मतीके लिखल सुसमाचार 6:16 - मध्‍य पुरविया थारू

¹⁶ “जब तुसब उपास बैठैचिही तब कपटी जखा उदास चेहरा नै देखा। कथिलेत लोकसबके उपास बैठल देखाइले उसब आपन मुह मलिन करने रहैछै। साँचे हम तोरासबके कहैचियौ, ओकरासबके मिलैबला पुरे इनाम मिलगेलछै।

मतीके लिखल सुसमाचार 6:16 ပူးပေါင်းရင်းမြစ်များ

मतीके लिखल सुसमाचार 6:1

येसु चेलासबके कहैतगेलै, “होसियार रह, लोकसबके देखाबैलै धरम-करम तुसब नै कर। नै त स्‍वरगमे रहैबला पितासे तोरासबके कोनो इनाम नै भेटतौ।

मतीके लिखल सुसमाचार 6:2

“जब तुसब दान दैचिही त, आपनेसे ढोल नै पिट, जनङ कपटीसब सभाघरसब आ रस्‍तामे लोकसबसे आपन परसन्‍सा पाबैले करैछै। साँचे हम तोरासबके कहैचियौ, ओइसबके आपन इनाम भेटगेलछै।

मतीके लिखल सुसमाचार 6:5

“जब तुसब परथना करैचिही त, तखुन कपटी जखा नै बन, कथिलेत उसब सभाघरसबमे आ रस्‍ताके कात-करौतके लोकसब देखे कैहके ठरा भ्‍याके परथना करैछै। साँचोके, हम तोरासबके कहैचियौ, उसबके आपन इनाम मिलगेलछै।

मरकुस 2:18

ओइ समयमे बप्‍तिस्‍मा दैबला युहन्‍नाके चेलासब आ फरिसीसब उपास बैठैछेलै। कुछ लोकसब आइबके येसुके कहल्‍कै, “युहन्‍नाके चेलासब आ फरिसीके चेलासब बेर-बेर उपास बैठैछै महज अहाँके चेलासब कथिले नै बैठैये?”

लुका 18:12

हम हप्‍ताके दुइ दिन उपास बैठैचियै आ सब चिजके दसांस दैचियै।’

लुका 2:37

तब बिधुवे रैहके चौरासी बरिस बिताइने रहै। उ परमेस्‍वरके मन्‍दिरेमे उपास आ परथना कैरके रातदिन भक्‍तीसाथ परमेस्‍वरके सेबा करैतरहै।

परेरित 10:30

तब करनेलियस जबाब दैत कहल्‍कै, “चार दिन अगाके बात चियै। दिनके तिन बजे हम आपने घरमे परथना करैत रहियै। एकाएक चम्‍कैबला बस्‍तर पिन्‍हल एकटा लोक हमर अगामे ठार भेलै,

परेरित 14:23

जब उसब ओइसबके सब मन्‍डलीमे रेखदेख करैबलासब नियुक्‍त करल्‍कै, तब परथना आ उपासे रैहके आपन बिस्‍बास करल परभुमे ओइसबके सोइप देल्‍कै।

१ कोरन्‍थी 7:5

घरबला आ घरबाली एक-दोसरके सारिरीक समबन्‍धसे इन्‍कार नै कर। इन्‍कारो करबिही त परथनामे समय बिताबैके लेल एक-आपसमे सल्‍लाह कैरके कुछ समयके लेल अलग रह। तब फेर एकसाथ रह, नै त तुसब आपन मन थामैले नै सक्‍लाके कारनसे सैतान तोरासबके परिक्‍छामे पारतौ।

२ कोरन्‍थी 11:27

हम कतहेक रात नै सुइतके खुब मेहनत करलियै। हम बहौत बेर खाना बिना भुखे पियासे रहलियै आ बस्‍तर नै भेलासे जारसे कठुवाइलियै।

२ कोरन्‍थी 6:5

हमसब पिटाइ खेने चियै, जहलमे परल चियै, हुलदङ्‍गामे परलचियै। एकदमसे मेहनत करैचियै, सुतैयोले नै पाबनेचियै आ भुखे पियासेमे परल चियै।