमे रहैबला हमर पिता तोरासबके देतौ,

मतीके लिखल सुसमाचार 18:3

“साँचोके हम तोरासबके कहैचियौ, जाबेतक तुसब मन बदैलके यि बच्‍चासबके मन जखा नै हेतौ ताबेतक स्‍वरगके राजमे कहियो नै ढुके सकबिही।

मतीके लिखल सुसमाचार 18:35

तकरबाद येसु आपन चेलासबके कहल्‍कै, “तुसब आपन भाइ-बहिनके हिरदयसे छमा नै करबही त, स्‍वरगमे रहैबला हमर पिता तोरोसबसङे ओहिनङे करतौ।”

मतीके लिखल सुसमाचार 19:24

हम फेनो तोरासबके कहैचियौ, धनिक लोकके परमेस्‍वरके राजमे आबैसे त बरु, उंटके टिपनीके नाथिमे ढुकैले असान हैछै।”

मतीके लिखल सुसमाचार 25:10

“महज निरबुधी कनियासब तेल किने गेल बखत बर आइबगेलै आ जेसब तैयार भेल छेलै उसब बियाहके भोजमे भितर गेलै आ केबार बन्‍द भ्‍यागेलै।

मतीके लिखल सुसमाचार 25:21

मालिक कहल्‍कै, ‘स्‍याबास! तु असल आ बिस्‍बास योग्‍य नोकर चिही। थोरबे चिजमे तु बिस्‍बास योग्‍य रहलिही। आब हम तोरा बहौत चिजके जिमा देबौ। हमरासङे आनन्‍द मना।’

मतीके लिखल सुसमाचार 26:39

उ कन्‍हिक अगा बैढके भुइयामे मुरी गोइतके अनङ कैहके परथना करेलाग्‍लै, “हे हमर पिता, यदी भ्‍यासकैछै त यि दुखके बाटी हमरासे हटा दिय, महज तैयो हमर इछा बमौजी नै, बल्‍की अहिके इछा बमौजी हेबे।”

मतीके लिखल सुसमाचार 26:42

येसु फेनो ज्‍याके परथना करे लाग्‍लै, “हे हमर पिता, यि दुखके बाटी पिने बिना नै बनेबला छै त अहाँके इछा जे छै से पुरा हेबे।”

मरकुस 3:35

कथिलेत जे परमेस्‍वरके इक्‍छा पालन करैछै, उहे हमर माँ आ हमर भाइ आ हमर बहिन चियै।”

मरकुस 9:47

तहिनङे यदी तोहर आँख पाप करैले लगाइछौ त ओकरा निकालके फेकदहै। दुनु आँख ल्‍याके नरकमे जाइसे त बरु आन्‍हर भ्‍याके स्‍वरगमे परबेस करनाइ उचित छै।

लुका 11:28

महज येसु कहल्‍कै, “उसब धैनके चियै, जेसब परमेस्‍वरके बचन सुनैछै आ मानैछै।”

लुका 13:25

घरके मालिक उठके केबार बन करतौ तब तुसब बाहरसे केबार ढकढकाइत कहबिही, ‘परभु, हमरासबके लेल केबार खोइलदिय।’ आ उ भितरसे जबाफ देतौ, ‘तुसब के चिही आ कतेसे एलचिही? हम नै चिन्‍हैचियौ।’

लुका 18:25

साच्‍चोके धनिक लोक परमेस्‍वरके राजमे आबैसे त बरु उंटके टिपनीके नाथिमे ढुकैले असान हैछै!”

लुका 6:46

“हमर कहल बात नै करैचिही आ नै मानैचिही त तुसब कथिले हमरा ‘परभु, परभु’ कहैचिही?

युहन्‍ना 14:7

तुसब हमरा साँचोके चिन्‍तिही त, हमर पितोके चिन्‍तिही। आबसे तुसब हमर पिताके चिन्‍हबिही कथिलेत तुसब ओकरा देखलेनेचिही।”

युहन्‍ना 15:23

जे हमरा घिरना करैछै, उ हमर पिताके सेहो घिरना करैछै।

युहन्‍ना 3:5

तब येसु ओकरा जबाब देल्‍कै, “हम तोरा साँचोके कहैचियौ, जाबेतक कोइ पानी आ आत्‍मासे जलम नै लेतै ताबेतक परमेस्‍वरके राजमे परबेस करैले नै सक्‍तै।

युहन्‍ना 5:17

महज येसु उसबके जबाफ देल्‍कै, “हमर पिता अखनियोतक काम कैरते छै आ हम्‍हु काम कैरते चियै।”

