मतीके लिखल सुसमाचार 6:4 - मध्‍य पुरविया थारू

⁴ तोहर दान गुप्‍तमे हेबे आ सब चिज देखैबला परमेस्‍वर तोरा इनाम देतौ।

मतीके लिखल सुसमाचार 6:4 ပူးပေါင်းရင်းမြစ်များ

मतीके लिखल सुसमाचार 10:42

जे हमर छोटसे छोट चेलासबमेसे ककरो हमर चेला कैहके एक लोटा जुर पानी पियैले देतै त, हम साँचेके कहैचियै उ आपन इनाम नै गुमाइतै।”

मतीके लिखल सुसमाचार 6:18

तोहर उपास लोकसबके खातिर नै, महज गुप्‍तमे रहैबला तोहर पिता देखे आ सब चिज देखैबला परमेस्‍वर तोरा इनाम देतौ।

मतीके लिखल सुसमाचार 6:3

महज जब तु दान दैचिही, तोहर देहना हाथ कथी कैर-रहलछै से बमा हाथके थाह नै हेबे।

मतीके लिखल सुसमाचार 6:6

महज जब तुसब परथना करैचिही त, आपन भितरी कोठलीमे जो आ केबार लग्‍याके आपन पिता जकरा कोइ नै देखेसकैछै तकरसे परथना कर। जे गुप्‍तमे करल काम देखैछै ओह्‍या पिता तोरा इनाम देतौ।

लुका 14:14

तब तुसब आसिस पाबबिही, कथिलेत उसब तोहर गुन घुमाइले नै सक्‍तौ। ताब परमेस्‍वर आपन धरमी जनसब पुनरूथान हैतकाल तोरा इनाम देतौ।”

लुका 8:17

तैहनङे कोनो बात घोसाइरके राखैले नै सकैछै जे सब नै देखाइछै। तब कोनो बात घोसरल नै रहैछै जे थाह नै हैछै आ अस्‍पस्‍ट नै हैछै।

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

हिबरु 4:13

परमेस्‍वरके नजरसे सिरिस्‍टीके कोनो चिज नै छुपलछै। ओकर नजरके सामने सब बात खुल्‍ला आ परस्‍टछै। ओकरे अपनासबके करल कामके लेखा दैलेपरतै।

यहुदा 1:24

तोरासबके पापमे परैसे बचाइले सकैबला आ आनन्‍दसाथ आपन महिमाके अगा तोरासबके निरदोस ठहराइले सकैबला परमेस्‍वरके परसन्‍सा हेबे।

परकास 2:23

ओकर पछा लागैबला बेटा-बेटीसबके हम खतम करबै। तब सब मन्‍डलीसब थाह पाबतै कि हम वहे चियै जे सबके मन आ हिरदयके जाँच करैचियै। हम तोरासबके काम अनुसारके इनाम देबौ।