मतीके लिखल सुसमाचार 6:12 - मध्‍य पुरविया थारू

¹² हमरासबके अपराध छमा करु, जनङ हम्‍हुसब आपन अपराधीसबके छमा करनेचियै।

मतीके लिखल सुसमाचार 6:12 ပူးပေါင်းရင်းမြစ်များ

मतीके लिखल सुसमाचार 26:28

यि परमेस्‍वर आ लोकसबके बिचमे समबन्‍ध बनाबैबला हमर लहु चियै, जे बहुतो लोकसबके पापसे छमा पाबैके लेल बह्‍याल ज्‍यारहल छै।

मतीके लिखल सुसमाचार 9:2

तब कुछ लोकसब झोलङामे बोइकके एकटा लकबा मारल लोकके येसु लग आनल्‍कै जे बिछोनासे उठे नै सकैछेलै। येसु ओइसबके बिस्‍बास देखके लकबा मारल लोकके कहल्‍कै, “बेटा, साहस कर। तोहर पाप छमा भेल छौ।”

मरकुस 11:25

जखुन तुसब परथनाके लेल खरा हेब्‍ही, तब ककरो बिरुधमे तुसब कुछो छौ त ओकरा माफ कर, जै से तोहर पिता जे स्‍वरगमे छौ सेहो तोहर अपराध माफ कैरदेतौ।

लुका 11:4

हमरासबके पापसब छमा कैरदिय, कथिलेत हम्‍हु हमर बिरुध पाप करैबलाके छमा करैचियै। हमरासबके जाँचसे दुर राखु।’”

लुका 13:4

या अठार गोरेके उपरमे सिलोआमके धरहरा खइसके मरल छेलै। कि उसब यरुसलेमके सब लोकसबसे बेसी पापी छेलै कैहके सम्‍झैचिही त?

लुका 6:37

“ककरो दोस नै लगा तोरोसबके परमेस्‍वर दोस नै लगाइतौ। दोसरके गलत नै ताक तब परमेस्‍वर तोरोसबके गल्‍ती नै ताकतौ। लोकसबके छमा दहै तब परमेस्‍वर तोरोसबके छमा करतौ।

परेरित 13:38

तै खातिर भाइ-भैयारीसब, तोरौरके थाह हेबे, कि येसुवेटासे मातर तोरौरके पाप छमा भ्‍या सकैछौ।

एफिसी 1:7

ओकर महान अनुगरह अनुसार खिरिस्‍ट आपन लहु बहेलासे अपनासब उधार आ पाप छमा पाबनेचियै।

एफिसी 4:32

महज एक-दोसरके दया देखा। जनङ परमेस्‍वर तोरासबके खिरिस्‍टमे छमा करल्‍कौ तहिनङे तुहुसब एक-दोसरके छमा कर।

कलस्‍सी 3:13

तुसब एक-दोसरके सहन कर, ककरो बिरोधमे मन दुखाइबला बातसब छौ त छमा कर। जनङ तोरासबके परभु छमा करनेछौ तैहनङ तुहुसब एक-दोसरके छमा करेपरतौ।