युहन्‍ना 6:40

कथिलेत हमर पिताके इक्‍छा यि चियै, कि बेटाके ताकैबला आ ओकरा बिस्‍बास करैबला सबकोइ अनन्‍त जिबन पाबे। हम ओकरा अन्‍तके दिनमे मरलसे जिबित करबै।”

युहन्‍ना 7:17

यदि कोइ ओकर इक्‍छा अनुसार काम करैले चाहैछै त से उ जाइन जेतै, कि हमर सिक्‍छा परमेस्‍वरसे एलछै, कि हम आपने मनसे बोलैचियै।

परेरित 14:22

उसब ओइठाम परभुके बिस्‍बासीसबके हिम्‍मत बरहाइत ओइसबके बिस्‍बासमे अस्‍थिर रहैले हौसला दैत रहलै आ कहैत रहलै, “परमेस्‍वरके राजमे पुगैसे पैहने अपनासबके बहौत दुख सहे परत।”

रोमी 12:2

अइ सन्‍सारके लोकसब जखा देखासेखी नै कर महज आपन सोच-बिचार परमेस्‍वरके परिबरतन करैले दहै। तब परमेस्‍वरके असल, मनपरैबला आ सिध इक्‍छा कथी चियै से तुसब जानबिही।

रोमी 2:13

कथिलेकी बेबस्‍था सुइनके मातरे लोकसब परमेस्‍वरके नजरमे धरमी नै ठहरतै महज बेबस्‍था पालन करैबलासब धरमी ठहरतै।

एफिसी 6:6

तोरासबके काम खाली मालिकके खुस करैके उदेससे देखाबैके लेल नै कर, महज खिरिस्‍टके नोकर-चाकरसब जखा पुरे हिरदयसे परमेस्‍वरके इक्‍छा पुरा कर।

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

१ थेसलोनिकी 4:3

तुसब पबितर रह कैहके परमेस्‍वरके इक्‍छाछै। अहैलेल तुसब बेबिचारसे अलग रह।

१ थेसलोनिकी 5:18

केहनो परिस्‍थितीमे परमेस्‍वरके धन्‍यबाद दहै, कथिलेकी येसु खिरिस्‍टमे तोरासबके लेल परमेस्‍वरके इक्‍छा यिहे चियौ।

तितस 1:16

उसब परमेस्‍वरके जानैछै कैहके दाबी करैछै महज ओइसबके बेबहारसे उसब परमेस्‍वरके इन्‍कार करैछै से बात देखाइछै। उसब घिनलागैबला आ अटेरी हैछै आ कोनो असल काम करे लाएकके नै छै।

हिबरु 13:21

तोरासबके हर परकारके असल गुनसबसे भरिपुरन करे आ तुसब ओकर इक्‍छा पुरा करैले सक। परमेस्‍वरके जे मन परैबलाछै से येसु खिरिस्‍ट दुवारा उ तोरासबमे करे। ओकर महिमा जुगो जुग तलिक रहे। आमेन।

हिबरु 4:6

पहिने सुसमाचार सुनैबलासब बिसराम करैबला ठाममे ढुकैले नै पाबल्‍कै, कथिलेकी उसब परमेस्‍वरके कहल बात नै मानल्‍कै, महज अखुनियो औरो कतहेक लोक बिसराम दैबला ठाममे ढुकैले बाकी छै।

याकुब 1:22

तोरौरके बचन पालन करैबला बन, सुनैबला मातरे भ्‍याके आपनके धोखा नै दहै।

१ पतरुस 2:15

तुसब असल काम कैरके मुरुख लोकसबके मुरखाहा बात बोलैबलासबके मुह बन्‍द कर कैहके परमेस्‍वरके इक्‍छाछै।

१ पतरुस 4:2

आबसे तुसब अइ पिरथिबीमे बाचै तलिक आपन जिबन लोकके जखा अधलाह इक्‍छामे नै, महज परमेस्‍वरके इक्‍छा अनुसारके जिबन बिता।

परकास 2:27

तकरबाद उसब लोहाके डन्‍टासे सासन करतै आ जाती जातीके लोकसबके माटीके बरतन जखा चकनाचुर करतै, जनङ हम आपन पितासे अधिकार पाबनेचियै तहिनङे ओकरा सबके देबौ।

परकास 22:14

उसब धैनके चियै, जे आपन बस्‍तर धोइबके साफ करैछै। उसब जिबनके गाछके फल खाइले आ ओइ सहरके देहरीसे भितर जाइले पाबतै।

परकास 3:5

जे सैतानके जित्‍तै, उ अनङ उजर बस्‍तर लगाइतै आ ओकर नाम हम जिबनके किताबसे कहियो नै मिटकाइबै। उ हमर लोक चियै कैहके आपन पिता आ ओकर स्‍वरगदुतसबके अगा हम सुइकार करबै।’